وش الحل ؟؟؟؟؟؟

وش الحل ؟؟؟؟؟؟

عندي بكره جذعه ، مشكلتها تكسر الشبوك ولا هيب تنحاش بس فيها حب تكسير الشبوك
تفتح الحوشه على بعضها ، سوينا لها قيد أمامي وهجار قصير وخفت الحركة لاكن لازالت
تكسر والبكره مزيونه .
هل فيه حل غير البيع ؟

الموضوع الأصلي: وش الحل ؟؟؟؟؟؟ || الكاتب: سلمان بن حمد الدوسري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

,a hgpg ??????

مرحبا اخوي سلمان الحل سهل

حط له شبك حديد ( درف )

او حط لها الشبك المنخل ( مثل شبك الغنم ) وخذ اللي ارتفاعه اكثر من متر ونص


والله يبارك لك فيها

والله ياشيخ مسعود أني حطيت شبك زي حق الغنم
وارتفاعه متر ونص وتعفطه من فوق برقبتها
يعني تبرك عليه إلين تهشم ورميناه .
أخاف طبعها من مرض معين أو شي وسلمت .

المرض ما فيها مرض ولافيها الا العافية وشين الطبع

لكن افضل شيء طالما ان البكرة غالية عندك خل الحداد يفصل لها شبك

3 بوص وصبه صب مثل اللي في الاسواق تقريبا وهذا انسب حل

بارك الله فيك يادوسري

لف على الدرف من فوق سلك شايك ..

أو خل الحداد يلحم سنون حاده على الدرف من فوق .. ماتقدر تقربه برقبتها

جزاك الله خير ياللحية الغانمة على مشورتك الطيبة وإنشاء الله
بنكثف الشبك وعسى الله يهديها .

حط لها مرصغ مثل الركاب

علااااااك بشبك الدرف
فصله عند الحداد لاتاخذ من الجاهز ابو 3 ادوار و خل المواصير بوصه ونص
والدرفه خلهااا ست6 ادوار
وفي حداد فالرياض اخبرهااا عنده ويفصلهاااا ان صملت علمني ومالك الاطيبت الخاطر

وسلامتك

سلمان اخوى بغيت أسالك
هل البكره من حلالك والا انت مشتريه ؟
ان كانت من حلالك فلا وانا اخوك تعطل حلالك بالطبع الشين ذا وانت ادرى اشلون عطلتها وضريتها على كذا وان كنت مشتريها فهذا عطال فيها من وهى حواره مضرينها على تكسير الشبوك وهذا عيب وذارب فى البكره صعب أنك تنحاها عنه الا انك تفصل لها شبوك عاليه عنها يعنى ارتفاعه فوق مترين ونص ولا تكون منخوله تولج راسها فى فجوجه أدب البكره زين وان اخوك ارسنها وخلها برسنها لين تعرف وتتطبع وتضرا على الشبوك اما غير كذا مافيها حيله ابد وهذا ذارب حتى لو شراها منك احد بيردها لك
البل على ودابها وانا اخوك
بارك الله لك فيها

طقها بالرباط مثل الفحول وخلها
انا عندي بكره ماتقطع الشبوك تطمره طمر بدون ماتلمس الشايك والله انها تمر من عند الشايك ولا معبرته لدرجة اني قيدتها بس مافيه فايده وان طولت الشايك وخليته ثلاث بتوت بركت وزحفت وهي باركه لين ماتطلع
عاقبتني عقوبه

مثل رأي الأخ طلال الروقي

لف عليه شايك

المشاركة الأصلية كتبت بواسطة عبدالله بن فاضل السهلي

طقها بالرباط مثل الفحول وخلها
انا عندي بكره ماتقطع الشبوك تطمره طمر بدون ماتلمس الشايك والله انها تمر من عند الشايك ولا معبرته لدرجة اني قيدتها بس مافيه فايده وان طولت الشايك وخليته ثلاث بتوت بركت وزحفت وهي باركه لين ماتطلع
عاقبتني عقوبه

عزالله إقديت في الإجابة يا أبيض الوجه

طقها بالرباط وريح عمرك لاتخرب طبع البل