الراي في اللقيه المجهم

الراي في اللقيه المجهم

السلام عليكم
اللقيه تصفر جذعه صورة جديده .الزين والشين . سعرها في السوق . مرية او دوسرية في مواريها

الموضوع الأصلي: الراي في اللقيه المجهم || الكاتب: عامر نهيان راشد || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgvhd td hggrdi hgl[il

وعليكم السلام
كل عام وانتم بخير ياخوي عامر , والشهر مبارك عليكم , أنت ومن يقرا هالكلمات ,

المجهم : طيّبه وبدويــه وناقة البدوي اللي يحبها في مراحه وينتجها ويتعب عليهاا وتستاهل
اعجني رق وطول رقبتها ( ماشاء الله ) واعجبني سدوها , وجبر عظاها ,
..
عظمها قصيرً شوي لإن المجهم الجذعه ودك انها سنافيـه , لن طول المجهم وهيبتها من اهم مايميزها
كذلك المبروكه ماهب سندا , ولافيها سناديه بل فيها ارتخايه شوي ,
ظهرها زين , ولو أني اشوفها من النوع اللي مايردم شحم , بل يمشي شحمها مع جنوبها وحجوزها
الراس في عمومه ( صغير ولحيها دقاق )
..
العمر واللون والوسره : مريـــــه ,
والرقبه والاذن والراس عموما : دوسريـه ,
اعتقد أن فيها عرقيـن , والعلم عند علاّم الغيـوب
..
السعر كان ممشاها طفاح , اعطيها من 26 وفي بحرهاا تنقص ولاتزود والزبون هو الحكم , لكن لو بشريها ماني معديها ذا الكلام ,
...
فك القيد لاتخليه بيدينها ( تكفى ) !

اللون والاذن والرقبه وقل اللحم وسنها ابز ما يميزها
والباقي لا ظهر ولا عارب ولا جنب ولا كبر راس واللحي قاصر الناقه دنا ولافيها سناد ولا جبار عظم
وسرتها ما جازت لي ما فيها من المجهم الى اللون والاذن
قيمتها لقحه من 12 وحولها وقيمتها خلفه تزود الى 16

المشاركة الأصلية كتبت بواسطة خالد الفالح

اللون والاذن والرقبه وقل اللحم وسنها ابز ما يميزها
والباقي لا ظهر ولا عارب ولا جنب ولا كبر راس واللحي قاصر الناقه دنا ولافيها سناد ولا جبار عظم
وسرتها ما جازت لي ما فيها من المجهم الى اللون والاذن
قيمتها لقحه من 12 وحولها وقيمتها خلفه تزود الى 16

كلام مضبوط في الوصف واختلف معه في السعر من 6 الى9 الاف في نظري والله الموفق

انا اقول ماهيب لقيه

اما ثنية ولا رباع

وعموماً ناقة عايديه قيمتها من السته الى السعة الالف ريال

وسلامنك

مشكورين على المشاركة واعطاء الراي
البكره لقيه وفيها عرقين مثل ماقال البرقاوي مري و دوسري
والبكره مسيرها اسناد وطافح ولاهي دنا
بس في الصورة واقفه قدامها دحديره وراها اسنده

والله ياعامر عني انا ماعرفت لها البكره ان قلت زينه ومقبوله تحري بالكلام ذا وان قلت عاديه تحري به بعد

وبالتوفيق لك واللي قدامي اخبر مني وقد عطوك ماعندهم

زينه للقناي وفي السوق قيمتها ادون ماتتجاوز 12 على اسعار الايام
القناي بيحب رقها وسنها وطول جنبها ورقبتها ...لكن وجهها دقاق وراسها صغير ولا هي نظير
اتوقع لو تسمن بيظهر فيها زين اكثر
الله يبارك لك ويرزقك
تقبل تحياتي

مرحبا ياعامر البكره عاديه

فيها الرقبه زينه وطول وجها من تو عيونها بس

دوسريه

مرحبا يابو نهيان
اللقيه طيبه ومقنوي والملاحظات عليها مثل ماذكروا الإخوان وخصوصا دق الرأس والظهر عموما لكن والله العالم إن الصوره ماخدمتها من ناحية التسناد وظهرها بيزين لاردمت الشحم.
قيمتها أتفق فيها مع أبو فالح بالضبط

ابونهيان كل عام وانت بخير
وعسى الله يتقبل منا ومنك صالح الاعمال

البكره هذي لو لقيتها في السوق بشتريها عشان الهداوه والحليب والا الزين مافيها من الزين شي

الله يبارك لك فيها ويرزقك بأزين منها

يابو راشد ,
نبي لها صور واضحه ,
الاخوان اختلفوا والصوره ماتفي بالغرض ,

مع احترامي اراء الاخوه الاعضاء انا ماشوف فيها من الزين شي يذكر ارجو انك تفبل وجهت نضري

البكره عاديه

شكرا لا رائكم وان شاء احاول بعدين اجيب لها فيديو
مشكورين