ماهو تعليقك ؟؟؟؟؟ لزوم .

ماهو تعليقك ؟؟؟؟؟ لزوم .

السلام عليكم ورحمة الله وبركاته

يا أخوان أنا طالبكم طلبه أن يكون الرأي بدون أي مجاملة !
أبي رأيك الشرعي والشخصي .

الموضوع :
هذا رجال عليه سمات أهل الخير ، وهو شريطي متمرس في بيع وشراء الإبل وله مكان ثابت في السوق وصاحب خبرة كذلك في ابل المزاين إلخ ..... ) ، المهم : أنا عندي مطيه فيها زين مقنوي وجا عليها سوم جزل وهي في المراح ، المهم بغيت أبيعها واستشرته كم تسوى لو جلبتها للسوق ؟ قال عساها تجيب لك 12 ألف .. وقلت يولد المطيه مقنوي رقم واحد وتسوى ومسيومه مني بثلاثين ألف ! قال أنا أفهم منك في السوق ياالله ياالله ،،، وكان معها مطيه ثانيه أدون منها شوي ... وقال تدري أبسوم منك الثنتين ووالله أني فازع لك ومجاملك في ذا الشريه ،، قلت له سم وسام وعييت عليه . وقال لي أسمع إذا زاد على سومتي أحد (( ترى لي سعي في البيعة )) !!!!!!!!! وقلت له ليش ؟ قال أنا اللي سايمها لك بذا السومه واللا هي ماتسوى ... وقلت له أبشوف ،، المهم جا رجال وزاد عليه ورفضت البيع ،،، دق علي هو وزاد في سومته ثلاث آلاف ريال مع أنها في نظره ماتسوى ولا تجيب قيمه ... الحقيقه هو أوهمني وخدّرني بأنها ماتسوى ورحت وبعته بسومته لأني طيب وصدقته وهو يتميز بسمات أهل الخير وكلامه موزون وفيه خوف من الله ،،،، وبعدها باع وحده من الناقتين اللي شرى مني بأكثر من قيمة الثنتين يوم يشريها مني ... وأنا استقبلت القبلة ودعيت وقلت ( إن كان ذا الرجال كاذب علي وظالمني في شريته مني بذا القيمه فعسى الله مايربحه في تجارة الأبل وحسبي الله عليه حساب شديد ، وإن كانه ماظلمني فالله يحلله ويبيحه ) .. ويعلم الله أني ماراح أذكر أسمه لكن لعل في الموضوع فايده ..... هذا والله ولي التوفيق ،،،،
ماهو تعليقك الشرعي أن أمكن والشخصي ؟

الموضوع الأصلي: ماهو تعليقك ؟؟؟؟؟ لزوم . || الكاتب: سلمان بن حمد الدوسري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

lhi, jugdr; ????? g.,l >

وعليكم السلام وحمة الله وبركاته

مساكـ الله بالخير يابو حمد

اولاً من ناحية الشريعة فلسنا باهل علم ولايجوز لنا أصدار حكم أو غيرهـ عليه

أما من الناحية الشخصية

فهذا الله يهديه مافيه خير اللى يبخس السلعة ويلعب على صاحب الحلال وللمعلوميه الشريطيه الكثير منهم مافيه خير الامن رحم ربي

وصراحة انا اعتبك على طيبتك الزايده !! مدام انك عارف حلالكـ فلايهمك الحكي وخل هذي عبره لكـ وان شاء الله يعوضك الكريم

وزود على ذلك انه يشرط سعي لانه سامها وهذا حرام وعسى الله يعين وأنا اخوك على ذا الزمن قل أهل الصدق والشيمه الواحد همه المال ولايهمه من وين جاء ,,

والله يا خوي ما دام أنها مسيومه بسومة طيبة ولا بعت
كان تريثت شوي وأستشرت أكثر من واحد
لكن الله يعوضك

ارحب يابو حمد

بالنسبه للشرع الله اعلم ولكن انت كنت راضي انه ياخذ نسبه فوق سومته

نرجع لصلب الموضوع جزاك الله خير هذي اعلوم اهل الشريطيه على هالوتيره

انت استعجلت في بيعتك و المفروض انك ما فتحت باب سوم جديد هذا اكبر خطا رتكبته انت

كان ثبت السومه القديمه 30 الف وخليت الرجال يزود واذا قال بسوم بس بشرط انه ياخذ نسبه قله سومتك ملغيه ولا اقلد عليها

وكذا معاد له مجال عليك ولكن الي صار ان ربي كتب انها تروح من نصيبك الى نصيبه ..

وللمعلوميه الشريطيه ما يؤخذ برايهم لانهم اذا اعجبو في مطيه راح يقللون من قيمتها علشان يشترونها منك ويستفيد دبل الدبل

بالنسبه لسمات بعض من يدعي انه من اهل الخير يالله المستعان صارت موضه من اجل الاستفاده من الاخرين باي طريقه كانت

ولكن للنصيحه اذا عندك مطيه تبي تستشير احد فيها لا تستشير احد له علاقة في السوق

حاول انك تستشير اهل الابل او احد من جماعتك وربوعكم واذا نزلت المطيه في السوق نصيحه لك لا تستعجل عليها بتجيب القيمه الي تسر خاطرك

على العموم هذي تجربه لك لعدم الاستعجال او الثقه في اشخاص ماهو كفو انك تثق فيه

الله يوفقك لما تحب وترضى

المشاركة الأصلية كتبت بواسطة سلمان بن حمد الدوسري

السلام عليكم ورحمة الله وبركاته

يا أخوان أنا طالبكم طلبه أن يكون الرأي بدون أي مجاملة !
أبي رأيك الشرعي والشخصي .

الموضوع :
هذا رجال عليه سمات أهل الخير ، وهو شريطي متمرس في بيع وشراء الإبل وله مكان ثابت في السوق وصاحب خبرة كذلك في ابل المزاين إلخ ..... ) ، المهم : أنا عندي مطيه فيها زين مقنوي وجا عليها سوم جزل وهي في المراح ، المهم بغيت أبيعها واستشرته كم تسوى لو جلبتها للسوق ؟ قال عساها تجيب لك 12 ألف .. وقلت يولد المطيه مقنوي رقم واحد وتسوى ومسيومه مني بثلاثين ألف ! قال أنا أفهم منك في السوق ياالله ياالله ،،، وكان معها مطيه ثانيه أدون منها شوي ... وقال تدري أبسوم منك الثنتين ووالله أني فازع لك ومجاملك في ذا الشريه ،، قلت له سم وسام وعييت عليه . وقال لي أسمع إذا زاد على سومتي أحد (( ترى لي سعي في البيعة )) !!!!!!!!! وقلت له ليش ؟ قال أنا اللي سايمها لك بذا السومه واللا هي ماتسوى ... وقلت له أبشوف ،، المهم جا رجال وزاد عليه ورفضت البيع ،،، دق علي هو وزاد في سومته ثلاث آلاف ريال مع أنها في نظره ماتسوى ولا تجيب قيمه ... الحقيقه هو أوهمني وخدّرني بأنها ماتسوى ورحت وبعته بسومته لأني طيب وصدقته وهو يتميز بسمات أهل الخير وكلامه موزون وفيه خوف من الله ،،،، وبعدها باع وحده من الناقتين اللي شرى مني بأكثر من قيمة الثنتين يوم يشريها مني ... وأنا استقبلت القبلة ودعيت وقلت ( إن كان ذا الرجال كاذب علي وظالمني في شريته مني بذا القيمه فعسى الله مايربحه في تجارة الأبل وحسبي الله عليه حساب شديد ، وإن كانه ماظلمني فالله يحلله ويبيحه ) .. ويعلم الله أني ماراح أذكر أسمه لكن لعل في الموضوع فايده ..... هذا والله ولي التوفيق ،،،،

ماهو تعليقك الشرعي أن أمكن والشخصي ؟

عليكم السلام ورحمة الله وبركاته

ابو حمد انت تقول سومة مراح 30 الف وهذا يدل على ان الناقه طيبه ولا بعت لانك تشوف انها تستاهل اكثر

وانت يوم سألته قلت له كم تسوى لو جلبتها للسوق والسوق ردي واللي تستاهل 15 الف تباع في الحراج ب 5 الاف

لو سؤالك له كم تسوى الى جاها زبونها اللي يدور للمقاني كان عطاك سعر غير اللي هو عطاك

الرجال عطاك سعرها اللي في الحراج ولا اعتقد انه خدعك لان الحراج مافيه الا شريطيه ويبون المكسب الواجد واذا زاد الواحد منهم زاد ب 50 ريال لو انها تستاهل 30الف والسوم ب 4 الاف والجلب في الحراج ما يجيب خير خصوصا بعد منع السودانيين من المزاود في الحراج وهذا المنع ما استفاد منه الا الشريطيه فقط ولا البدوي المسكين اللي حلاله عادي وجالب من حاجه ومن غلا الاعلاف والمعيشه ضره الامر ونفع الشريطيه

نرجع لخويك اذا هو باع الناقه اللي تقول باعلا من سعر مشتراه للثنتين في الحراج فهو غشك اما اذا صرفها الرجال في غير الحراج بطريقة معرفته لزباين كثير وشطارته في التسويق فهذا لم يغشك


والافضل للرجل الاستشاره لاكثر من شخص ممن يعرفهم جيدا و يثق فيهم

صباح الخير ابوحمد
(((((( النمونه هاذي كثيره من الشريطيه ))))))
الله يهدينا وياهم إذا جاء بيشري السلعه نقص من قدرها وساواها مع الأرض وإذا جت السلعه عنده نسبها وصلها السماء لاكن خلاصة الموضوع وزبدته انت ابيض وجه على نيتك البيضاء وتاكد ان أهم شي النية فالبيع والشراء
(((( صف النيه يرزقك الله ))))
والله اني اعرف ناس شريطيه نواياهم صافيه والله ان الله هو اللي يبيعلهم والنمونه الثانيه تلقاهم يشرون ويعدون ويبيعون ولاكن مافي رزقهم بركه
(((( مايتبارك سبحان الله ))))
(((( ولاكن خلها كل طقه بتعليمه وانا اخوك ))))

مرحبـا بـك :

أولا : الموضـوع واضح من ناحية رفيقك اللي قالك ماتسوى ..

وخلاها تطيح من عينك .. ورجع عليها ثانيـه ...

هذي طريقة الشريطيـه وانا اخوك ..

ثانيـا : انما الاعمال بالنيـات .. والله العالم أنه يظن فالبل عكس مايقول ..

يعني له نظره فيها .. وليته لامدح ولاذم وسام بخراجه ان كان يطلع من اللوم والغش ..

....

هذولا المتسترين بالدين
الله يهديهم والا ينسفهم
اسائو للدين واسائو للمسلمين واسائو لتجار البل النضيفين
وانت الله يعوضك في حلالك وكل طقه بتعليمه

السلام عليكم

يا اخوي الرجال اللي تقول انه فيه سمات الخير


طيب اللي فيه سمات الخير يعرف طرق البيع
ما يفتح باب السلعه و يقول انا لي فيها سعي

حتى انا بجيك بسوم من عندك و اقولك لي سعي
و لا تبيع الا داق علي

هذا وجهة نظري

اللي نعرفه وسمعنا عنه من إستشارك دخل ذمتك..ولكن
أنا أشوف إن الرجال سواء كان شريطي ولاقناي ماعليه ملام,لإننا سمعنا كثير إن فلان أدمي شراء له مطية بكذا قيمه وباعها بقيمتها مدبلة عشر مرات والبايع دايم يقول ربي إرزقني وإرزق مني ويمكنه شراها بحسن نيه وجاه مفتح عيون أعمى قلب وشراها بالقيمة اللي وصلت لك,وعموماً مادمت تقول إن ناقتك سيمت في مراحها بـ ثلاثين ألف وهو نزل سعرها إلى 12 آلف ريال فمنت بملزوم فيه وفجوج الله وساع رح لغيره وبإذن الله بتحصل اللي يسومها بحقها وأكثر,وإن قال لك عطني عشاي من قيمة المطيه لابعتها على غيري فقله ماهنا خلاف زد على سومة إمراحها ولاشراها غيرك فابشر بالسعد وبتلقاه يظهر على حقيقته سواء كان كذوب ولاصدوق ..وهذا رآيي والله أعلم..والله يعوضك بأبرك منها..

اسأل الله يعوضك بخير منها

والفايته لا تدور ورها

كود انك تعلم من الدرس فقط

أنا أشكر جميع من رد وقال رايه وجزاه الله خير .
وأنا ذكرت في بداية الموضوع أني دعيت عليه إذا هو ظالمني أما إذا هو ماظلمني حللته !
الحقيقه : النية مطيه . وكل شخص على نيته ،،،، لكن أنا ذكرت أنه صاحب نظر ويعرف أسعار السوق وكذلك بيني وبينه عيش وملح ... لكن تفاجأت يوم قال لي سعي إذا أحد زاد على سومتي . ومعرفتي معه قريبه حول سنه وأغلبها اتصالات بالتلفون . أما من ناحية أني استعجلت فأنا استعجلت في بيعها وهذا بعد ما أعطاني أُبَرَ بنج بان حلالي مايجيب قيمه . ومع ذلك عنده وجابت قيمه ،،، الله يرزق من صدق أنا ما أحسده على شي لكن هو الله يصلحه كذب في تقييمه والدليل رجع وزاد في سومتها وشراها ، ثم باعها بمكاسب . وربي ارزقني وارزق مني ،، أنا مع الكلام ذا لكن الكذب حرام ؟؟؟؟؟
المفروض أنه يتقي الله جلا وعلا في بيعه وشراه ويصدق لأن الدنيا ممر فقط والعبره في الآخره وأولها القبر, قال تعالى { بل تؤثرون الحياة الدنيا والآخرة خير وأبقى } .
في ذمتي أني متفاجأ ! إنا لله وإنا إليه راجعون .
العبره يوم القيامه يوم لاينفع مال ولا بنون إلا من أتى الله بقلب سليم .... وهو ونيته ،،، يمكن يشوف نتيجت كذبه في الدنيا ويمكن في الآخره ووقتها بينشب صح لأني منيب مسامحه . أن كانه كاذب .

بسم الله الرحمن الرحيم

أريد أن أختم مابدأته في هذا الموضوع بدعاء وهو :

اسأل الله العظيم رب العرش العظيم أن لا يجعل أحد المسلمين من مرتادي هذا المنتدى أو غيره في مثل هذا الموقف .

والصلاة والسلام على نبينا محمد وعلى آله وصحبه أجمعين

الدنيا مدارس وهاذي تفيدك مستقبل وأحمد ربك ماهي أم الملاين حيران شريت 10الاف وبيعت بلميات

احب انوه للأخوه الأعزاء ان السعى على المشترى
وشرط الشريطي بالسعى اذا هو جاب المشترى يحق له السعى
واذا اتفق مع البائع على سعى غير سعى المشترى فالمؤمنون على شروطهم
ولا تثق في البيع والشراء بالمظاهر لو لحيته مترين
والى راح لا تحرق دمك عليه
الله حسيبه