الفزعه تكفون

الفزعه تكفون

اشتريت ناقه ضروبه واضربتها جمل طيب وعشرت الناقه وبعد اكثر من شهر مرت جمل غير اللون واضرب الناقه يعني الناقه فيخت وظربها هذا الجمل الذي لارغبه ماهو العمل وكيف اتصرف لكي لاتلقح الناقه من الجمل العادي والناقه وضحى مزيونه اضربها املح فزعنكم يا اهل الفزعه
هل انتظر حتى يبن عشارها او اتصرف با ابر او با ادخال وابي اسهل طريقه مضمونه

الموضوع الأصلي: الفزعه تكفون || الكاتب: فرحان البشري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgt.ui j;t,k

طقها ابرة فياخ

أنا رايي انتظر الين تشوف هي هي عشرت والا لا ..
واذا هي معشر خلها تاكل تمر .. وتكثر منه .. والا اطردها بالسياره لك وقت .. وانتبه تعطيها من الأبر تراها لها تأثير على اللقاح في قادم الايام .. والله يوفق .

لاتتسرع يافرحان واسأل أهل الخبرة لاني سمعت ان التفيخ بالطريقة هذي ممكن يضرها والصبر زين والله كاتبه الله حياه الله
تقبل مروري والله يكتبلك الي فيه خير

الطرقية التقليدية التخويف او طرد الناقة
وفيه طريقة مجربها انا وهي الرشاد
اقرب عطار وخذ منه ربع كيلو
وعطها كاسة شاهي رشاد مع المويه على طول في نصف لتر مويه

للمعلومية الرشاد لايبقى مع الموية على طول من يوم تخلطهن سوا امسك خشم الناقة وشربها اياها

هذه الطريقة للسلا ولتنزيل الحوار من بطن الناقة اذا هي مريضة مجربها شخصيا

لو كنت محلك برضى باللي قسمه لي ربي
إن عشرت فهذه إرادة الله وإن ما عشرت فيمديك تضربها مره ثانية على البعير اللي أنت تبي

وكل أمرك لله عز وجل
والله عز وجل بيرزقك بالإنتاج اللي يسرك

ولا تنسى الحديث
( أنا عند ظن عبدي بي إن ظن بي خيراً فله، وإن ظن بي شراً فله )

وسلامتك

يالغالي نصيحه لوجه الله ......ابن ادم مايدري وش الخيره فيه.
..ان كتب الله لها انها تلقح فحمد الله واشكره
وان كسرت فعسى فالامر خيره ....

دعها سماويه
والله يرزقك

يابعد شبدي
ما دامها ما عدت الشهر يمديك تلحق عليها وتمصط رحمها وتنظفه ثم تحط ثلاث تمورواعجنها بالملح والعويدي
ثم ضربها بالبعير إلي تبيه وباذن الله تفك الما الاول وتضم الثاني

وشكرا جزيلا

المشاركة الأصلية كتبت بواسطة فهد الأحمد

لو كنت محلك برضى باللي قسمه لي ربي
إن عشرت فهذه إرادة الله وإن ما عشرت فيمديك تضربها مره ثانية على البعير اللي أنت تبي

وكل أمرك لله عز وجل
والله عز وجل بيرزقك بالإنتاج اللي يسرك

ولا تنسى الحديث
( أنا عند ظن عبدي بي إن ظن بي خيراً فله، وإن ظن بي شراً فله )

وسلامتك

لله درك يافهد وكثر الله من امثالك شور حكيم جعلها تبطي سنينك يافهد

والله ماتدري وش الخيره في ذلك وان طعت شوري وانا اخوك اتركها لله فقد يكون فيها خير لك
وعسى ان تكرهو شيئا وهو خيرا لكم

الله يكتب الصالح لنا ولك اخي الكريم

لو كنت محلك برضى باللي قسمه لي ربي
لا تطبب في الناقة نصيحة

اللهم اني فوضت امري لله سبحانه وتعالى هذا المقسوم والناقه تم عشارها وعسى ربي يرزق الجميع نصائحكم من ذهب

دعها سماوية تجري على القدري
لا تفسدنها برآي منك منكوســــي

اقديت يافرحان والله يبارك في لقاحها بس الى منها أحورت علمنا بالحوار طلع على من وشفنا في ثارك لين موعد الناقة بإذن الله على العافية والصحة

المشاركة الأصلية كتبت بواسطة فرحان البشري

اللهم اني فوضت امري لله سبحانه وتعالى هذا المقسوم والناقه تم عشارها وعسى ربي يرزق الجميع نصائحكم من ذهب

الخيره في الي ربي كاتبه يمكن ابو الملايين في بطنها والحمد لله على ما عطى