اللي يعرف انتاج الكايد

مرحبا يا ابو محمد
انا الي اعرفه ان واحد من عياله ماخذ الاول في مزاين الظفره
بس مادري هو ثني و لا جذع

لاهنت ياراشد على مشاركتك وننتظر مشاركات الاخوة الاعضاء
الله لايهينك اخوي حمد وتسلم

ولد الكايد الي طلع في الظفرة هل عليه سوم والا انتاج

سمعت عليه مليونين وانا شفت عليه حوار قعود وعزالله انه طيب

أخوي حمد القعود الحين سنه حق اذا القعود كل مابه يزين من يوم هو حوار
وامه من خيرة البل فحله ولانته بخسران ان شاءلله وياليت تعرض لنا صورته في المنتدى

لاهنت يافهد على المشاركه والقعود ابشرك انه فحل وكل ماله وازين له وانا كنت مشارك بالموضوع لسببين اول سبب كنت ابي اشوف خوات القعود . والسبب الثاني ان الكايد له سمعه طيبه بالانتاج وراعيه مايشارك في مزاين اللا وتلقا اسمه مع الثلاث الاوائل ومع ذلك مالقيت ولا مشاركة ولا حتى صوره لشي من بناته عندنا فالمنتدى وقلت يمكن يكون عند احد الاعضاء الكرام شي من انتاجه يعرضه لنا انشوفه.