منقيــة الحمــــر وعددهم 5 فقط ماهو السـر في هذا

لا احد يعطيني اسعار خيالية للأبل الحمر !!!

قبل 5 سنوات الناقة الطيبة ناقة النخبة الحمراء ماتجيب 60 الف ريال سعودي .

انا اعلمك السبب .

اللون الأحمر عند هل الابل امحق . ولا احد يحبه .

اشكرك يامناحي على المرور وطرحك لنا المفيد
ولاكن نحن نناقش لماذا اسعارها الأن وليس قبل 5 سنوات
والحمر المزاين اسعارها 400 الى 600 , وقبل ايام فيه صفقه تمت بين رئيس اللجنة ومناحي الدعجاني ناقة ب 400 الف تقريبا , رغم ان هذا اللون غير مرغوب فيه وخاصة اهل الأبل الأولين ولاكن لماذا لاتفسر السبب بعد ماقلت للون امحق
وكذلك ليه في بدايه بسيطه في تكوينها .

اخوي ماجد العتيبي

سبب ارتفاع الحمر بصفه مفاجئه هي ان طال عمرك ماسمحوا بذا اللون بالمشاركة الا قبل سنتين بس .

وما ضني بتاصل اللمبالغ الخيالية او تتخطى حاجز المليون

ومايشري الحمراء فوق 400 الف الا واحدن عقله يبراله هههههههههههه او ان له مآرب اخرى .

ومايتعدى حاجز المليون الا الوبره البيضاء والوبره السوداء .

وبيني وبينك ماتخلوا اي صفقه من المعاريض يعني اطرح نص القيمة ولا اكثر هههههه
واذا ما وصلت المعلومه او انا جانبت الصواب او اخطيت في فهم سؤالك وضح الله لايهينك

اخوك مناحي السبيعي

هلابك يامناحي كيف حااااالك
عزالله انك ماتنقدر ههههه وادرى ان هوى السبعان كله وووضح وباقي القبايل لاهانوا,ولاكن المسالة ماهيب كذا بس ابي منك طلب تروح وتجيب لي تسعيرة رسمية من وزارة التجارة بإسعار الابل الحمر وباقي الاالوووان
عشان اقتنع بس ان الابل كلها سعرها محدد ومعروف ولايتعدى الحاجز الفلاني , واللي ابي اوضحه لك
ان لون الوضح وصلت اقيامها اكثر من 20 مليون وخاصة الفردي والمجاهيم حول اسعار الوضح ويجي بعدها
الصفر والشعل اسعارها تتقارب ولاكن الصفر ارغب وأغلى شوي وتاصل الى 3 مليون نروح بعد كذا
للحمرر اللي اهي اقل رغبة واقل منافسة للمزاين ولاكن ابل لها حملها خاصة في الحجاز والمجال الان مفتوح
بالنسبة للي بينافس ويستفيد من الاستثمار دام اسعارها ماهيب غالية الان ولاكن سعرها على الوضع الراهن
المليون قليل فيها بالنسبة للي تدخل المزاين وتنافس , وان كان انا مخطي او ماوصلت لمقصودك وضح لي
الله يجزاك خيرر

اخوي المسأله ماهيب مسألة تسعيره وما تسعيره
اخوي ماجد حنا ماعندنا إلا الشيء الظاهر
الناقة الوضحا والمجهم مرغوبة اكثر من غيرها
قبل المزاين كانت اسعار الابل بشكل عام متدنية لو قارنّاها بأسعارها الحالية !! وهذي نقطه .
جاء الحين سعر الطلب والعرض الطلب على الناقة الوضحا والناقة الوضحى ناااااادرة جداَ
ومنول ماتلقاها إلا عند سبيع الحدارية ومنها الطوافح والكحيلات وآل العليا ...الخ . وهي الناقة الجودية اللي اذانيها كنها اذاني جربوع هههه
وماكانوا اصلاً يرغبونها اغلب الناس واذا شافوها منول يقولون هذي هوريه نسبة للهور وهو جبل في العراق وماكانوا يهتمون الا بالجرم
واللحي فقط وتجملك عند الأجناب اللي لو تحلب وشالها كفاهم . طيب من البديهي اذا كثر الطلب على سلعه اكيد بترتفع . مثلاً عندك ناقة ملحا وراسها فاااهق
وجنبها طويل ....إلخ يعني ناقة مزاين !!! اكيد بيجونك الشريطيه والتجار وكلن يسوم بيرتفع سعرها إلا اذا حديتها .
هذا مثله مثل أي لوووون المرغوب واللي الناس ترغبه المجهم والعفراء ثم تليه الألون اللي بعدها من صفراء وشعلاء ...الخ
ومما لا شك فيه ان كل لوون له محبينه وهذا يتفاوت من لون إلى لووون .
والله يرزقك باللي تمناه ويرحم شيبانك على الإستطرادات الشيقة التي تعكس حبك للأبل يا راعيها .

يعني تتفق معي على ان الابل الحمر مالها سعر ولاهي محدوده بإقيام معينه بمثل ماذكرنا في الردود السابقة
لربما تصل المليون اواكثر , عكس كلامك اللي قلت فيه ان من يشتري بالاقيام 400 عقله يبراااااله
توافقني الرأي الان

الحمر ليست قليله بل كثيره وخاصة في الحجاز اذواد تهولك من كثرها
والسبب في ظني ندرة الزين وخاصة في الراس
فتجد الرعيه الكبيره وزينها قليل
وبالتالي فلا يرغب ملاكها بالمشاركه واللي يشاركون يشاركون بالباكستانيات نيابة عنها؟؟؟؟ الا القليل
ارى بان تشكل لجنة تقييم خاصه للحمر من اهل الحمر فاهل الاصناف الاخرى لايستطيعون تقييمها بالشكل المناسب ولا تعجبهم
مجرد راي

السلام عليكم واشكركم على المعلومات الثرية عن لون الحمر . لدي شخص عنده ناقه حمراء مزاين جذعه ويرغب في بيعها ومن يعرف احد يشري لايقصر يدله عليه مع العلم انه سوف ينزل صورتها قريبا في الموقع رقمه0503112528