الطهيمي ياللي تجونه

الطهيمي ياللي تجونه

السلام عليكم ورحمة الله وبركاته

أيها الأخوة أعضاء وزوّار منتديات مزاين
قرأت هنا كذا موضوع كلها ثناء على عليّان الطهيمي وما يفعله من طيب وخير مع من يجيه من جميع القبايل وسمعت بأم رقيبة كلمة ونعم و كفو كل ماجا مجاله في مجلس علماً أنني لا أعرفه ولم ألتقي به أبداً
وراعي الطيب والفعل الغانم يستاهل المدح والثناء وتخليد الذكر الطيّب له وبما أنني رجل شاعر وأطرب للعلم الغانم وهله والشاعر اذا سمع او رأى مايحرك هاجسه ترجم ذالك فإنني أهدي هذه القصيدة للرجل الذي يستاهلها دافعها عشقي للطيب ومن يفعله .. وأطلب ممن يعرفه ويجي مجلسه أن يوصلها له مشكوراً لأنني قد لا ألتقيه

وأستلموا لاهنتوا

يالله ياخالق من الطينة نفوس=يامكوّن بحرفين خلقه وكونه
الطيب وهبة بين مرئي ومحسوس=وهبتك يالخلاّق مايصنعونه
علم الحيا مع مذهب الذود وعسوس=والكفو ذكره بالملا يشهرونه
الطيب بشت ٍ للمطاليق ملبوس=ويحرم على الرديان مايلبسونه
ملبوس من همّه مع الناس ناموس=قرم ٍ على العليا تناظر عيونه
بشت الظفر والطيب قدّه ومقيوس=يستاهله من بالوفا ينعتونه
شرواك ياعليّان ياباري القوس=في حضرتك رمّايته يتركونه
لاعدوا خيار المطاليق والروس=هذا الطهيمي قبلهم يذكرونه
شيخ ٍ بفعله يعطي العالم دروس=شي ٍ يشوفونه وشي يسمعونه
للطيب عد وللدياجير فانوس=نجم ٍ لسرّاي الدجا يقتدونه
سعد الرفيق وسعد من جاه محسوس=وأمن الذي طلاّبته يطردونه
لا دق في بعض المواقيف ناقوس=وتلافتوا من لأمرهم ينحرونه
وقامت تصافق راحة خموس بخموس=والنوم جافا عيونهم مايبونه
قالوا لها من يحكم الشور ويدوس=غير الطهيمي في الملا لا تجونه
ياقف لها لو كلبو العالم جلوس=ويزحم بجنب ٍ ماتراخت متونه
ويضحك وجيه ٍ قبل ميقافه عبوس=ومن بعد فعله همهم يفقدونه
الطيب في قلبه من الله مغروس=وورث ٍ لجدّه والمجاني يصونه
في مجلسه للنار حاضي وقابوس=للعود الأزرق والكرم يشعمونه
وقنّاي وضح ٍ مالها وصف وجنوس=تشدا قنوف ٍ بيض بردا مزونه
لا سايفت طاروقها كنه طعوس=طعوس عرق ٍ يقهر اللي يجونه
عرق ٍ يخلّي سايق الجيب وجموس=يرجع منه مافكروا يطلعونه
وإن ناحرت كنها الحكاكيم في عروس=هيبة وزين وشانهم يرفعونه
طوال اللواحي عرضها شبر بالقوس=ونعافها فتر الذي يشبرونه
مشنقات ٍ تحتها سبالها كبوس=تكسي مهادلها وفيها ليونه
ورقابها جرد ٍ زمت صف نسنوس=عراض ٍ فقايرها وسنداً متونه
ذود ٍ خيار ومابه الشين مدسوس=تعجز هوامير النظر يجمعونه
ترعى جديد الروض ماهوب مدروس=ترعى جديدة قبل مايرتعونه
ماهوب مرعي قبل ذوده ومديوس=يحرم على الشوّان مايوصلونه
إن كان فهل الطيب ريّس ومريوس=هذا الطهيمي قايد ٍ يتبعونه
له لابة ٍ في المرجلة كلهم روس=عز الصديق وخصمهم يكعمونه
حرب الدول في حدّهم شبّه الموس=وفي كل ريع ٍ ضدهم يفحمونه
بوقت المواجه حرب نيبان وضروس=ورجالهم في العسر تندا صحونه
قلته طرب فيمن خذا كل ناموس=شيخ ٍ على العليا تناظر عيونه
مالي هدف عنده ولا لفعله آقوس=غير أخبروا عليّان ياللي تجونه
من أكلب اللي للوفا رمز وحبوس=سعد الصديق وذاك يلقى المهونة

الموضوع الأصلي: الطهيمي ياللي تجونه || الكاتب: شجاع عمر الأكلبي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hg'idld dhggd j[,ki

يستاهل بوفواز
وصح السانك ياشجاع

صح لسانك عز الله قصيدة جزلة

وموجهه لرجال كفو واستحقها بفعله الطيب

ولاهي غريبة على ابو فواز العلم الغانم

ولاهي غريبة عليك الطرب للعلوم الغانمة يا طيب الرأس

ياسلام ياسلام

صح الله لسانك مدد بلا عدد

شاعر متمكن

وقصيده من العيار الثقيل

وابوفواز وربعه يستاهلون بلا شك

تحيـــــاتي

..

يستاهل ابوفواز
وصح السانك ياشجاع

إن كان فهل الطيب ريّس ومريـوس@@هـذا الطهيمـي قايـد ٍ يتبعـونـه
له لابة ٍ في المرجلـة كلهـم روس@@عز الصديـق وخصمهـم يكعمونـه
حرب الدول في حدّهم شبّه المـوس@@وفي كـل ريـع ٍ ضدهـم يفحمونـه
بوقت المواجه حرب نيبان وضروس@@ورجالهم في العسر تنـدا صحونـه

صح السانك وأعتلاء شانك يابو عمر
على القصيدة الجزله من شاعر جزل
وأن شاء الله تصل قصيدتك لبو فواز
تحيااااااااتي لك ,,,

كفو يبو عمر ثم كفو
ونصيتها من يستحقها ولا يلحقك حيف ولا زيف والطهيمي فعله يذكرونه الرجال وانت من روسهم يالقرم

المشاركة الأصلية كتبت بواسطة خالد الغزلي

يستاهل بوفواز
وصح السانك ياشجاع

صح بدنك ياخالد

لاهنت

صح السااانك واااعتلى شانك

ولاعليييك زوود يالغاالي

ويستااهل الطهيمي

صح لسانك وبيض الله وجهك على هالقصيدة

انت كفو وتمدح كفو

الله يبيض وجهك ويرفع قدرك

أررررررررررررحب يابوعمر
صح لسااانك ملايين
جزل في مراجلك وشعرك طال عمرك
بأختصار القصيده من كفو الى كفو
عليان ولابته يستاهلون
ولا تحرمنا أبداعك

بيض الله وجهك يابو عمر وصح لسانك ولاهي غريبه عليك الجزاله

وراعي الفعل الطيب يستاهل المدح والثنا والطهيمي كفو

صح لسانك وبيض الله وجهك ويستاهل ابو فواز

صح لسانك علاشانك الاكلبيي قصيدهـ جزله من شاعر جزل

ويستاهل ابو فواز وعلمه غانم

وباذن الله سيتم ايصال القصيدهـ الى ابو فواز


وبيض الله وجهك

بيض الله وجهك يابو عمر وصح لسانك ولاهي غريبه عليك الجزاله وراعي الفعل الطيب يستاهل المدح والثنا والشيخ عليان الطهيمي كفو وانت كفووووووو