قصيده للشاعرخالدبن حسن البليهدبالابل

قصيده للشاعرخالدبن حسن البليهدبالابل

هذه الققصيده للشاعرالعميد/خالدبن حسن البليهد
رحمه الله بالابل أحببت أقدمه لكم في هذه المشاركه
يالله فـي نـوٍ مزونـه مزابـيـر

يسقي الدير ويزول عنهـا محلهـا

أمطار خير وكل مـا تنبتـه خيـر

يسيل منهـا ضلعهـا مـع سهلهـا

نشوف بالديـره زهـور ونواويـر

تكثر بهـا الربلـه ويكثـر نفلهـا

على الغصون الناعمه غرد الطيـر

كل الدير من فضـل ربـي شملهـا

وتربع البل في حسيـن المخاضيـر

وتزخرف الريضـان للـي نزلهـا

والبدو تنزل فـي طـوال العثاميـر

وتستقبـل الذيـدان ليـلـه حللها

ذودٍ مجـاهـيـمٍ وذودٍ مغـاتـيـر

والعـز والنومـاس يبـرى لهلهـا

وانا بحـب البـل جبـت التفاكيـر

حيث اني اغليها ولا ابغـى بدلهـا

عندي لها يا نـاس حـبٍ وتقديـر

ارضي من ارضاها ونزعل زعلهـا

سمحات الايدي مبعدات المشاويـر

ماحافها السرحـان ياكـل هملهـا

وارقابها عـوجٍ اسـواة البواكيـر

ووجوهها سمحـه وربـي عدلهـا

يا زينها وان جات ورود ومصاديـر

يبرى لها الراعـي وتتبـع جملهـا

فيهـا مصاغيـرٍ وفيهـا معاشيـر

وفيهـا اجذعـاتٍ ناجبيـنٍ فحلهـا

وفيها مجاهيمٍ تشـوق المحاضيـر

كبـارٍ مثانيهـا قلـيـلٍ مثلـهـا

وجيهها مثـل السبـاع المشاهيـر

وعيونها مـن نـور ربـي كحلهـا

والوضح يالأجواد تر شكلهـا غيـر

يا بخت من حظـه قـويٍ حملهـا

الوضح شفـي يالوجيـه المسافيـر

احبهـا والـروح تحمـل عذلـهـا

يازين صفتهـا اسـواة الطوابيـر

بيض الخدود مجملـة مـن عزلهـا

اللـي لبنهـا للضيـوف المساييـر

واللي سبرها ما انقطع من نسلهـا

والبل ابها شقحٍ وحمرٍ كمـا الكيـر

كن الشـرار مـوزعٍ مـن غزلهـا

البل عطايا الله وكسـب المناعيـر

ماهي بكسب اللـي حياتـه قتلهـا

مجمع الدنيـا علـى غيـر تدبيـر

يركض وراها مادرى عـن قبلهـا

مشغول في دنياه ويحـث بالسيـر

متوهـمٍ لـه حاجـةٍ ماوصلـهـا

وصلاة ربي عـد وبـل الشخاتيـر

مـن المـزون اللـي كثيـر هللها

على محمـد نـور الحـق تنويـر

عقب الضلال اهدى البشر عن جهلها

الموضوع الأصلي: قصيده للشاعرخالدبن حسن البليهدبالابل || الكاتب: محمدالعلوي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

rwd]i ggahuvohg]fk psk hgfgdi]fhghfg

هذه القصيده للشاعربدر بن عواد الحويفي مجاراه للشاعرخالد بن حسن البليهد رحمه الله

حي الجواب اللي مركـز بتفكيـر=ابيـات تفكيـر البلـيـد فتلـهـا

ابيات شاعر من خيار الشواعيـر=القافيـه يقطـف نـوادر سبلهـا

يابن بليهـد ياعشيـر المناعيـر=ياريف شجعانٍ على الكيف ولهـا

صدقت ماعديـت زلـه وتزويـر=بابياتـك اللـي كالمغـرم نقلهـا

لو كان منها صار بالقلـب تأثيـر=حاله مضت دور الحضاره شملها

وانته مصور حالة البدو تصويـر=يوم البـداوه ماعتراهـا كسلهـا

والبل غرام اللي براسه زعاطيـر=تحلـب حلايبهـا وتركـب ذللها

ياما غزوهـا مبعديـن المسابيـر=وذاقوا مرارتهـا وذاقـوا عسلهـا

نوبٍ بها يقفـون غـز القناطيـر=ونوبٍ ركايبهـم غنايـم لأهلهـا

يوم انها تقطف زهـور ونواويـر=يحة عبسها مثـل نبتـة نفلهـا

واليوم مسجونه بشيك وجواخيـر=تسكب مدامعهـا عبايـر خجلهـا

مصروفها تبن المـزارع وشعّيـر=كثر الشحم فيهـا وكثـرت عللها

تحكم بها العملة وسلـم الدنانيـر=تاجر بها المصلاح واللي جهلهـا

حلاتهـا يـوم انهـا بالمصافيـر=تقفر مع الريضان ماحـدٍ عقلهـا

وعساسها قدامهـا ينقـل الطيـر=فوق اشعلٍ به نسبةٍ مـن فحلهـا

تتبع مداليـج المـزون المباكيـر=اللي تنّزل كـل مامسـت طفلهـا

هاذي حالات البل كبار الأباهيـر=يوم انهـا فيهـا ومنهـا رحلهـا

واليوم تشعاهـا سبـاق الحناتيـر=نـوبٍ تفرقهـا ونـوب تعقلـهـا

ورعيانها جيبوا بفيـزه وتاشيـر=اجنـاب ثبّتهـا الجـواز وكفلهـا

مايفهمون حقوق برص المواخيـر=لاعلّـق البـوري عليهـا هبلهـا

لاحاسها ضيق عليهـا المعابيـر=اما حجرها غصـب والا جدلهـا

البل تني ناسٍ تسّهل لهـا السيـر=وترتع بها رتـع الظبـا بمهملهـا

لاريعّـت خلفاتـهـا للمقاهـيـر=صوت المـوده لا تكلـم زجلهـا

باطرافها تلقى الحباري مخاميـر=والريم حايز عن طوارف عيلهـا

هذا يابو فرحـان ذوق المغاتيـر=يـوم الـبـداوه ماتـرنـق فللها

يوم انها فـوق المـوارد دواويـر=وبيوتهم يستانـس اللـي دخلهـا

واليوم حـالات البـداوة تعابيـر=وعيالهم شرب القواطـي دعلهـا

ولولاي شفت بحالة البدو تغييـر=ماجت على بالي ولو قيـل قلهـا

اجبرهم السكـر لبلـع العقاقيـر=واجسامهم قـل المرونـه فشلهـا

صاموا على الحموه وراي الدكاتير=والنفس عنـدالله شفاهـا واجلهـا

وعلاجهـم در البكـار الاباكيـر=اللي مع الغيشـه تـرزم هجلهـا

وانا ماقول بمذهب البدو تقصيـر=نعم الرجال اللي يـذري دخلهـا

اهل سلـوم وبالمعـارك مغاويـر=واصل العروبة من سلايـل سللها

اخص واستثني رجالٍ بهم خيـر=اخص ناسٍ جنبـت سلـه اهلهـا

لاقلت له قال الزمن فيـه تطويـر=عادات غيـره شاقتـه وارتجلهـا

لو كان غادي عند نفسه كما الزير=والله يحاسب كـل نفـس بعملهـا

تمت وصلى الله على داعي الخير=نبـي الأمـه والرسالـة حملهـا

الله يرحمه ويغفرله قصيده طيبه لاهنت على الطرح

الله يرحمه
ولاهنت على النقل
الطيب
***

الاخ عبدالعزيزالشتوي
شاكرمرورك العاطرعلى هذه المشاركه تقبل أجمل التحايا.

الاخ سعدون بن نايف
مرورك زاد المشاركه رونقٍ وجمال رحم الله الشاعر خالد البليهد.تقبل وافرالتقدير.

صح لسانك
ولاهنت على النقل

الاخ رجا صح بدنك ولاتهون والعذر على عدم مروري على تعليقك الموقرشاكرومقدرلك مرورك الغالي.

صح لسان الشاعر رحمه الله

وسلمت اناملك على النقل الرائع

صح لسان الشاعر رحمه الله

وسلمت اناملك على النقل

المشاركة الأصلية كتبت بواسطة خالد بن عصاي

صح لسان الشاعر رحمه الله

وسلمت اناملك على النقل الرائع

صح بدنك أخي خالد أشكرك على هذا المرورالطيب.

المشاركة الأصلية كتبت بواسطة سلطان الدلبحي

صح لسان الشاعر رحمه الله

وسلمت اناملك على النقل

صح بدنك الاخ سلطان مشكور على مرورك الرايع لهذا الموضوع.

الله يرحمه
ولاهنت على النقل
الطيب

المشاركة الأصلية كتبت بواسطة ناهس نايف بن عصاي

الله يرحمه
ولاهنت على النقل
الطيب

أمين ولاتهون مرور مشرف لهذا الموضوع.تقبل تحياتي.

بيض الله وجهك

ولا هنت على النقل