قصيدة رائعة في المجاهيم للشاعر محمد آل مطيليق

محمد هضبان

لي عودة للقصيدة صح لسانك ونقلك

هدير الفحل عندي مثل نغمـه المـوال
ليا جرته من ميسـم العشـق كاويهـا
ومفاريدهـا لاجالهـا لجـه وتجـوال
تساوي قصور الناصريـه واراضيهـا

وهو صادق

تسلم ياابن هضبان
ولاهنت

المشاركة الأصلية كتبت بواسطة محمد هضبان المري

بسم الله الرحمن الرحيم

يسرني بأن أنقل لكم هذه القصيدة الرائعة في وصف المجاهيم للشاعر محمد محسن آل مطيليق وعسى ان تنال اعجاب الجميع[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
حلالاه ياتسعين مجهـم وراس المـال
مجاهيـم سـود فـارقٍ الفحـل فيهـا
طوال الرقاب اللي لها يستريح البـال
لمنها اسرحت ولا اهدفت طرب راعيها
اعراض الخدود الوافيه والخشوم اطوال
كبـار المشـارب موحشـاتٍ اذانيهـا
اوساع المناكب وافيـه مابهـا جـدال
على غايه المطلوب والـرب مسويهـا
على غايه المطلوب لاشافهـا الرجـال
وهي تحد بغلا مـن ثمنهـا بيشريهـا
صحيح بها عذروب تشغل مع الاشغال
لكـن بتمناهـا وعذروبـهـا فيـهـا
ابي لرتوت نجد العذيـه مـن الهمـال
افكك قيـود الـذو وارعـى قفاريهـا
هدير الفحل عندي مثل نغمـه المـوال
ليا جرته من ميسـم العشـق كاويهـا
ومفاريدهـا لاجالهـا لجـه وتجـوال
تساوي قصور الناصريـه واراضيهـا
غلاهاورثته ورث من جد عم وخـال
ارجال تحب البل ولاهـي بتصخيهـا
لها ترخص الارواح والحال والامـوال
تضد العداء في الحرب لاجات تبغيهـا
سقا الضيف والحافه لياهبـت الشمـال
غناه الضعوف اللي غثا الوقت حاديها
ترى البل من الله مـدتٍ منـه للوبـال
وانا اشره على اللي لا ملكهـا يخليهـا
ليا صار عندك ذود والله عطاك المـال
ترى عيب تتركها لياصـرت قاويهـا
وليا قيل فيها عيب تشغل مع الاشغـال
ابـا اقـول قابلهـا وعذروبهـا فيهـا

ماقصرت وبيض الله وجهك وصح السان شاعرها
[/poet]

هدير الفحل عندي مثل نغمـه المـوال

ليا جرته من ميسـم العشـق كاويهـا

ومفاريدهـا لاجالهـا لجـه وتجـوال

تساوي قصور الناصريـه واراضيهـا


صح لسان شاعرها وتسلم يمناك يابن هضبان على النقل المميز

بيض الله وجهك على القصيده وبيض الله وجه كاتبها

تحياتي