قصيده استغاثه للشاعر نايف الدغيلبي

قصيده استغاثه للشاعر نايف الدغيلبي

مساء الخير اعضاء هاذا الصرح الشامخ


قصيدة الشاعرالمعروف نايف الحميدي الدغيلبي وهي قديمه لكن حبيت انقلها بما اننا نعيش هاذه الايام ايام الوسم عسى الله يغيث البلاد

يالله انـي طالبـك ياكريـم ويــاودود=ياكريمً تبسط الـرزق فالوقـت الشديـد
يالعظيم المعتلـي دايـم بجـودك نجـود=دايم بمـدات جـودك ياربـي نستزيـد
لااله الا انت سبحانـك أخيـر إمعبـود=انت رب الكون كله وحنـا لـك عبيـد
يالعزيز المقتـدر مهلـكً عـاد وثمـود=ارفع ايديني وقلبي علـى قولـي شهيـد
طالبك يارب من بعـد باحٌـن السـدود=طالبك يامالك الملك فـي ملكـك وحيـد
مدةً من يـدك وادري ياربـي ماتكـود=وانت مدك ياجزيل العطا ماهـو زهيـد
مبتداالوسمي بمـزنً بـه الخيرمعقـود=صيّب ٍ يمطروخيره بفضـل الله عديـد
مدلهمً غاشيً تردعه مـن شـرق نـود=ناشيً بمـرك ويسقـي ديرنـا مايحيـد
من جنوب المملكـه للدبـادب والحـدود=وغرب من جده لحد الخبر خيره يزيد
غيث ٍ يعم البلد مـن وعرهـا والنفـود=ترتوي منه البسيطه وكـلٍ بـه سعيـد
عقبه اتزين الصحاري من ازهار وورود=ينبت المنبات والنبت ينبت مـن جديـد
كل قفـرٍ يكتسيـه الحياءفوقـه يسـود=يظهر النوار والربل والعشـب الفريـد
كلها لعيون وضح ٍ غلاهـا فـي يـزود=من غلاها سقت ماعندي إ لها من رصيد
زين شوفتها الى وكـد الموعـد وكـود=وانوو المحدار من نجد والممشى وكيـد
عقب يومين ٍ وعدنا على خـب العمـود=الحماسه طـاغيتهم بعد حـان الشـديـد
مع صلاة الفجر شالوا ووفوا بالوعـود=والصبي طوّح بصوته بعد طـق اللبيـد
من سبق منهم يوقع له الاخـر عهـود=كلٍ يثبـت لـذوده بعـد ممشـاً بعيـد
هذي البل عز اهلها من اعصور الجدود=كم تغنوا بالمثايـل وقالـوا مـن نشيـد
دونها الارقاب تقــطع علىحد الزنود= قبل حكم اللي بناها على الساس الجويـد
قاله اللي في طريق العلا يطلـع سنـود=عقب ماهاضت شجونه وغنّـا بالقصيـد
القصيد اللي يجمٌـل ويبقـى فالوجـود=لو تزل اسنين يبقى لمن قاله رصيـد

الموضوع الأصلي: قصيده استغاثه للشاعر نايف الدغيلبي || الكاتب: حمدان البرقاوي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

rwd]i hsjyhei ggahuv khdt hg]ydgfd

اللهم آآمين الله يغيث البلاد والعباد ويعجل علينا بالحيا

صح السان الشاعر ولاهنت على النقل

اللهم امين .. الله يغيث البلاد والعباد !! ويعجل علينا بـ الخير

صح السانك .. ولسان قايلها !!

تقبل تحياتي ..

اللهم امين . يــــارب تغيث البلاد والعباد

مع صلاة الفجر شالوا ووفوا بالوعـود=والصبي طوّح بصوته بعد طـق اللبيـد
من سبق منهم يوقع له الاخـر عهـود=كلٍ يثبـت لـذوده بعـد ممشـاً بعيـد

الله الله صح لسانك الشاعر نايف الحميدي

ولاهنت اخوي حمدان علىا النقل الرائع

تقبل مروري

صح لسانك يانايف الحميدي

ولاهنت اخوي حمدان على النقل

اللهم اغثنا....اللهم اغثنا...اللهم اغثنا
صح لسانك ولسان قايلها

اللهم امين ..

صح لسان الشاعر

وبيض الله وجهكـ على القصيده الجميله

اللهم امين

صح لسانك