الفزعة يا اهل المعرفة

الفزعة يا اهل المعرفة

السلام عليكم

استفساري ياجماعة عن خلفة طيبة وقعودها ابو شهرين بس الفحل ماهو راضي يضربها ولما اجيب له غيرها يضربها ولا انا مصخي ابيعها
وما ابي اضربها من فحل ثاني مع العلم اني منظف لها وغاسلها بس بدون فايده


وش الدبرة يالربع

الموضوع الأصلي: الفزعة يا اهل المعرفة || الكاتب: عبدالكريم بن محمد || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgt.um dh hig hgluvtm

مرحبا ياعبدالكريم

المشكله وانا اخوك ماهي بالفحل لانه حتى لوتجيب لها فحل ثاني ماراح يضربها

لان الواضح انها ماهي ميسر فيه عند البيطري ابره يسره تظربها بها مره واحده

وتخليها 3ايام ثم تحدها على البعير وبيضربها

ان شاءالله

البعير كرف الناقه ماشم فيها يسره الخلفه ماهي ميسر

نعم كلام الأخوان صحيح الناقه ما هي ميسر يا عبدالكريم . وبصراحه الأبره أنا ما أتحمس لها .

لأن فيها ضرر للناقه مستقبلا .

الله لا يهينكم يالربع بس والله نسيت اقولكم اني جايب لها البيطري ومنظف لها ومعطيها ابرة يسرة
وهي ميسر تبرك على طول وترغي لكن عايفها الفحل مادري وش السبب فيه شي اقدر اسويه عشان يضربها والا ابيعها واشتري مكانها ضرايب

الشور يا وجيه الخير

والله ان كانك مستعجل على اظرابها والبعير عافها

احسن لك تبيعها مادامت خلفه اكثر لقيمتها وتشتري محلها ناقه تظربها لكن الخوف

من اللي بتشتريها لانك ماتعرف عنها شي ماتدري تلقح والا لا الا اذا لقيت لك ناقه توها لقيه والا جذعه

فالله يرزقك ان شاءالله بالناقه اللي يظربها بعيرك

هلا بالعرجاني يا مرحبا. لا ويهونون الربع اللي ردوا

والظاهر شورك وهداية الله

اخوي عبد الكريم احيان الفحل اذا عاف الناقه كرها حتى لوهي مجسر لاكن حاول تغشه غير في الناقه بحلاقه اواذعليها جنايب غيرها او نزلها بلمره او لبسها جلال
حدها عليه وحاول مايكرفها كثير احيان نسويها وتنجح ولا الفحول واجد لاتبيع ناقتك عشان سبب بسط

اترك الامر لخالق الطبيعه اتركها تيسر من حالها وراح يضربها ولاتعسر الناقه تراه البلى بعينه وهو سبب الحيال بعد كذا وبهالطريقه
طبع البعير يخرب !!

لا تعسر الناقة على الفحل
وشوري انك تغرز الناقة والا منها ايبست ان شاالله تيسر والحوار رضعه وحوله على ضير جرب وان شاالله ماانت نادم

ماقصرتوا يالربع وبيض الله وجيهكم

ابي اجرب كل ما كتبوا وان شاء الله تيسر الامور

الأخ عبدالكريم
هذي الحاله مرت علي كثير وعندي لك حلين :-
1- تمسك علي جنيبة الناقة وتروح لفحل هايج غير فحلك وتمسحها فيه حتى تجي ريحة الفحل في الجنيبة ثم تلبسها الناقه وتوديها للفحل .
2- تروح لفحل لقي هايج تخليه يبرك فوقها ولا يضربها ثم ودها لفحلك وراح يضرب غصب عنه إنشاالله لأن الفحول ماتحب ريحة بعض .
هذي الطريقة مجربه وناجحه معي لأن فحلي يحب الابل اللي تجي من برى أما ابلي ما يجيها ولا يقربها بس أخدعة بها الطريقة الين ظربها كلها ابشرك.
ولكم التحيه