كم

كم

كم المسافة التي تقطعها الابل في اليوم من طلوع الشمس الي غروبها سمعت ناس يقولون 100كيلو وناس يقولو 90 وناس 50 فأيها الصح

الموضوع الأصلي: كم || الكاتب: ابو علي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

;l

تفرق ما هي بسواء شيء ياصل الـ٩٠ وشيء يقصر دونها

المغاتير بشكل عام ممشاها زين اما المجهم نفوسها و جرومها ثقال

الشديد

له نظام
شديد الشتاء غير الصيف

شديد قوي وشديد ضعيف

عندك فطر وخلفات مصاغير ومتالي قريبات ولاد
لابد يكون مشيك هادي

الشتاء تحتاج عشاء البل فالشديد فقط

الصيف كود تغديها وتعشيها وتسقيها

فالشتاء من الساعة سبع لين تطيح الشمس لا كانت البل شبب وارضك سهله مافيها وعوره ونفود وممشاها هادي

الصيف من النور لين الساعة عشر
بعدين تغديها وتخليها على الوايت
والساعة ثلاث تمشيه لين تغيب الشمس


واحذرك من الهجيج فالوعر والنفود ترى الضلع والحفاء
يلحقها

ولاحظ ابلك فالشديد كانها قامت تتباعد ريحها ترى تاليها تعبان




وهي على خطر البل ان كانت مهتوية سقها على هواها


وانزل المكان اللي مبركه زين ومعشاه زين وووواحذر من الجفال وقت الشديد
ان كانت اباعرك جديده على بعض



...

المسافه اللي تقطعها البل

من ثلاثين لين سبعين للي جديد عليها


واللي خابر ابله

يزود له كيلوات...

لكن خل عنك هياط بعض الناس

ولا تعسرها على هواك ريحها

سالفة مجاهيم ولا مغاتير البل ماهي سوى شي ممشا وخطوه وشي هجيج لا ارتفع الضحى اقصرت
وانا اباعري
مجاهيم شدينا ومعنا سبعة ذيدان مغاتير راحوا منهم عبود المقاطي يوم سرحنا و ارتفع الضحا لينا معطينهم اللحوق وهم في ماهم فيه وحنا في اشتا وعلى طريق البيب سارحين من عريق الدسم المهم الموتر ينقل حيران ومصفرين العداد يوم عشينا لاهي 109 كيلو والموتر لا عدل لايمين ولا يسار سرحنا والوضح مقيلة على معشانا الا ان البل منتويه

ممشى الركادة زين والدعوة مهي بمسابق وافضل ممشى لها ما كان بين 50 الى 70 كيلو واحذر من الهجيج وخاصة في المرباع

انا أوافق الأخ : عزيز الحميدي على كلامه
أما سالفة مجاهيم مغاتير هذا كلام فاضي
المطيه وحدة لاكن الفرق لون فقط لاغير
الطبع كل مطيه تنتطبع وكل مطيه لانوت الممشى زاد ممشاها