لا نحاس ولا كالسيوم ينفع مع الطرق وش الحيله؟؟؟

لا نحاس ولا كالسيوم ينفع مع الطرق وش الحيله؟؟؟

أخواني السلام عليكم ورحمة الله..


أنا عندي مفروده عمرها هالحين خمس شهور ونص
غاليه بالحيل ماكان فيها الا العافيه عقب جاها طرق تقوم ترفع يدها عند الدرهام
وشفت الشباب الله يجزاهم خير يقولون علاجها حبوب النحاس والكالسيوم وتوكلنا على الله وعطيتها
ولابه فايده أبد اتلاها عطيتها ابره نحاس قبل اربعة ايام والوضع على ماهو عليه وللمعلوميه بديت بحبوب النحاس والكالسيوم
حسب الجرعات اللي أفادوا به الأخوان لي ثلاث شهور ولابه فايده شوروا علي يالربع أكويها ولا لا والبكره طيبه بالحيل...
بيض الله وجيهكم جميع
تحياتي .....

الموضوع الأصلي: لا نحاس ولا كالسيوم ينفع مع الطرق وش الحيله؟؟؟ || الكاتب: حسن بن شافي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

gh kphs ,gh ;hgsd,l dktu lu hg'vr ,a hgpdgi???

الاخ حسن بعد التحية

اخر الطب الكي وانا جربت كل العلاجات ولانفعت من حبوب النحاس الى ملح الازرق وقمت بكيها ع الفرسن ونفعت ولله الحمد

لاهنت ياحمد القريني وبيض الله وجهك

بنتوكل على الله وبنكوي اليوم

انصح نصيحه اخويه لاتهملها وحبوب النحاس مابها خير انا يمحاكيك الطراق صاد بكره غاليه عندي
وشارو علي الناس الاتكويها تشوهه
قالو عطها الكالسيوم وحبوب النحاس وراح واحد
منهم وجاب لي ابره لون المحلول ازرق ولا فادة
وطقيتها بالقيد وحطيتها في شبك صغير ولا فاد
البكره عطبت وجاها لين واخرشي جبت لي رجل باخص بالابل وكواها بس قال تراك مصيف( متاخر)
واخر شي ماعاد قدرت تقوم

أنا أشهد اني دبلت كبدها بالأبره الزرقا (النحاس) ولا فاد
لاحول ولاقوة الا بالله00000

ماعاد قامت البكره ياثامرهاذي والله الكارثه

يعني حتى الكوي ماينفع

يالربع شوروا علي الحل ويشهو؟؟؟؟؟؟

ياحسن تماكن البكره وشف لك واحد باخص بالابل
قد مر عليه الطراق وكواه وبريت
وفطن من الي يتطبب ويقول انا اكوي وهو من جنبها
ترى ماكل واحد بخيص بالكي ترى ان لقيت رجال عارف وكواها وصاد المحل بامر اللهانها طلق عقال

الأخ حسن كثره النحاس تسبب تسمم للحواره وانا اشور عليك تجرب معاها القيد ولا تسرح واعزلها سمعت ان القيد نفع مع الكثير والكوي ماجاب نتيجة

بيض الله وجهك ياثامر أنت وبندر لاهنتوا جميع

الى هالحين ماكويت بجرب القيد وبعزلها الحالها على كلام اخوي بندر

وآخر شي بنتوكل على الله وبنكوي

الله يجعل ما أفدتوني فيه في ميزان حسناتكم

قيد البكره واعزلها واغسلها بسم جره مخفف مرتين يوميا
من فوق الركبه الى المنحر على عضلة اليد من الامام ولا تفكها من القيد الا بعد شهر

على ان يكون القيد قصير لا يزيد عن شبرين وانشاء الله ماتحتاج للكي

السلام عليكم و انا اخوك النحاس و الكالسيوم يستخدم ل الين و البعض يسميه تفداع الطرق اللي اعرفه انها ترفع ايدها في مسيرها و هذا سبته انطلق رباط في ايدها وان تداركته بدري و كويته سلمت و ان ما سلمت ترى ما يظرها عندي ناقه من يومها عجم و فيها طرقه و الحين خلفه و لا ظرها لا في مسراح و لا لقاح

الاخ حسن الله يعافى بكرتك التجربة اكبر برهان الطرق صاد قعود عندى وكويتة على كرمة اليد وسلم لانة فى البداية وجا قعود ثانى وتاخرت علية حتى مشا على عظم اليد وتوقعت انة مايسلم وجانى رجال عندة خبرة وقال لى شب الضو وجب المسامير المهم خرقنا يدة اليسرى ويدة اليمنى بين الكرمة والخف فى المفلخ ضربناة من قدام وطلع المسمار من خلف اليد وقمت اسوقة كل يوم مع ارض قوية ويطلع من يدة ما اثنا المشى ونظف يدة يوميا حتى مايتسكر محل الخرق وسلم وشريت بكرة غالية وجاتها نفس المشكلة وعلجتها نفس العلاج وسلمت 80% وسلامت الجميع

اخوي عيد الله يرحم والديك ويجزاك خير

لكن اقيدها واخف عليها العلف والا لا

سلطان ارحم الله والديك

ولاهنت يالغالي

اخوي فهد لاهنت وبيض الله وجهك

المشاركة الأصلية كتبت بواسطة عيدالمنصورى

قيد البكره واعزلها واغسلها بسم جره مخفف مرتين يوميا
من فوق الركبه الى المنحر على عضلة اليد من الامام ولا تفكها من القيد الا بعد شهر

على ان يكون القيد قصير لا يزيد عن شبرين وانشاء الله ماتحتاج للكي

الاخ الكريم عيد المنصوري القيد ينفع للحرده وهي اللين بالعضام او تقوس العضم والقيد يكون له مثل التقويم

ويعدل العظم ويمنع تقوسه للخارج

الطرقة غير واذا ازمنت لايوجد لها علاج

ثم ان الرجل يقول بكرته ماتقوم .. اذا ماتقوم وش ينفع القيد فيه ؟!

هناك اختلاف بالمسميات بين الناس ويجب الانتباه لذلك

---------------------

انصح راعي البكره بالذهاب الى المستشفى الجامعي وعمل اشعه للمفصل

اذا متهتك او يوجد قطع في الاربطة للمفصل تحتاج البكره تدخل جراحي

لكن هذا مكلف وصعب


وغالبا الطرقة سببها تقطع اربطة المفصل بسبب شد العقال عليها مع صغر السن

او تعرضها ا لظربه على المفصل سبب تهتك او شعر بالمفصل