في السوق كفو .. وفي عزبتك قصب !!!

في السوق كفو .. وفي عزبتك قصب !!!

السلام عليكم ورحمة الله وبركاته


موضوع محيرني صار له فتره... واليوم قررت اني استشيركم فيه .. شي محيرني صحيح ويتكرر معي كثيرا

القى البل في السوق واشوفها خيااااااااار واكرر النظر عليها واشوفها تزين اكثر

اشريها باقيام مهي بسيطه واحملها للعزبه واقعد اتحراها توصل على احر من الجمر

وانا منشرح خاطري من هالشريه اللي بتزيد البل زين وترفع سمعة الذود

واول ما تنزل عندي في العزبه طلعت من اردى الحلال ولا فيها من زينها الأول شي ولو تعرض علي بقيمة قصب ما شريتها

توهقت بهالموضوع عدة مرات وكل مره اقول غير هالمره ما تعود علي والموقف يرجع ويتكرر

احد منكم مر عليه كذا والا انا اللي فيني المشكه

الموضوع الأصلي: في السوق كفو .. وفي عزبتك قصب !!! || الكاتب: ممدوح احمد الشريف || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

td hgs,r ;t, >> ,td u.fj; rwf !!!

صحيح ياحبيبي نعم تحصل عند الناس كثيرا بس ماتاصل الى قيمة القصب كما قلت
لان اهل الحوشه في السوق يرفعون لك ارضية الحوش وتقول وش هطويله
وبعدين يحطونها مع ابل اقل منها بكثير وتقول يازينها
او انك ترى انها زينه وتشريها وتكون ابلك ازين منها
او انك توك بادي في الابل ولا تعرف مميزات الجمال في الابل ( ماعليش على التعبير )

حاول قبل الشراء ان تستشير أكثر من واحد ممن تثق بنظرهم وان تكون ابلهم زين من ابلك

السلام عليكم
الآخ ممدوح حياك الله والله يوفقك بالتوفيق الطيب..
وأنت ياطويل العمر وحده من ثنتين يا إنك تشتري بنظرك وتعد إن نظرك مايعلى عليه..أو إنك تشتري بنظر واحد نظره مقارب من نظرك وهذا الآمر يدحدر بصاحبه أحيان كثيره..وهذا ليس معناته ياممدوح إنك قصير نظر..ولكن المقصود أن الآنظار تختلف من شخص إلى آخر والشور في البيع والشراء لابد منه لكل من يبيع ويشتري في الحلال..ولازم تعرف إن ماهو مفروض إن كل شي يجوز لك يجوز لغيرك..فقد تعجبك مطيه وترشحها للعالي وبنظرة غيرك تطلع أقل من العاديه..!!..هذي نقطه.
النقطه الثانيه..وهذي الآهم..شريطية السوق وبعض من اللي إمتهنو البيع والشراء في الحلال..ولاهو كلهم..لهم عدة طرق لجذب الزبون لسلعتهم..وقد يلجآون لمن يرقص لسلعتهم ومايخدم بخيل..فقد تلاقي واحد يبيع ويشتري بأسعار عاليه وإبله عاديه وبعض الآحيان أقل من العاديه..وكل هذا ببركة ترقيص سلعته بواسطة فلان وعلان..والمشكله إن أكثر الشرايه يثقون في الصيت أكثر من النظر والمشوره..وبكذا يشتري البعض مطية من أهل السمعه بقيمه عاليه وشي طيب إن الله وفقه بعض الآحيان إن باعها بقيمتها بعد الصرف عليها عدة أشهر..!!!
نصيحتي لك ولكل واحد يبيع ويشتري في الحلال..أن لاتعتمد على بنظرك فقط ولاتشتري بنظر بعض أهل السمعه اللي مايدخل من إستشارهم سوق مئات الآلاف..(أهل النظره الثاقبه بالحكي)وركز على اللي كل عام تظهر سمعة إبله بين الرواد ..وقبل ماتستشيره حاول تتآمل أشكال إبله وميزتها ولاجازت لك جداً..إتكل على الله ثم عليه وبيتغير وضعك..!!
وهذي وجهة نظري والله يوفقك ويوفق الجميع..

الأخ / ممدوح الشريف .. أنت راع النظر ولاتخفاك العلوم ,
المطيّـه لها اكثر من نظرهـ ..
لا لقيتها فالسـوق واعجبتـك رح عنهاا حتى لو أنك تبيهاا .. وعد لها مرّه ثانيه أن تغيّرت في نظرك للافضل .. فالخير واهله
وان طاح من العلوم علوم جنّب عنها لو أنك متولّعً بهاا ,
لا اعجبتك وهي تمشي .. عاين فيها واقفه , ولا اعجبتك وهي واقفه استقهاا واقلط قدامها وأبرها وتعقّبهاا , وحدد مستواها
والاهم من ذا كلّه ( لازم تحدد مستوى أبلك قبل تحدد مستوى المطيه اللي أنت بتشريها وتعرف وش اطيب منها ووش مثلها ووش دون منها ) .
يعني تعرف الناقه اللي تصلح في صدر أبلك . وتعرف الناقه اللي تعدها من اوسط الذود . وهكذا ,,
وأنت يمكن أنك تشريها من السوق ولانزّلتها فالبل حكمت عليهاا , نزلها وسط البل ولاتحكم عليها ألاّ لين يزين نظرها وينشرح خاطرها مع البل .
وانا من فضل الله المطيّه اللي اشريها من السوق تزين عندي ولو بعد مدّه , وحتى من هالموقع شريت بلا عدد واحساب على الفديو والصور ولاندمت ولله الحمد والفضل ,
وانا ادري أن أبلك مجاهيم والمجهم صعبه ولا كل راعي نظر يميزهاا ألاّ من شبّ وشاب عليهاا وأنت من اهلها بلا شك ومن اهل النظر الوافي ياممدوح ,
وانا أرشح أن أبلك مستواها طيّب .. وتغط البل الشراياا ,

عسى ماهيب الناقه المزاين الي شريتها امس
مازيد ع الربع واقول الله يعوض عليك ويبارك لك

مرحبا يابو احمد ونشكرك على جراتك وشجاعتك في طرح الموضوع ولا تلحقك الحسايف فيه من اهل المزاين توهقوا بالملايين وتعلموا ان الاستعجال وبعض الاشوار خانتهم بطيب نيه او غيرها وهذي دروس والايام تعلم وماقصروا اخواني في الافاده .

يقولون كل ممنوع مرغوب ويومها مهيب على حظك وانت راغبها وعقب ماتشتريها صارت حلالك وتزهد في عينك

وتحصل بأمور كثيرة غير الأبل مثل الماكل والمشرب واثاث المنزل والسيارة وهذي هي من طبيعة النفس البشرية وهي شي نفسي وخوف من انك مغلوب

ولكن هذا مايمنع من اخذ الاسباب مثل المشاور وحتى لو تعرف انه اقل منك نظرة يمكن ينبهك لشي غافل عنه او يمكن يقول عندك اللي اطيب منها

الزين المقبول في المجاهيم اقيامها من ٣٠ الى ٤٠

اما اقل من القيمه ذي يجي زين لكن تكون فاطر او ديدها عطب

او فيها عيب يمكن ناقتك اللي شريت ناقضه العلف ترا تتغير الناقه اذا نقض العلف

انشد راعيها وش كان يعلفها يوم كانت عنده والممشى تراه زين ويطلق وجيه البل

اتمنى اني افدتكك

اخوي ممدوح تبي نصحتي انتبه تشتري اي ناقه مغسول وجها او في وجها لمعه لن فيه غش من بعض ضعفاءالنفوس

الله يعوضك
وخذها نصيحة خاصة في الناقة المجهم الناقة المجهم اللي تعجبك وزينه صد منها وتعال لها بعد فترة وكانها زينه في نظرتك مثل أول مرة توكل على الله

ابو احمد
بعد التحية

الله يعافي السكر يعطون الابل ومعاد تمسك فمها

كل مشكله لها حل

اقترح عليك اولا عدم الاستعجال في الشراء
ثانيا استشارة من تثق فيه من اهل النظر
ثالثا مثل ماقالوا الاخوان اذا حطيت نظرك على ناقه معينه اتركها وارجع لها مره ثانيه وثالثها
والاهم من هذا كله دعاء الاستخاره

مرحبا يا ممدوح انا اقول ابلك الى عندك بمراحك طيبة
اطيب من الى تشترية علشان كذاا يقل
بعينك يوم تطب مراحك الى انت مشترية
انا اعرفلك واحد يشتري ابل وبكار طيبة بلملايين
يوم تطب مراحة بعد كم شهر ينفلها لية
مهي على مستوى ابلة
ولله يباركلك فيما شريت

الغش والمسمسه انتشرت هالايام
ان كانت بشبك تردد عليها وان كانت بحراج شف سبالها من الداخل بعضها يجي مدمي من المسمسه والماء الحار
والله يوفق الجميع ويرزقنا بالحلال