المشورة ياهل البل

المشورة ياهل البل

السلام عليكم ورحمة الله وبركاته
بحمد الله اشتريت من إبل سمو الأمير تركي بن محمد بن سعود الكبير الوضح والشعل قعدان مفاريد فيها وضح بعضهاعلى غزيلان بعير الأمير وبعضهاعلى الأخطل كذلك بعير الأمير وفيها شعل على الزعيم بعير الأمير وفيها أحمرعلى الزعيم كذلك وأبي أفحل منها رأيكم متى يبين الزين فيهن علما بأني أملك من البل وضح وشعل شاكر مروركم ومشورتكم

الموضوع الأصلي: المشورة ياهل البل || الكاتب: سليمان بن فهد || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgla,vm dhig hgfg

وعليكم السلام ورحمة الله وبركاته
اولا أبارك لك على هالصفوه من ابل الامير تركي وهي ابل ارداها يسوى واجد
ثانيا الحكم ياسلمان بعد ماينتج البعير واللي يحكم على مفرود او بعير ماله انتاج ويجزم انه فحل هذا غير ملم بالابل
الله من فحل منتج ويجيك من حيرانه شي مايرضي راعي الزين
من رأيي
الاحتفاظ بالقعدان كلها طلما انت عارف ساسها
وانا متأكد انها في زود
تهدها وتشوف إنتاجها ويمكن الله يرزقك منها بالاضعاف

اذا كان القعود زين والساس طيب وشفت إخوانه وخواته طيبة اصبر عليه

الإخوان
محمد الوهبي التميمي شاكر مرورك ورأيك رأي مبارك
فيصل الخييلي شاكر مرورك والاساس طيب وأنا أخوك لأني أنا اللي شاريها بنفسي من مراحها

مانقول ألاّ الله يبارك لـك .

ومبروووك يابن فهـد .

وانا والله مااعرف انتاج هالفحول متى يطلع زينهاا ..

يعني هل هي عاديـه يوم تسأل متى تطلع ..؟!

والقعود مخلف العهود ..

والسـااااس هو ( العلامه الفارقـه ) . وسلامتك

الله يبارك لك في حلالك

من رأيي الشخصي وحسب الممارسة أقول : بالنسبة للشكل فالقعود يتغير مع الأيام , والمرحلة القوية في التغير هي من السنة الرابعة (إذا صار القعود لقي) تتضح ملامح الزين تدريجياً

لأنه في طور النمو الجسماني ويتدرج في التغيّر إلى السنة الخامسة (جذع ) والسادسة (ثني) والسابعة (رباع ) وبعض القعدان تغيّره بسيط جداً ,,واللي عموقة طيّبة تغيّره قويّ بالحيل

حتى إن اللي قد شافه ( حق ) مايعرفه وهو ( جذع ) من شدّة التغير.

وسلامتك وسلامة الجميع.

الإخوان
مشعل الشويش الله يبارك فيك وأنا ماأسأل عن الساس لأن ساسها طيب أنا أسأل عن زينها متى يظهر ويبين وأنت والإخوان ماقصرتوا وشوركم وهداية الله
مشعل الغنامي الله يبارك فيك شكرا على التوضيح والتفصيل ومرحبابك شورك وهداية الله

شوف النياق امهات القعدان وين اطيبها فحل ولدها و لا تشاور

اخوي سليمان با النسبه للتغيير علمه عند الله ويعتمد على طيب القعود من رداه قيه منها من يعجبك وهو حوار ولكن يتراجع تراجع ملحوظ وفيها منه يتطور تطور هايل وقوي وانت شف الي فيه مواري زين ومه زينه وحرص عليه وحطة تحت المراقبه الدقيقه ويبين لك مع الوقت هذا ونتمنى لك التوفيق.

الأخوة خالد علي ومحمد حبيب لاهنتوا جميعا ورايكم الرأي المبارك