سبحان الله :: ناقة مستجملة

وعليكم السلام ورحمة الله وبركاته

حياك وبياك يابوسالم

وهذي مداخلة منك مهوب بموضوع والموضوع يكتب فرد في القسم ويشارك فيه الأعضاء

ومادامك سالتني ماردك ياغناتي

وعلا مة اللقاح هو تشويل الذيل وتركيز الراس والموازرة المقطعة وعدم الرغا عند مقابلة الفحل وصد الفحل عنها وقت مايكرفها

أتمنى اني وفقت والله يبارك فيك

صارت لي مع فاطر

جزاك الله خير يابوفاضل على تعزيزك للقصة وانها صارت مع فاطرك

لا هنت

البكره أول ضرابها تكون جاهله في نفسها و لا تعرف ان كانت عشرت او لا فترى بعضهن ما تشول إلا بعد مده طويلة و بعضهن ما تشول إلى ان تلد.

أما بالنسبة للعشار بعض اهل الخبره يعرف الناقه من حياها إذا حياها إنكمش دليل العشار و بعضهم يعرف الناقة من دمها و خلقتها ان كانت معشر او لا و العلم عند الله اولا و أخيرا.

هذا و سلامتكم.

المشاركة الأصلية كتبت بواسطة وليد بن إجليغم

البكره أول ضرابها تكون جاهله في نفسها و لا تعرف ان كانت عشرت او لا فترى بعضهن ما تشول إلا بعد مده طويلة و بعضهن ما تشول إلى ان تلد.

أما بالنسبة للعشار بعض اهل الخبره يعرف الناقه من حياها إذا حياها إنكمش دليل العشار و بعضهم يعرف الناقة من دمها و خلقتها ان كانت معشر او لا و العلم عند الله اولا و أخيرا.

هذا و سلامتكم.

بارك الله فيك يابن جليغم

وكلامك في الأباكير صحيح

واللي فهمته منك ان بعض اللقاح الجل مايبين لقاحها إلا إذا أتلت

وكلامك في تغير الحال واللون يدل على العشار صحيح لكن بعضها النادر منها تحيرك

قال عز من قائل عليم (( الله يعلم ما تحمل كل انثى وما تغيض الأرحام وما تزداد وكل شيء عنده بمقدار ))

شكري يسبق مروري لك يا ابن جليغم

جزاكم الله خير جميعا على المعلومات القيمه

انا عندي بكره اضربها البعير فوق خمس مرات وقطعنا الصيد واضربها البعير ثلاث مرات بعد التقطيع ومابين شي عليها ومدري وش الحل فيها ..

ياخوي تركي بارك الله فيك

بين لنا سنها وخبر عن ماضيها هي قد أنتجت والا لا وبعدين لما يكرفها البعير تلد عنه والا ما تحسب له حساب وخبر عن حالها ضعيف ولا متعافية

______________________

إن كانها ياخوي سبق وانتجت بخير وحالها طيب وعافي ولما يكرفها البعير ماتلد عنه ولا تحسب له احساب فبإذن الله إنها معشر وياريتك قبل لا ضربتها حطيت ملح وتمر وعويد وهذي النياق يقال عليها دفون

______________________

الناقة إصبر عليها ياخوي ولا منها خورمت وانتجت علمنا وخبرنا عشان انبارك لك فيها وأكتب خبرها بذا الموضوع عشان تكون خير شاهد

أشكرك ياخوي تركي وأتمنى لك كل خير

البل عجايب


سبحان الله


انا كان عندي ناقه الصيف كله تشاول لا شافت البعير وتقول هذي لقحه وبطنها كل مالها تكبر جاء الشتاء وراح الشتاء

يوم جاء الربيع نتحرها تالد الا الناقه تغير طبعها قلنا بس هذي بتالد


اثاريها مجسر تبي الفحل والله وابيعها على سودانيين قلت ترها مجسر تبي الفحل عاينو فيها

قالو يازول هذي لقحه ابد تشوفها تقول هذي لقحه وهي ماهي بلحقه فسبحان الله البل عجايب

المشاركة الأصلية كتبت بواسطة حسن الحويماني

البل عجايب


سبحان الله


انا كان عندي ناقه الصيف كله تشاول لا شافت البعير وتقول هذي لقحه وبطنها كل مالها تكبر جاء الشتاء وراح الشتاء

يوم جاء الربيع نتحرها تالد الا الناقه تغير طبعها قلنا بس هذي بتالد


اثاريها مجسر تبي الفحل والله وابيعها على سودانيين قلت ترها مجسر تبي الفحل عاينو فيها

قالو يازول هذي لقحه ابد تشوفها تقول هذي لقحه وهي ماهي بلحقه فسبحان الله البل عجايب

سبحان الله العظيم

كل شي ياخوي الحويماني به عجايب ونوادر

أشكرك ياحسن والله يوفقك وييسر عليك كل صعب

المشاركة الأصلية كتبت بواسطة تركي بن عبدالعزيز

جزاكم الله خير جميعا على المعلومات القيمه

انا عندي بكره اضربها البعير فوق خمس مرات وقطعنا الصيد واضربها البعير ثلاث مرات بعد التقطيع ومابين شي عليها ومدري وش الحل فيها ..

افتشها تحت لسانها انا متآكد بتلقى ذيخ كانه صيد قصه وحط عليه ملح وضربها <<< وقد صارت عندي وقصيت الذيخ والحمد لله تلاقحن
بالتوفيق

المشاركة الأصلية كتبت بواسطة حسن الحويماني

افتشها تحت لسانها انا متآكد بتلقى ذيخ كانه صيد قصه وحط عليه ملح وضربها <<< وقد صارت عندي وقصيت الذيخ والحمد لله تلاقحن
بالتوفيق

بارك الله فيك ياخوي الحويماني على إفادة أخينا تركي وهذا يعتبر كرم منك يالقرم لا عدمتك

اخوي عالي الله يجزاك ويثيبك على حرصك واهتمامك وكثر الله من امثالك...
هي بكره وسنها جذعه وحالها طيب وماتقرب من البعير تهج منه اذا جاها وقطعنا الصيد عنها مرتين والبعير كل مافكيناه ماينطلق الا عليها يلحقها لين تتعب وتبرك له من نفسها ويضربها ضراب زين وماترغي ابد وهو يضربها لاكنها ماعشرت واللحين على هي على ضراب والله كريم ان شاء الله ..

اخوي الحويماني جزاك الله الف خير على النصيحه انا عندي استفسار يقولون البكر مايجي فيها ذيخ هل هذا صحيح لاني قلت يمكن فيها ذيخ قالي السوداني اللي يقطع الصيد ان البكر مايجي فيها ذيخ ..

عالى بارك الله فيك على هالموضوع الشيق وشكرا

المشاركة الأصلية كتبت بواسطة حمود الشريف

عالى بارك الله فيك على هالموضوع الشيق وشكرا

ويبارك بعمرك ياحمود وأسال الله يرزقك بحوار فاخر من ناقتك اللي سالت عنها

شكرا على المرور والإستفادة

سبحان الذي لا يعلم ما في الارحام سواه جل شأنه تعالى,,
وتشكر الاخ علي العماري على تعريفنا بهذا الحدث ويبارك لك في مالك.