"الشيخ راع المغاتير"

"الشيخ راع المغاتير"

"الشيخ راع المغاتير"






قصيدة شاعر سبيع والسهول






الشاعر:دسمان بن مناحي بن هايف المحمدي السبيعي

ياللي تجون الشيخ راع المغاتير*** اللي على روس الشفاشيف مبناه

في مجلسٍ متبين للخطاطير*** من جاء من أطراف الأجاويد يلقاه

له ربعة فيها النشاما مناحير*** والعود الازرق والدلال المراكاه

وحيلٍ على فجح الصواني مزابير*** وسوالفٍ عن كل شومٍ مصفاه

من جاء مهلاً به على كل تقدير*** ومن راح ما ينشد عن أدناه وأقصاه

ردوا سلامي يا لوجيه المسافير***لابن الكرام اللي بشوشٍ محياه

ناصر مقر الجود وافي الاشابير*** ناصر عسى سو المنايا تعداه

حامي قفاء الغافل زبون المخاسير***متعب رجالاً في المراجل تحداه

من علية القوم الكبار المناعير***امقلطه وجهه وجاهه ويمناه

تصغي له الاسماع ويشار ويشير***وأن عميت أرياء الناس ما عميت أرياه

راعي مغاتيرٍ تشوق النواظير***وسم العزيزي بين الابواش تزهاه

ما شبكوها في علاوي تنينير***ترعاء زماليق الدعث لا نتثر ماه

لا جاء على مربى العشاير شخاتير***تضرب عطيفه قبل الادباش تاطاه

وضحٍ تحير أبها جميع التفاكير*** وضحٍ على صوت المشايع مضراه

مرتفعة الغرب وهزع المواخير***كن الموده في عطارد توحاه

اسبالها كنها غروبٍ على بير*** والوجه ودك كل يوماً تحلاه

ورقابها جردٍ طوالٍ مضامير***وظهورها فوق الحصاير مواساه

حرشٍ وبرها كن وسطه دواوير*** والا عقد سدو الهنوف الخونداه

سحج الخلايا مبعدات المحادير***في ضف شيخٍ ماكر العز مركاه

يعطي عطاياً ما عطوها الهوامير***اللي عطاياهم بعضها مضاهاه

وانا رفيقٍ له ومهدي لي بعير*** ولولا الغلا في ذمتي ما تقفاه

ما نيب أدرر حافل الهرج تدرير***ولا أمجد الطيّب وعيني لمخباه

وابن مهنا مال مده حواصير***يهدي ويعطي ما يمن بعطاياه

رام العلا والمجد من يومه صغير***مرحوم يا عوداً على الطيب رباه

امنقح الجوهر رفيع المواكير*** من روس عسرات الطويلات مجناه

أسمه شهير ومن رجالٍ مشاهير***يمشي على درب الجدود المسماه

الصادقين الصاملين الفواعير***أهل الكرم وأهل السلال المحناه

سقم الحفيف متيهين المصاغير***قطعانهم عشب المخافات ترعاه

يبرونها بمصقلات البواتير*** ودرجٍ ليا ناش أبيض العظم يفضاه

ترثة حمد مرذي كبار الاباهير***يشهد على فعله رويشد بمبداه

يوم السنين الماضيات المدابير*** ركنٍ لربعه والهشاشيل تنصاه

ريف الهزالا في الليال المعاسير***حامي قفاء راع الجواد المخلاه

والعذر مني عن بدل كل تقصير***ومن يفعل المعروف بالشكر نجزاه

وصلاة ربي عد ما رفرف الطير***على رسولٍ بين الدين وأرساه

الموضوع الأصلي: "الشيخ راع المغاتير" || الكاتب: خالد المجمعي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

"hgado vhu hglyhjdv"

~.~ ماقصرت على القصيدة ولا هنت وصح لسان قايلها ~.~

لاهنت اخوي خالد النفيعي على الرد

أسمه شهير ومن رجالٍ مشاهير***يمشي على درب الجدود المسماه

والله كفو
ولاهنت على عرض القصيدة وصح لسان قايلها

هلا بك اخوي ناصر نورت الموضوع

ولاهنت على الرد الطيب

قصيده كفو من شاعر كفو ومسنده على كفو واللي نقلها كفو

لاهنت على النقل وحسن الاختيار

لاهنت اخوي:حاصل اليامي وبيض الله وجهك

وانت كفو من لابتن كفو

وكثر الله من أمثالك