شـــــيء يقــــهــــر ؟؟؟

شـــــيء يقــــهــــر ؟؟؟

عندي موضوع محيرني هذا الله يسلمكم عندي ناقه خلفه توها منتج وصابها جرب كايد وصاب ولدها ايضا
ويجي سوداني عند البل يبغى يشتري من البل
مرسله سوداني اعرفه من اهل السوق
وانا غير موجود عند البل بعيــــد ويتصل بي يقول وش عندك من البل للبيع
قلت عندي بعير ان صلحلك شاف البعير وسام البعير سومة رديه قلت له ماني يمك
وهو يحط عينه عالخلفه الجربانه ويسومها سومه وسط طبعا عن طريق الجوال وانا وياه لين خذاها
بقيمه قليله طبعا بعته لأن الناقه فيها جرب وخايف تعدي غيرها
بعدها مريت السوق واحصل الناقه وولدها عليهم سوم طيب ويقولي السوداني القعود فحل ماشاءالله
واعاين القعود الا والله القعود الطــــــيب
لأني ماانتبهة للقعود يوم هو عندي لأني ماشفته الا مره من يوم جابته امه
السوداني يوم واجهته بالسوق وسألته مايدري اني انا راعيها لأنه سلم الدراهم للصبي عندي
وش رايكم اردها ولا وش الراي يا جماعة الخير
علماً اني احتريها سنه تنتج واخر شي يستفيد السوداني منها

المعذره على الاطاله

الموضوع الأصلي: شـــــيء يقــــهــــر ؟؟؟ || الكاتب: محمد بن عامر || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

aJJJJJdx drJJJJiJJJJv ???

يا مرحبااا يا محمد

با النسبـه لناقتك انا اشووف السبب منك ولا تمسك السودانين باحق ابد

لانك بايعه برضااك وكنت مهمل النااقه ووقعود والزول جاك وشراها وعالجهاا

وعين خيـر منهااا

ولنها على الكيف كل مابعة تقدر ترجع كان تقلا نص النااس اول مايبيع يروح ويرجع النااقه

وانت من كلامك بااين بان النااقه بياعها مبطي حول الشهر لانها عالجهاا ثم عرضهااا

وخيرن منت ماسك السودانين بشي لونك مهتم بحلاك لباان زينه عندك وبعته بقيمه طيبه

ماار الله يعووضك يابوعاامر با الانتااج الناادر

مرحبا ومسهلا ياسلطان حياك الله
لكن الناقه بعتها اليوم وبعد بكره دخلت السوق وشفتها

والله ياخوي لك عندي راي ولا تزعل مني

أنا أقترح عليك تبيع الإبل كلّها ولا تاكل نفسك بالحسايف

راعي إبل ولا تدري عن ناقتك وولدها ولا زينه لومك على نفسك

هذا رأيي الشخصي

من رأيي انك لاتحسف وانا خوك ولالك حق ابدا
طيب لو انه خسران وجاك بيرجعها هل تقبل اكيد لا
وانت خابر السوداني شريطي اكيد انه يدور وراك مكسب
وهذا رأيي وتقبل تحياتي

المشاركة الأصلية كتبت بواسطة محمد السيحاني

من رأيي انك لاتحسف وانا خوك ولالك حق ابدا

طيب لو انه خسران وجاك بيرجعها هل تقبل اكيد لا
وانت خابر السوداني شريطي اكيد انه يدور وراك مكسب

وهذا رأيي وتقبل تحياتي

حياك الله

لنكن منصفين حتى مع انفسنا
اخي محمد لايدخل الشيطان لك عن طريق الحسد
كن راضي بلي اخذته واطلب من الله البركة
ونا اخوك ماهي بلكثرة
أن رسول الله صلى الله عليه وسلم قال: (رحم الله عبداً سمحاً إذا باع، سمحاً إذا اشترى، سمحاً إذا اقتضى).
وترى محد يتعلم بلاش

الله يعوضك باخير منها

يامحمد انت بعت وتباركت بالله
والدعوى تسااااااهيل والواحد مايدري وش الخيرة فيه

وان كان لك خاطر في الناقة فكسب السوداني يامال الشحم الف ريال
ورجع ناقتك

إدع لشاريها بالبركه
وأطلب الكريم سبحانه يرزقك بأطيب منها ومن حوارها

الله يعوضك باخير منها

شلون تبيع الخلفه وانت ماشفت حوارها

الله يمسيك بالخير
البيع والشرا هذا مجراه وادع للشاري بالبركه
افرح لاخوك المسلم بالربح
وابشر بالعوض من الله
تقبل تحياتي

اذا لك فيها شف وهي على حظ البيع فكسب المشتري مافيها شي

خل نيتك وحده جزاك اللة خير