مــــــرض غـــريب

مــــــرض غـــريب

مساء الخير
يالربع لا تبخلون علينا عندي بكرة مزايين غاليه حييييييييييييييييل القت سهيل اللي زل جاها العام سوامه ولا بعت وبعد شهر جاها مرض غريب فجأه هزه في اخر ظهرها بلاها يامن فقارها ياوروكها ومدري وش السبب تبرك طبيعي وتقوم طبيعي وتهج اول البل ولا تنقد عليها بشي الا بمشيتها واخر خفوف رجليها من وراء تقل منجرحة من المشي وكل مالها تضعف لما اندقت واختفى سبالها تقل ماصتلها زقارة عزلتها بشبك شهر ونص حبوب نحاس وحبوب دود وارخيت عليها العلف والحلبه ( بوفيه مفتوح ) والفيتامينات بالماء ولا تطلع محبوسة زانت كثير وطلع سبالها وزينها لكن الهزة مافارقتها ناس قالوا طير واستبعد ذلك لانها ماتهز راسها وناس قالوا عين وناس قالوا مرض يقاله خيال او خيل والله اني تعبت معها ولا شفتها وهي تمشي يضيق خاطري ابي اعرف هالمرض وشو ؟ والعلاج ؟ لانني ماتطببت بها نهائياً ولا بطيتها اي ابره ابي اعرف مرضها قبل ابدا رحله العلاج وهل لو ماسلمت من الهزة بيضرها في اللقاح مستقبلاُ .
جزاكم الله خير

الموضوع الأصلي: مــــــرض غـــريب || الكاتب: بندر الرويلي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

lJJJJJJvq yJJJvdf

يمكن يكون حلل...

الله يشفيها

مالك الا تحلالها والله يشفيها

الاخ اشرف والاخ فيصل
اشكر لكم مروركم
لكن الحلل وشو ؟ وش اعراضة ؟ وش اسبابه ؟ وش علاجة ؟
حتى لو ماهو علاج لبكرتي نبي نستفيد و جميع الاعضاء يستيفدون
واتمنى من الجميع التفاعل مع هالموضوع
لاني تعبت من كثر ماسأل ولا لقيت جواب كلها مجرد توقعات وهذا اللي خلاني اتأخر في علاجها وانا اشك بأن مشكلت بكرتي شي يتعلق بالأعصاب لانها احياناً وليس غالباً تجيها زي الرعدة لا قربت منها وهزتها تغيب وتحضر .

اخوي بندر
الخطوه الاولى حبوب النحاس وانتهيت منها
الخطوه الثانيه فيتامين ب 1 b1وفيتامين e selenium
تعطي جرعة 10 سم من كل نوع فالمره الاولى و5 فالثانيه والثالثه
واعلمنا بالنتيجه لوسمحت

الاخ عيد المنصوري
اشكر مرورك
وأن شاء الله راح أبدا بالخطوة الثانية
لكن عندي سؤال هل اخذ عينه دم لها قبل الخطوة الثانية ولا بعد

الاخ عيد
بالنسبه للجرعه الاولى عرفنا كميتها لكن الثانية والثالثة متى يعني بعد كم يوم اتمنى توضح

يمكن انه مرض الطير لانه انواع شي في الراس وشي في الكرش وشي في الفقار واللي في الفقار يحرول ارجيلها

الاخ سالم
اشكر مرورك

ممكن مرض الطير وانا مرت علي مثل هذا المرض بدأ بهز الرأس وعلاجته بالكي وسلمت ولاكن ردت الهزا ورجفه بالارجل من الخلف وبركة وعي تقوم وماتت . والموضوع كله موضوع فيتامينات .

وأنصحك حمل البكره ودها للاحساء للمستشفي الامير وراح يفيدونك .

الاخ طلال
اشكر مرورك
والله يعوضك بخير من اللي راح
البل تفدي اهلها

قررت بعد الاستخاره ثم ارائكم اوديها للجامعه لتحليلها وعمل اشعه كامله
وسوف ازودكم بالنتائج والعلاج اللي راح استخدمها والله يكتب اللي فيه خير
البل ما تحرم اثنين

الأخوه الأعضاء
مساكم الله بالخير جميعاً
تم مراجعة مستشفى جامعة الملك فيصل بالأحساء الواقع على طريق سلوى بوابه رقم 3 وكانت أول مره لي أزوره صراحه تفاجأت بالكادر الطبي
والأمكانيات الجباره بأختصار كأنك داخل مستشفى بشري بكل اقسامة طبعاً الكادر الطبي وانطلاقاُ من مقوله كلاً يعد ما واجه لاحظت عليهم وبكل صراحه وشفافيه حسن الأستقبال وخفه النفس وحب تقديم المساعده اللي للأسف فقدنها حتى بالمستشفيات البشرية الخاصه
وعلى شان ما اطول عليكم بالكلام تم حضور جميع أطباء المستشفى ومشاهده البكره أثناء سيرها بعد ذلك اتفقوا على عمل أشعه مقطعيه لها
للتأكد من خلوها من اي كسور والحمد لله كانت النتائج سليمه بعد ذلك تم عمل فحص دم شامل واتضح وجود نقص بالأملاح والفيتامينات وزياده في نسبة كريات الدم البيضاء المهم اتفقوا انه هالمشكله تتعلق بالأعصاب لكن ماهم عارفين المرض وش يكون تم صرف الأدويه التالية :
phenylarthrite (فيني لارث رت) 25 سم يومياً لمده 5 أيام و selepherol (سلفرول) 25 سم كل 3 ايام و فيتامين B5500 بمقدار 5سم يوم بعد يوم وPENIKEL L.A.15+15 مضاد حيوي 25سم يوم بعد يوم وفيه بعض الفيتامينات التي تحتوي على تركيز عالي في الكالسيوم والنحاس وهي عباره عن بودره لم تكن متوفره لديهم وشريتها طبعاً مده العلاج شهر وبعد شهر نفس العلاج لكن بكمية أقل .
المشكله ان كلها أبر اللي يعيننا على طرحتها كل يوم والله يعينها على الأبر هذا ماتم التوصل اليه حالياً للعلاج والشفاء بيد الله واتمنى دعواتكم

أسأل الله العظيم أن لا يخسر عليك ويشفيها

الله يشفيها ولايحرمك منهاا ولايخيب لك تعب إنه القادرعلى كل شي .

..

وجزاك الله خير الجزاء على موافاتنا بهذا التقرير وانواع الادويه ليستفيد منها أخوانك .

..

وبشرناا عنها