ضع صورة ناقتك المريضة لمساعدة ابو شافي بالتشخيص

السلام عليكم ورحمة الله وبركاته ... الله يجزاك خير بكل ما تفعله لما فيه فائدة للمسلمين
اخوي عندي سؤالين :
1/ عندي بكره لقية ما تفلي في المفلا ولا تنزل رقبتها .. ولما تهدف على المراح تلقاها تاكل وتشرب شرب زين .. ولاحظت عليها لما تكون نازله من مرتفع انها ترجع راسها للخلف كن فيه الم في الرقبه .. عطيتها شامل لمدة 4 ايام وعطيتها علاج اعصاب 30 سم لمدة 3 ايام .. واكلها زين وممشاها زين وشربها زين .. بس خاطرها موب زين ولا تفلي في المفلا.
2/ عندي ناقه حائل لها اكثر من اربع سنوات كويتها وعطيتها ابره يسره وأبرة تنظيف وأبرة اللي تزيل التكيس على المبايض وادخلت عليها ولقيت رحمها نظيف وسليم و لا فيها صيد .. بس فيها مشكلة الناقة ما تيسر للبعير ولما اسوقها عليه تشاول ولما اعصرها عليه ترغي .. .
اتمنى اني وضحت الحالات لك و تستطيع بعد الله بإفادتي بخصوصا .. شاكر لك ومقدر جهودك ..

السلام عليكم ورحمة الله وبركاته

سؤال لأبو شافي أو لمن لديه خبرة من الأعضاء الكرام

ما هو علاج عدم هياج فحل الإبل؟؟؟

المشاركة الأصلية كتبت بواسطة عبدالرحمن احمد

السلام عليكم ورحمة الله وبركاته

سؤال لأبو شافي أو لمن لديه خبرة من الأعضاء الكرام

ما هو علاج عدم هياج فحل الإبل؟؟؟

فحل الابل يهيج عادي .. بس اصبر عليه الوقت عاده ماجاه ..

ان له الآن وانا اخوك ثلاث سنوات ما يهيج عشان كذا سألت

المشاركة الأصلية كتبت بواسطة عبدالرحمن احمد

ان له الآن وانا اخوك ثلاث سنوات ما يهيج عشان كذا سألت

امكن البعير طبع فيه بارد ..

لكن فك بعير قدامه وخليه يضرب ... قدامه

وخليه بحركه لمدة شهر وهو بتحرك ويهيج ..

وما قلتلي هل تشوف على البعير اعراض او شيء .؟

اكله كيف .؟ البعير باكستاني .؟

أولا - البعير الابل مستظربه منه لكنه ما يهيج هياج فحول الابل المعهود ولا يخرج منه زبد علما انه اول ماشريناه كان هياجه غير عادي

ثانيا - البعير أكله طيب

ثالثا - البعير أشعل

المشاركة الأصلية كتبت بواسطة عبدالرحمن احمد

أولا - البعير الابل مستظربه منه لكنه ما يهيج هياج فحول الابل المعهود ولا يخرج منه زبد علما انه اول ماشريناه كان هياجه غير عادي

ثانيا - البعير أكله طيب

ثالثا - البعير أشعل

انا عندي نفس بعيرك ...

وبارد جدا

ومايهيج الا ادا شاف بعير ثاني وسط الابل ..

ودام البعير يضرب ويلقح مو مشكلة ..

صح انها تغبن راعي الابل انه بعيره مايهيج تمام ..

لكنها اهون من انه مايلقح ..

كثر الله خيرك وجمل الله حالك ياأخ محمد أبو الجدايل مشكور وما قصرت

سلام عليكم ورحمة الله وبركاته


يالربع ابغا اسألكم عندي حشوان هجن متودعها من راعيها ويوم جاني حدا الحشوان الا صبي العين ( السواده اللي بداخل الهين لونها ابيض يميل للقزازي ) ايش سببها يالربع او علاجها وهل تعيق نظر الحاشي ؟

المشاركة الأصلية كتبت بواسطة حمد آل منصور

سلام عليكم ورحمة الله وبركاته


يالربع ابغا اسألكم عندي حشوان هجن متودعها من راعيها ويوم جاني حدا الحشوان الا صبي العين ( السواده اللي بداخل الهين لونها ابيض يميل للقزازي ) ايش سببها يالربع او علاجها وهل تعيق نظر الحاشي ؟

هذا ي طويل العمر .. ظفارة ...

تنقطع له بنسلين داخل عيونه وكم يوم ويشفى ..

وادا ماشفي تشوف لك واحد يكسرها من داخل خشمه ..

ابو شافي الله يجزاك خير عندنا بكرة مزيونه وضعيفة جداً ولا خلينا دواء ماعطينها تكفى يابو شافي فزعتك

اذا تقدر تكلمني على نفس رقمي القديم ما تغير الله يرحم شيبانك

المشاركة الأصلية كتبت بواسطة محمد أبو الجدايل

هذا ي طويل العمر .. ظفارة ...

تنقطع له بنسلين داخل عيونه وكم يوم ويشفى ..

وادا ماشفي تشوف لك واحد يكسرها من داخل خشمه ..

تقصد تنقط له بنسلين في العين ؟


لاهنت على كل حال

المشاركة الأصلية كتبت بواسطة حمد آل منصور

تقصد تنقط له بنسلين في العين ؟


لاهنت على كل حال

ايه اخوي حمد تنقط له بنسلين ..

والعذر كان خطا في الكتابة اول ..

انشدكم يا اخواني

عندي حوار عمرها سنه لاحظت عليها انتفاخ في بطنها بس ما ادري وش السبب
انتفاخ وليس ورم

وحالتها الصحيه زينه تاكل و تشرب بس هي انولدت معوقه يعني هي ما تمشي

السلام عليكم ورحمة الله وبركاته

أخواني الكرام أنا عندي سؤال وهو:

هل ماء التحلية يؤثر علی هياج فحل الابل؟؟؟