حاجه تفشل في المزاينات / استحوا يا شيبان

المشاركة الأصلية كتبت بواسطة حمد السبيعي

مدام بجيبه قروش راح يرقص ويرقص اللي يسير عليه..والعالم معاد تعترف إلا باللي مدرهم ..والفقير لو يستنقد من اليوم إلى يوم يبعثون ماحوله آحد..!!!

الحمد لله على الايمان
الحمد لله على الامان
الحمد لله على سلامة الابدان
الحمد لله على رضى الرحمان
الفرح والناموس غاية كل مشارك وكلن يجي بقوته والفرج من الله.
لكن يجب ان يكون الفرح على المنهج النبوي بذكر الله والشيلات اللي تثني على الله وتثني على مجد وعزة الاسلام وتذكر الرجال بخير اعماله. اما اللي يتعدى غير ذلك فهذا يعد من النعرات التي نهى عنها نبينا وحبيبنا محمد صلى الله عليه وسلم.
وفالكم الناموس ياهل المنتدى

اهل البل عانهم تحت الارض

يااخوان شيبان مبسوطين وفرحانين ومتنومسين ببلهم
وذا ماهوب منقود لمنه شاش ولعب شوي والاحذف عقاله
ارجو المعذره

انا شفت واحد من المرتزقه يرقص مع واحد من التجار مش من فبيلته ولايعرفون بعضهم وسألت عنه قالوا هذا كل يوم مع شخص مسبلا عمره

المشاركة الأصلية كتبت بواسطة خالد الغزلي

انا شفت واحد من المرتزقه يرقص مع واحد من التجار مش من فبيلته ولايعرفون بعضهم وسألت عنه قالوا هذا كل يوم مع شخص مسبلا عمره

هذا شخص لايحب العنصريه ويعتبر نفسه سعودي فقط..وبذلك كل القبائل ربع له ..بلاش عنصريه ياخالد ههههه

عزالله اخطيتو على الشايب اللي متنومسن من ربعه
ويرقص معهم

عزالله انك جبتها واللي يرفع الضغط لاصار مطوع بعد

خلوا شيباننا يستانسـون ...

حنا نشوش معهم ونفرح بهم لاشفناهم مستانسين ..

واشوف مافيها شي يافهـد ..

لا اجتمعوا الرجال اللي شرواك وشروى من يقرا وقاموا يعرضون قدام ابلهم ويجيبون القصيد الطيب ..

حاجه ترفع الرااااس ولا فيها مايعيبهااا ...

وجهة نظر .

والله لا عرض كل شخص مع ربعه وشاش يرفع الراس
وشفت ابن حجنه بتلفزون شاش والله اني تمنيت اني معه مع انه ليس من قبيلت
وما الهز للحريم وكان به شيبان تهز مدري والله انا ماشفت هز
الا اذا قصدك بعض الشباب الغير محسوب على صاحب المنقيه
امر أخر ولا يشري الابل حضري أو بدوي الارجل كفو وبراسه طيب
هاذي وجهة نضري

الي مايشوش ويلعب قدام الابل متى يشوش ويعرض

علي الحرام اني اذا شفت بعض العروض من وراء الشاشات اني اعرض لحالي ماعندي احد


اقول مافيها شي العب قدام الابل ينومس

المشاركة الأصلية كتبت بواسطة سعيد المشرف

الي مايشوش ويلعب قدام الابل متى يشوش ويعرض

علي الحرام اني اذا شفت بعض العروض من وراء الشاشات اني اعرض لحالي ماعندي احد


اقول مافيها شي العب قدام الابل ينومس

هههههههههههه حلوا منك لله درك ياسعيد راسك يطبخ من زين البل والعرضه


ودك انها تصور الابل بدون عرضه ولا مسميات صدق تصير اجمل

ياولله اللي تقرأ افكاري يافهد ..
فعلاً .. شي ينافي عادات وسلوم وطبايع أهل البل ..
شايب في مرحله متقدمه من العمر يفترض فيه الرزانه والخلق
والثقل وسمو الاخلاق ،، تعدى عمره الستين
تلقاه بلحيته وشيباته يطامر !!!!
والله اني اذا شفتهم تصاغرتهم في عيني ،، واعتبرتهم ولاشي ..
اللي مايقدر شيباته وسمو ذاته فلاتنقد على اللي مايعطي هاك الشايب وجه .
حتى والله الرقص هاللي ماله سنع من شيبان وشباب قدام منقياتهم على سماعات ،، والله مهزلة مابعدها مهزلة ..
حنا مانقول لاتطامر ياراعيها .. لاااا
رح طامر لحالك ومن حقك تونس مع ابلك وتنطرب وتشوش ..
بس ترقص وتطامر قدام الشاشات ،، والعالم تفرج عليك
فهذا الشي المرفوض وبقوه ..
أرجع واقول اللي مايقدر شيباته .. فما على الناس حرج لو ماقدروه
وترى الموضوع وجهات نظر ,, ما اراه صح قد تشوفه غلط ،، والعكس ..
أرجع واشكر صاحب الموضوع .

هههههههههههههه ،،

يا الربع والله الموضوع حلو بس ما ودك بالنقد ،،

ألعب وأشوش وأحذف عقالي وشماغي على عطايا الله وليه ما أححذف الشماغ والعقال وهي من قبل تحذف أرواح الرجال والفرسان الشجعان عشانهاا ،،


خلووو شيباننا يلعبون ويستانسون قدام عطاياا الله هذا ناموس لهم وفخر وعزة ،،

عني انا لو منقية لي تشارك بام رقيبة بألعب قدامهاا إلين يغشى علي (( خالد الفالح وخالد الغزلي )) << قدام الذود مصلعيـن هههههههههههههههه


خلاصة الموضوع يا الربع من وجهة نظري ما فيهاا شيء ابي العب قدام الابل لعب ماهو منقود ولا أني أتشبه بالبنات العب لعب رجال مطانيخ ،،


يا فهد وأنا أخوك الملك عبدالله بن عبدالعزيز جعل عمره سنيــن يلعب بعرضته ويترنح بهاا ولا عابه شيء وانا أخوك ،،

يافهد رقصهم رقص ريجيل ولايخل بشي ولاهوب رقص على
اغاني والناس شاشين خلهم يهيضون شوي