ناقه ما تلقح .. وش الحل ...

ناقه ما تلقح .. وش الحل ...

السلام عليكم ورحمه الله وبركاته

يمكن هذي اول مشاركه ليه .. بس صار لي فتره اقرى من منواضيع الشباب .. واهل الابل .. وبارك الله فيكم .. وفي حلالكم ..

وانا اليوم طولي بعمركم جاي بمشكله .. واتمنى من الله عز وجل اجد الحل عند اهل الخبره والشور

طولي بعمركم .. فيه عندنا ناقه اشتراها الوالد ربي يطول عمره من الباطنه .. والصلاه على الرسول .. من يشوف الناقه يجن عليها ... والكل طمع بلقاحها ..بس سبحان الله .. مثل ما يقولون ..نفس البنادم ..

من كثر من كلنا طمعانين بلقاحها .. ولا لقحت عند اي احد فيهم .. لا ابوي .. ولا عمي .. ولا حتى اخواني .. لدرجه انه ابوي قال هالبكره ما منها اي فايده .. وخلاها قليصه في عزبه الهجن .. وفوق هذا كله .. الكل يسأل عنها لين الحين

مريت عليه هاك اليوم .. ولا اشوف الناقه لاول مره .. وتيمت وراه لين ما باعها علي .. طبعا على بالي اني بكون اكثر حظ منهم ..

سبحان الله .. جربت اول شي انوخها .. وطبعا ما لقحت .. وهيه من النوع ياللي يهدر كثير .. فما عرفنا هل هيه تهدر من كره البعير لانه من يجي البعير تعضه ... ولا تحبه يجي تفحيمتها

ولا تفحيمه الابل الثانيه ياللي في عزبتنا .. وكله صايره بعير العزبه .. الا تهدر وكأنها بعير لولا انه ناقصها ما ينقص البعير " كرمتوا" ..

جبت لها الدكتور .. ودخل عليها من دبرها .. اول ما دخل عليها ..قالي " هذي الناقه ما منها فايده .. مبايضها معدومه .. وحده مختفيه والثانيه جدا صغيره ولا تساعد انها تنتج اي بويضات .. ولا تضيع وقتك عليها .. لانها صال لها التهاب من سنتين او اكثر .. .ولا احد لحق عليها وعالجها " .. المهم .. لزمت عليه انه يحاول فيها .. فسبحان الله .. اعدها ابره يسره .. وهو يقول تراها هيه اصلا بسبب الالتهاب ميسر كفايه .. بس سبحان الله .. عالج الالتهاب اول شي .. قبل ابره اليسره .. ونضفها .. بمعقمات .. " والله لا يوريكم ياللي طلعه من داخلها من وسخ .. قطع قطع كأنلها مطاط ابيض وعفن الريحه " .. وقال بعد ابره اليسره والتثبيت لو ما لقحت انصحك ما تضيع وقتك وياها وبيعها ابرك لك ..

سبحان الله .. اخر الموسم .. تمت ما تحب تقارب البعير .<<<< لاحظوا انها ما تشول .. بس كان اول تهجم على البعير .. وهالايام شارده عنه .. بعد 14 يوم من مناخات طول الموسم


سبحان الله .. قلت للعامل غطها من البرد .. عن لا تطفي .. ولا تكسر .. العامل طنش .. ولا بعد اسبوع او ثلاثه الا تهدر مره ثانيه .. عرفت انها اطفت بسبب العامل يوم ما غطاها من البرد .. وكلنا عاتبنا عليه ..

السنه هاي وديتها لمختبر في دبي طبعا بعد ما قطعت منها عروق في الله يكرمكم في سبتها من تحت ....وكشفوا عليها ناسه شاطره عندنا في هالسوالف ..وقالوا هذي العروق توقف لقاح الناقه .. وشالوهم .. .. وكشف عليها الدكتور بجهاز التصوير الصوتي هيه ووحده من الابل القديمه عندنا صار لها 13 سنه ما لقحت .. >>> ما عليكم من الثانيه ...سالفتها سالفه



قال البويضات حجمها طبيعي <<< عكس كلام الدكتور .. لانهم كشفوا عليها بعد سنه من الطعام .. وترتيب اكل وتغذيه الناقه من تمر وحشيش وعلف ....

بس فيه مشكله وحده ..انه وحده من المبايض فيها ورم مغطي عليها ولا مخليها تنتج البويضه .. وهذي يبيلها عمليه .....<<< نفس الناقه الثانيه ..بس هذيج طولي بعمركم كل قرنها فيهم ورهم مصكر عليهم ومجمع وسخ فيهم

طلع في الصوره الصوتيه ..انه وحده من المبايض منتجه بويضه .. قام اعطاها ابره تثبيت .. ونوخناها ...

ولين الحين كل ما جربت شي .. ما يصلح معاها .. اخر مره سوت فيني نفس السنه ياللي فاتت .. نوختها بعد 20 من المختبر جبتها للبعير ولا الصلاه على الرسول الناقه تجتر .. وتشول .. بشرت الوالد ...قام الوالد تعنا لها .. وجاب لها البعير ..<<< وللاسف ...طلعتني غلطان... تمت تهدر على البعير ولا تبيه يدخل شبك الابل ...

قلت يمكن لانها طبعها جذا .. شليتها للبعير .. وكأنه ياللي صار من كمن يوم من الاجترار والشوال ما صار .. كانت تبين مليون في الميه انها مش لقحه ..

والحين الكل يلومني عليها .. ويبيني اتخلص منها من تقريبا يوم ما اشتريتها .. وانا ابا اثبت لهم انه الناقه بتلقح بس يبيلها صبر ..


شوركم وفزعتكم يا اهل الخبره .. وش شوركم علي " على فكره .. الناقه لين الحين ما قد لقحت .. "

والسموحه طولت عليكم .. بس والله ابا ابين بالضبط شو سويت ...على شان ما يتكرر نفس الحل ويضيع الوقت هدر ..

الموضوع الأصلي: ناقه ما تلقح .. وش الحل ... || الكاتب: مبارك بن محمد || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

khri lh jgrp >> ,a hgpg >>>

بل .. 35 قارئ ولا حتى تعبير بسيط عن فكره !؟ ...

للرفع رجائا ..

الله يرزقك ببرك منها
هذي مقطوع النصيب منها

اولا اسأل الله الكريم ان يطعمك منها ولايخسرك يامبارك
ثانيا والله ماخليت عليها شي ماشاء الله عليك وبأذن يفيدونك الأخوان أصحاب الخبرة

الراي تعوض الله ولا لك في كثر التدابير لزمه ورد بالراحه

المشاركة الأصلية كتبت بواسطة منصور العدواني

الله يرزقك ببرك منها
هذي مقطوع النصيب منها

امين .. ويجعلك الخير وين ما تروح يا اخوي منصور

النصيب بيد كريم .. وانا مجرد مجتهد

والله يكتب لنا قسمه منها يا رب

المشاركة الأصلية كتبت بواسطة احمد العطية

اولا اسأل الله الكريم ان يطعمك منها ولايخسرك يامبارك
ثانيا والله ماخليت عليها شي ماشاء الله عليك وبأذن يفيدونك الأخوان أصحاب الخبرة

مرحبا اخوي احمد " ابوشهاب بالاماراتي"

أمين

واسأل الله لك خير الدنيا والاخره .. وطعمك من ثمار الجنه يا رب

وجزاك الله خير اخوي الى الرد .. والله يرزق من يشاء ..

المشاركة الأصلية كتبت بواسطة أحمدالعشري

الراي تعوض الله ولا لك في كثر التدابير لزمه ورد بالراحه

اهلا اخوي احمد .. وشاكر لك ردك ..

والعوض بيد الله من قبل ومن بعد .. وما انا الا مجتهد

بارك الله لك وعليك ..

سمين الناقه؟

الاخ : محمد

في شي انت ماسويته أقرأ علي الناقة يوميا يمكن منفوسه من احد .
في علاج الكي للحايل ويفيدونك للربع

محمد الوهيبي التميمي ..

هلا اخوي .. ومشكور على الرد ..

لا والله يا اخوي ..اول ما يت الناقه ضغيف ... واطعمتها ولكن الحين الناقه حلو جسمها .. وملائم لا هيه سمين ولا هيه ضغيفه .. وسط

المشاركة الأصلية كتبت بواسطة طلال بن عقاب

الاخ : محمد

في شي انت ماسويته أقرأ علي الناقة يوميا يمكن منفوسه من احد .
في علاج الكي للحايل ويفيدونك للربع

هلا يا اخوي طلال

والله ما استبعدها .. تصدق !؟

واحد من الجماعه ..الله يذكره بالخير .. تم ورا الوالد يبيه يبيها له ... " وعلى فكره .. من يحط عينه على ناقه الا يجيب عمرها للمقبره " ..

والله يمكن ..

وللامانه من شعرين ضاربها جاري الله يهديه ويصلحه بعين .. والله ثم والله ولا لكم حلفه عليه ...اني شال الناقه ما فيها الا العافيه .. ولا مر عليه وقالي .. وين شال البعير .. ولا الناقه تترنح عليه بعها بدقيقتين بالضبط

والله ما قدرت اوصلها للشبك لين طاحت عليه .. وتميت شهر اعالج فيها .. واقرا عليها .. ضربتها حمى .. وتمت ميته لين الله احيها ..

وتميت اقرى عليها المعوذات .. واجبرها للاكل ..

وبالنسبه للوسم ... كيف وسمها هذي بعد .. يا ليت الشرح التفصيلي من الاخوان

مالي خبره ياخوي بس سمعت ان فيه تلقيح صناعي للبل بالامارات يمكن يفيد



هناك ثلاث طرق هي: التلقيح بالمني الطازج، ويتم بعد تخفيفه بممددات وتركه في درجة حرارة الغرفة 25 درجة مئوية للاستعمال السريع خلال ساعات قليلة (2 ـ 4 ساعات). ـ التلقيح بالمني المبرد، حيث يحفظ المني بعد تخفيفه بالممددات مبرداً عند درجة حرارة 4 ـ 5 درجة مئوية يحفظ بالثلاجة، ليستعمل خلال فترة قصيرة (24 ـ 36 ساعة). ـ التلقيح بالمني المجمد، وذلك بحفظ المني لمدة طويلة (سنوات) بالتجميد، حيث يمدد أولاً ثم يبرد ويجمد عند درجة حرارة 196 درجة مئوية تحت الصفر، ثم يذاب عند استعماله في تلقيح النوق .
سويت لك بحث وهذا اللي لقيته

المشاركة الأصلية كتبت بواسطة ثامر الشمري

مالي خبره ياخوي بس سمعت ان فيه تلقيح صناعي للبل بالامارات يمكن يفيد



هناك ثلاث طرق هي: التلقيح بالمني الطازج، ويتم بعد تخفيفه بممددات وتركه في درجة حرارة الغرفة 25 درجة مئوية للاستعمال السريع خلال ساعات قليلة (2 ـ 4 ساعات). ـ التلقيح بالمني المبرد، حيث يحفظ المني بعد تخفيفه بالممددات مبرداً عند درجة حرارة 4 ـ 5 درجة مئوية يحفظ بالثلاجة، ليستعمل خلال فترة قصيرة (24 ـ 36 ساعة). ـ التلقيح بالمني المجمد، وذلك بحفظ المني لمدة طويلة (سنوات) بالتجميد، حيث يمدد أولاً ثم يبرد ويجمد عند درجة حرارة 196 درجة مئوية تحت الصفر، ثم يذاب عند استعماله في تلقيح النوق .
سويت لك بحث وهذا اللي لقيته

جزاك الله خير يا اخوي ثامر ..


بس التلقيح الصناعي للشيوخ بس .. مش لعامه الناس .. ولا كان من زمان اول الاسامي اسمي ..

الا ما اقول غير جزاك الله خير .. ولا يحرمك الاجر يا اخوي .. على تواصلك وتعبك معاي

آخوي مبارك...أولا : أسئل الله العلي الكريم أن يطعمك منهاا
وثانيا: الشايب شرى له حايل يقول راعيها تراها ماتلقح.. قعدت عندنا سنتين والحين أبشرك لقحـة وقريب تبي تلد باذن الله...تصدق وديناها لمستشفى البيطرة وقالوا هذي ماعاد تلقح ..بس ربك كريم على عباده,
يعني أصبر على الناقه ..لاتستعجل وإن شاء الله بيكتب لها اللقاح..
حتى لو تبي تبيعها ..تتبيع لحم..

أخـوك/ فيصـل الشـلاحي