اخوكم محتاج المشوره في حواره غاليه وذارق

اخوكم محتاج المشوره في حواره غاليه وذارق

عندي حواره عمرها اسبوعين واليوم العصر شفت منها ذراق وش الحل يالربع هل طبيعي لانها رضعت واجد البارح ؟
وعلمت العامل يحلب امها مع طلوع الشمس ويشملها ويرجع ينظفها الساعة 10 ويشملها ويحلبها المغرب وينظفها ويخلي بنتها ترضع شوي ويشملها ويرجع لها الساعة 9 ينظفها ويخلي الحواره مع امها بدون تشميل لطلوع الشمس اليوم الثاني

هل فعلي هذا صحيح ومتى يتوقع يوقف الذراق تكرمون واذا ماتوقف وش الحل ؟

الموضوع الأصلي: اخوكم محتاج المشوره في حواره غاليه وذارق || الكاتب: سعد بن ناصر || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

ho,;l lpjh[ hgla,vi td p,hvi yhgdi ,`hvr

مرحبابك
الله العالم ان الذراق من كثره الحليب ولايكون تطعم الناقه برسيم الا بعد شهر من الولاده
خف الحليب وبه علاج عند الصيدليه للذراق يومين وان شاءالله ينتهي الذراق
والله يبارك لك في حلالك

جزاك الله خير اخوي محمد

بس لو استمر اليوم وش علاجها

في عصار في الصيدليه وفعال جدا وعطها الماء البارد كل يوم ولا تخليها ترضع كل شوي واحلب امها علشان يجيها اللبن حلو والله يستر عليها

مساك الله بالخير .

راجع كتابات عيد المنصوري اللي جمعها الاخ فلاح وموضوعها مثبـت فالقسم .

وبتجد مايفيدك بإذن اللـه ...

..

كمون مطحون ولبن من البقاله واخلطه بشي بسيط من البخاخ حق الذراق الله يكرمك
اذا كان عندك اللي لونه حليبي وخل الاصفر عنك
وعطها منه على شكل جرعات اذا كان الخلطه واجد
وان شاء الله ماتشوف شر

الماء كافي لوحده

او

ماء مغلي مع ورق شاهي يصفى ويبرد ويعطى للحوار

مع البخاخ ( لونه حليبي ) واسمه سكوروبان

عشر ضغطات صباح ومساء كافيه إن شاء الله

زي ما ذكرر أخوي / مسعود العماري ،،

بادرر بالعلاج وأطلعنا على آخر النتائــــــــــــج ،،

عطه علاج ابو رمح 5 سم وبأذن الله بتشوف الفرق بيوم

مثل ما قال اخوي مسعود

ولا يهون باقي الاخوان

وعليك بالمكان اللي فيه ذرا

مجرب وفعال

ما قصرا الاخوان لكن لا تكثر من الضغاط 3_4 ضغطات بالصبح يكفي لما ينقطع وقفه والحوار شارب حليب واجد 100%

ياسعد الماء زين واهم شي انك تحلب امها ولايبقى فيها حليب زايد واسال الله لك التوفيق

جزاكم الله خير جميع وبارك الله فيكم وفي حلالكم

الحوار الحمدالله نشيط ويرضع بس مازال فيه اثر ذراق يوم مانشوف منه ويوم يذرق تكرمون والبلا في العامل ان كان انشغلنا هملها وان كان كنا حوله تابعها

وشريت امس ضغاط الذراق حليبي وعطيتها ١٠ المساء وبنشوفها اليوم ان شاءالله وعمر الحواره الحين ١٩ يوم والله يستر من البرد لا يضرها

وصرنا نحلب الام ٤ مرات في اليوم واكلها رودس وبأذن الله بنتابع معكم ونعطيكم النتايج واللي استخدمته كله

وعاجز الواحد عن شكركم يالنشاما

10 ضغطات بالمساء وااااااااااااااجد انتبه لا تكتم الحوارة وتدخل في مشكله ثانيه