حاجه تفشل في المزاينات / استحوا يا شيبان

وبيني وبينكم لو رقصهم زين كان يمقن يمشي الحال ويمقن لا

لكن الواحد منهم منحني ضهره من الكبر واذا رقص صار كأنه معاق اللهم لك الحمد والشكر

وش الفرق ؟؟؟؟ اللعب لعب زين ولا شين . . مافيه فرق اهم شي انه لعب وعلى قول الدلبحي انه شاش ومع ربعه وفالها ووناسه

اشوف ان مافيها شي ..

ههههههههههههههههههههههههههههههههههه

والله يآيجيهم نشآط وحيويه مآهيب طبيعية :/

أنآ معك يالعضيآني .. لآبد للشيب من وقآر مهمآ كآن الأمر

تحيآتي وتقديري لك ولموضوعك ,,,

لله العجب يالربع

من اول ينسى الرجال عندها من شي اسمه الموت والشيبان ذولا حركهم بيت في الشيله ولا دريتو عنه وراس مايشوش عند البل عطايا الله اللي تنومس راعيها وربعه ودك انه يدفن
والعقل خلوه في المجالس والبل في بعض الاوقات يسيرون بعض الشباب اعقل من بعض الشيبان اللي يفكون النشب ويحلون المشاكل اذا تعسرت على كثير الناس

كلامك عين الصواب

ياطويل العمر لو يعطوني وزني ذهب ماتشوفني اطامر في قناه يشوفونهااا ملايين الناس ولا على راسي شي

اعتقد حسب رائيي مافيها شي شايش مع ربعه مثل باقي افراحنا

مثل الزواجات وغيرها لا رقص على موسيقه ولا شي حرام على شيله

وبعدين ترا القبايل اكبر من العنصريه والاكلام اللي تقولونه

كبر مخكم شوي ولا تنضرون بحسب اهوائكم

وعذروني اذا كان كلامي فيه اي خطا

ودمتم

لاصرت مشارك

وجوني ربعي من كل مكان

اكيد اني بشوش وانطرب واتنومس بهم



وهم لو ماهم شايشين ومتنومسين ما جو ونعنوا وماعرضوا


والواحد اذا شاش حقيقه يسوي ماطراله

اويد العرضـات

..

لاتفرح ان الله لايحب الفرحين.....ولاتكذب لأن المسلم لا يكذب...لماذا اشتريت اوبعت بلملايين وهي الحقيقه لا تتجاوز يعض الالوف هذا ماهو شاش هذا رقص على غير هدى يفقد الرجل وقاره وهويتمايل على انغام السماعات التي تصدح ...استغفر الله

انا ماشوف فيها شي الربع شايشين ومبسوطين والموقف ساعدهم على ها الشي انهم يلعبون عند ابلهم ساعة رخا ولله الحمد تستاهل الشكر اما نوقف ضدهم ونقولهم لا تفرحون اجلس في خيمتك وشغل قناة المجد وخلك محلك هذي اشوفها حرية شخصية بالنسبة لي ,,,,اجل اذا جاء عرس لا يلعبون الشيبان وبننقد عليهم لا تقولي غير نفس الفرحة وحضور ربعك مثل الاحتفال ليش ما يستانسون ؟؟؟

انا ماقد رحت لحد في ام رقيبه او سويت بهرجة او مسيرة لكن هذا راي محايد ,,,,,,,,,,,

المشاركة الأصلية كتبت بواسطة خالد الغزلي

انا شفت واحد من المرتزقه يرقص مع واحد من التجار مش من فبيلته ولايعرفون بعضهم وسألت عنه قالوا هذا كل يوم مع شخص مسبلا عمره

المشاركة الأصلية كتبت بواسطة راشد الكدادي

هذا شخص لايحب العنصريه ويعتبر نفسه سعودي فقط..وبذلك كل القبائل ربع له ..بلاش عنصريه ياخالد ههههه

الله يدومها من شوشه ترفع الراس

حلوه مايحب العنصرية ههههههه

اشكر صاحب الموضوع اولاً

ومن وجهة نظري اللعب عند الابل والا في اي فرح ما فيها شي بس ماهوب يقط الغتره ويقعد يطامر بدون غتره ولا عقال وهو رجال معروف والا العرضه واللعب الذرب لا هوب عيب ولا حرام وعلى قولة احد الا خوان ملوكنا وشيوخنا يلعبون في العرضه ولا فيها شي اشوفكم كبرتوا الموضوع شوي الله يهداكم ..

ربعه قاموا يعرضون قدام الابل وعرض معهم وش حارق رزك انت ؟؟

السلام عليكم ورحمة الله وبركاته

اذا انت تقصد الرزف الرزف المعروف رزف البدو وكل قبيله ولها سلمها وعاداتها عند مسير الابل انا اشوف انه عادي ولا فيه عيب
اما اذا انت تقصد الرقص والدبكات ( والهزهزه) على قولتك فهذا اكيد انه عيب سواً في مزاين او غيره
وهذا وجة نظري ولاهنت على الموضوع

اتفق معك الهياط الزايد ماله داعي بعدين لحضنا ان كل المشاركين صارو مهايطية بسبت هالمزاينات الا القليل منهم الي يعرض رافع رشاش او سيف يعني اني جبت البل بالقوه يابوي انت تلعب علي يابوي انت جايب البل بخشم الريال من وين جبت الريال الله اعلم

العضياني شككتني فيك انك شامي بعد ماقلت ( ياحيف عالرجال وياعيب الشوم على هيك رجال )

لاشك أن رقصهم أمام الملأ
يتنافى مع كبر سنهم وتقدمهم في العمر والوقار الذي ينبغي أن يلازمهم
والأخ الكاتب استنكره من كبار السن فقط

دع عنك النقد الغير بناء وهذا انسان فرحان مع ربعه واهله وجماعته بس بعض الناس ماعنده جماعة ولا اهل يفرح معهم اذا جاب الناموس وهذا رقص النصر مو رقص في بار والا دسكو هذولي شغميم الرجال يافهد عز منهم ربعه ويجيبون الناموس ومبروك الفوز للجميع .