الرأي ياأهل الرأي

الرأي , ياأهل

الرأي ياأهل الرأي

السلام عليكم ورحمة الله


يالربع العلم سلامتكم وقت الضراب قرب وعندي ناقتين منتجات وراجي من الله خير وحده حدرها قعود زين عمره ستة اشهر والثانية معها بكرة عمرها خمسة اشهر وعرض علي رفيقاً لي شروى هالوجية اني اضرب من بعيره والبعير منتج يقول جبهن وازهل وودي ارسلها قبل السروات والزحمة ولاني مرسلها بعيالها وش رأيكم اقطع الحشو من الرضاع والا اصبر لين يرتفعن وعقبه الله يفرجها ؟؟؟





الرأي يأهل العرف والخبرة*******

الموضوع الأصلي: الرأي ياأهل الرأي || الكاتب: نواف البرقاوي العتيبي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hgvHd dhHig hgvHd

عندك وقت حول 40يوم على وقت اليسره ورأي تحمل الأبل شهر 10 ميلادي من دون الحيران

شلها بعيالها واذا الله كاتب نصيب يجي انشالله
وكثير من الابل تعشر وولدها معها وبعضها يكسب
ويرضعها الحوار من 6 الى 8 شهور بعد اللقاح
بس أهم شي تكرمها بالعلف

يامرحبا اخوي نواف

اذا كان احوال البل طيبه ماعليهن من الرضاعه

والله يرزقك منهن الانتاج الطيب

تقبل مروري

الافضل انك تعزل عيالها

وتضربها من البعير وهي ميسر

وتلقح انشالله

أهم شي لا توديهن وحيرانها معها

الله يبيض وجيهكم


كل واحد عطانا رايه وهذي الهقوة فيكم


بس انا قصدي منحرج ولاودي اكلف على الرجال وفي نفس الوقت ماودي ان الحشو تنكسر والا قد كسبنا الابل وعيالها حدرها ولاضرها من فضل الله



الله يعطيكم العافية ويبيض وجيهكم

البكره أم 5 اشهر
أما تصبر عليها شهرين مع أمها أو تسحبها على ضيار ان كانت تستاهل ,
والقعود أبو ست شهور اكرمه كان عمره زين ويقدر ينقل الحال ولايضره ان شاء الله ألا فالشهر الاول ,
أما كانه غالي وطيب اصبر عليـــه مع أمه شهر كامل , أو اسحبه على ضيار ,

والحوار الغالي المفروض مايسحب عن أمـه مدّة 12 أو 13 شهر , أو يسحب على ضيار لين يتم عمره ويقسى عظمه ,

وان صبرت شهر 10 وشهر 11 , ولاعيّدت حملتهن بدون حيرانهن تراه اطيب راي ويفكك من الجهاد والعنا ,
والفرق مامن فرق يمكن البل ماتلاقح ألا بعد شهر أو شهرين وليا الدعوى هي هي

مادام البعير عليه سرى وكلفه ود النياق لحالها

الاخوان مشعل واحمد بيض الله وجيهكم



ماقصرتوا واستفدت من أرائكم جميعاً



عسى الله يقدم اللي فيه خير