هد الجذع ..

هد الجذع ..

السلام عليكم ورحمة الله وبركاته

رزقنا الله من احد عيال الاجواد قعود جذع ما بعد اضرب ..

القعود يجذع في شهر 2

وماشاء الله تبارك الله عمره زين وهايج ..

النيه اني اضرب عليه كم ناقه ولكن عدد من الاخوان نصحني انتظر حتى شهر 2 ..

احدهم يقول حتى لو القح وهو ما دخل جذع ما ينتج ..
واحدهم يقول لو يضرب وهو ما جذع احتمال كبير ماعاد يلقح الا فوق الرباع ... وهذا هو اللي خوفني

ونبي الراي من اهل الخبره الله يجزاكم خير

الموضوع الأصلي: هد الجذع .. || الكاتب: ممدوح احمد الشريف || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

i] hg[`u >>

مرحبا يابو احمد وهذا الكلام غير صحيح لكن اغلبية الجذعان تلقح على قروها وهي وقت ولادها وقعودك قروه اللي هو شهر 2 مثل ماتقول واللقاح علمه عند الله لان فيه لقيان القحت ولكن نادر .

هده ولا صاير الا العلم الطيب ان شاء الله

انا من عرفتي للعلم وانا اهد القعادين جذع وتلقح

وعليكم السلام

يامرحبا اخوي ممدوح

لجذع القعود هده

والله يرزقك منه الانتاج الي يسر خاطرك

تقبل تحياتي

هده وأنا خوك شهر 2 وماعليك من الهرج والله يرزقك بالإنتاج الطيب

الكلام اللي ذكرلك غير صحيح
هده يابو محمد في بعض البل والباقيه اضربها فحل مشيوف انتاجه ومعروف لانهن تبارك الله يستاهلن
الله يبارك لك
تقبل تحياتي

أخوي ممدوح

كان عندنا قعود يجذع في شهر 2

وهديناه في الابل من شهر 11 وآلقح وهديناه ثني ورباع وسديس وبعته على واحد من الربع يضرب ويلقح مافيه شي مره ..

هد القعود وبتبارك إن شاءالله

ممدوح هد القعود من بكره وبيلقح باذن الله لكن لا تضربه الا مجاسير

ثنين القعدان الي شفتهن انا بعيني اللقحن قبل يجذعن

حدهم يقول حتى لو القح وهو ما دخل جذع ما ينتج

كيف يعني ماينتج

هل تقصد بانه لا يلقح

او تقصد بان الانتاج سيكون عادي ؟

..

بارك الله فيكم جميعا ... كفيتوا ووفيتوا ..

وبعون الله نهده في بعض الابل والله يرزقنا ويرزق المسلمين من انتاجه ..

اخوي عبدالعزيز البقمي على كلامهم يقولون ان الناقه تغلبه وتسحب الانتاج عليها ..

ماعليك من كلامهم

القعود كانه هايج هده وماجاي الا الخير ان شاء الله اما تسحب الام فالام اكيد لها دور

والفحل ايضا له دور

والله يرزقك الانتاج الفاخر

انا عندي قعود جذع وهايج لكنه (غشيم) مايعرف يضرب

يحط يديه على رقبة الناقه ورجليه على سنامها

وعاني فاك قيده وفاكه مع امهاته لين يضررب

..

المشاركة الأصلية كتبت بواسطة عبدالعزيز البقمي

ماعليك من كلامهم

القعود كانه هايج هده وماجاي الا الخير ان شاء الله اما تسحب الام فالام اكيد لها دور

والفحل ايضا له دور

والله يرزقك الانتاج الفاخر

انا عندي قعود جذع وهايج لكنه (غشيم) مايعرف يضرب

يحط يديه على رقبة الناقه ورجليه على سنامها

وعاني فاك قيده وفاكه مع امهاته لين يضررب

..

الله يبارك لك يا عبدالعزيز ويزرقنا واياك والمسلمين

اما الغشامه فعندنا وعندك خير .. هالمراهقين هذولا دبرتهم قليله

الأخ القدير / ممدوح الشريـف .

الأخـوان كفوو ووفّـوا ولاقصروا وهذي عوايدهـم ..

القعـود دوّر له من ابلك العشاير اللي حالهن طيّب ترى البعير ماله كبد على العشراء .

ولامنه اضرب وزان وضعـه هده فالبل كان ماعندك غيره واطلب الله فالتوفيق .

وان شاء الله تشوف الانتاج اللي يسـرك ............

..
والله يرزقك من واسع فضلـه انت ومن يقرأ هالكلمـأت .

هد البعير والجذع لذع
ومع الهداد يزين عمر البعير وتشوف اللي يسرك