الفحل ما تطلع هدارته

الفحل ما تطلع هدارته

السلام عليكم ورحمة الله وبركاته

يأهل الخبرة والمعرفة شريت لي فحل من سنتين يوم شلته بالدنة الهدروليك بعدها ما طلعت الهدارة واشوف فيه ورمة في حلقة واضنها الهدارة وجبت رجل يعالج شعبي شاف الفحل وقال اذا هاج الفحل تبي تظهر الهدارة وله سنتين ما طلعت الهدارة وهاج واضرب الفحل ولكن الهدارة ما تطلع

الي عنده علم او جاته الحالة ذي جعلها ما تجي احد في حلاله يفيدني يالربع

الموضوع الأصلي: الفحل ما تطلع هدارته || الكاتب: ناصر المنصور || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgtpg lh j'gu i]hvji

حياك الله ياناصر

ان كان البعير ماهو مريض

ترى ماهوب شرط ان الهدارة ( اللهاة ) تطلع كثير من الركاب ماتطلع لهاته وهذ ا شي طبيعي ماهو مرض

الا ان كان البعير اللي عندك كانت تطلع لهاته قبل وذا الحين ماعاد طلعت فهذا شي ثاني

ناصر الله حيه يعلك بالف خير وسلامه
البعير حاله زين ويأكل ؟
اذا الجواب بنعم. فلا تطبب فيه وبعض البعارين ماتطلع هدارته للمعلوميه

السلام عليكم
الاخ ناصر انشاء الله مافية الا الخير
انا عندي بعير هالسنة رباع
يومة جذع تطلع لهاته وهالحين ماتطلع
ولافيه الا الخير انشاء الله

أخوي ناصر هذا شي طبيعي إذا طلعت الهداره الحين وبعدين ماتطلع إذا هو ياكل ماعليه خلاف

بس حلقة منتفخ؟يمكن شي ثاني غير الهدارة

أتمنى أني أفدتك

شكراً

الانتفاخ ب الحلق اما التهاب او ان اللهاه مخزنه علف ويجب تنظيفه

بعيرنا كانت تطلع لهاته ويهدر يومه لقي ويوم صار جذع معاد تطلع صار ليا هدر تنتفخ لهاته داخل حلقه وله اكثر من اربع سنين ماتطلع هدارته وهذا شي طبيعي

السلام عليكم ورحمة الله وبركاته


الله يوفقكم ويبارك بحلالكم واخونا المسلمين

بالنسبة للفحل يأكل عادي ويشرب وصحته ما فيها خلاف وكانت تظهر لهاته قبل ومن شالته الدنه ماعاد ظهرت
لكن الورمة اللي بالحلق اكيد أنها لهاته واخشى انها تسبب له مشاكل بعدين

الله لا يهينكم جميعا مشكورين وماقصرتو على التجاوب جعلكم ما تشوفون شر

السلام عليكم
عليك بالخل
بس لاتكثر علبه وحده خل ابيض
قبل البل كلها تتفخت حلوقها

وحطينا خل مع الماي وخفت ثاني يوم

هو التهاب يمكن