مخاب من استشار

مخاب , استشار

مخاب من استشار

السلام عليكم ورحمة الله وبركاته
يالربع عندي الله يسلمكم حقايق بكار ومابين اني اضربهن هالسنة او السنة الجايه ان كانا من اهل الدنيا - العلم فيه فحل اساسه طيب يقول راعيه ان ساسه على بعير الباتل والباتل معروف الفحل اطيب مافيه راسه كايف وعليه خشما اجنف وعرنون بس باقي المواصفات ماودك تشوفها الرقبه عنجا وقصيره والباقي شكل ناقه مع ان راعيه يقول ان يومه صغير امه ميته والعناية لك عليها وحالا ردي - ويش رايكم اضرب عنه او ادور غير ذا الفحل مع انهم يقلون البعير يطش مثل راسه والباقي يطلع على امه .

الموضوع الأصلي: مخاب من استشار || الكاتب: حاتم بن حثلين || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

lohf lk hsjahv

نصيحه اذا ماشفت الانتاج بعينك لاتضرب كبك من علوم الناس وهرجها الزايد

أولاً : نصيحة محب : الحقــــه لاتضربهاااا .
الناس الان ماعاد يضربون البكره ألا جذعه أو ثنيـه عشآن يتم عمرها
واللقيـه الوافيه يضربونها أما الحقه صعبه أنت تضربهاا ,

ثانياً : لاتضرب البعير لين تشوف انتاجه قدام عينك , ماعليك من شكله .


وسلامتك

ياحاتم الله يمسيك بالخير

لاتستعجل على البكار توهن

انتظر لين يجذعن وضربهن البعير المنتج اللي تشوف انتاجه بعينك

والله يرزقك بالانتاج الطيب

حياك الله اخوي حاتم

البكار توهن لا تستعجل عليهن

ولا تضربهن الا من جذعه وفوق عشان تتم عمارهن

واما من ناحيت الضرب البعير . لا تضرب البعير لين تشوف انتاجه

والله يرزقك بالانتاج الطيب

مثل ماقالو الاخوان لاتستعجل عليهن
والبعير أصل

الله يجمل حالكم شوركم وهداية الله

اقول خل الخلق للخالق وقت ماتياسرن البكار ضربهن من تجربه لا تحيل البكار ثم تضربهن حول او حولين ولا الله يتم عشارهن

أولاً : نصيحة محب : الحقــــه لاتضربهاااا .
الناس الان ماعاد يضربون البكره ألا جذعه أو ثنيـه عشآن يتم عمرها
واللقيـه الوافيه يضربونها أما الحقه صعبه أنت تضربهاا ,

ثانياً : لاتضرب البعير لين تشوف انتاجه قدام عينك , ماعليك من شكله .

اوافق اخوي مشعل.. الحقه لاتضربها والبعير على انتاجه

اضربها جذعه وطالع
ولا تضرب الا لين تشوف الانتاج

المشاركة الأصلية كتبت بواسطة مشعل البرقاوي

أولاً : نصيحة محب : الحقــــه لاتضربهاااا .
الناس الان ماعاد يضربون البكره ألا جذعه أو ثنيـه عشآن يتم عمرها
واللقيـه الوافيه يضربونها أما الحقه صعبه أنت تضربهاا ,

ثانياً : لاتضرب البعير لين تشوف انتاجه قدام عينك , ماعليك من شكله .


وسلامتك

اللقيه عمرها سنتين والحقه ثلاث سنوات يعني رايك نضرب اللقيه والحقه ماتضرب كود تصير جذعه او ثنيه
ممكن افهم السر في انك تضرب ام سنتين ولا تضرب البكره الحقه الا بعد ماتصير جذعه او ثنيه ؟

حواره >مفروده >حقه >لقيه> جذعه> ثنيه ...هذا الترتيب يابركات

وكلام الربع وافي ..

المشاركة الأصلية كتبت بواسطة مبارك السحيمي

حواره >مفروده >حقه >لقيه> جذعه> ثنيه ...هذا الترتيب يابركات

وكلام الربع وافي ..

جعلك سالم يا مبارك

حواره تحير عندها امها منيوم الي 6شهور الي سنه
مفروده بعد السنه حتى سنتين لانها انفردت عن امها وتعتمد على نفسها في التغذيه
لقيه بعد تمام السنين ملاقيه اخوها ويقال بنت لبون
حقه بعد ثلاث سنوات مستحقه الفحل
جذعه بعد اربع سنوات
ثنيه بعد خمس سنوات وبعد ذلك ام ثاني وثالث ورابع وفاطر
يمكن بعض العرب يختلفون في مسميات اعمار البل وتسميها وليش سميت بذلك ؟

اول مره اسمع ان الحقه تظرب
اضربها جذعه وطالع
ولا تضرب الا لين تشوف الانتاج

بالنسبة لترتيب مسميات اعمار البل عندي - ان الحقه اكبر من اللقيه - من هذا الفهم طلبت الأستشارة من الأخوان في اضراب الحقة .
على هذا الترتيب حواره - مفروده - لقيه - حقه - جذعه - ثنيه .
اما الأن فهمة الترتيب الصحيح لأعمار البل .