نفوق 15 من حلالي (يوجد صور)

لاحول ولا قوه الابالله الله يعوضك خيرا منها في الدنيا والاخره

يعطيكم العافيه

وشاكر للجميع دعواتهم

جزاكم الله خير

تم نشر الخبر بجريده الرياض
http://www.alriyadh.com/article682370.html



نفوق 16 من الإبل تناولت برسيماً مسموماً


عدد من الإبل نفقت بعد تناولها للبرسيم المسموم
الأسياح - سعود المطيري
نفق "16"رأسا من الابل شمال القصيم بعد تناولها لاعلاف يشتبه بانها متسممة -على حد زعم مالك الابل الذي قال ل"الرياض":انه فوجئ بسقوط "16"رأسا من ابله بعد تناولها لبرسيم اخضر ليلة العيد اشتراه من احد الموزعين الصغار يعتقد انها رشت بمبيدات أو مواد سامة قدمها لابله البالغة نحو 75 رأسا سقط منها في الحال 16 رأسا ولحق على البقية باتباع طريقة تفريغ البطون وهي عملية تعتمد على (الطرد) أو تركيض الإبل لمسافة طويلة وذكر انه لم يتمكن من الاتصال بمكتب الزراعة بشري فترة اجازة العيد حتى يتم اخذ عينة من الابل النافقة بينما تقدم ببلاغ لشرطة شري .

هلا بك يافهد
والله يخلف عليك ويجيرك في مصيبتك
ودي قبل كل شيء تأخذ عينة وتحللها في المختبركانه يمديك وتقطع الشك باليقين
ويصير عندك حجة على اللي باعك العلف إن كانه من العلف
ثم جعلك تسلم الراعي اللي معك هل هو مأمون الجانب وواثق فيه ولا بينكم إشكالات وهذا ترى ماهو بتشكيك في راعيك
لكن فيه رعيان ذبحوا معازيبهم على شان أشياء نعدها في عرفنا بسيطة
وأذكر كان عند رفيق لي عامل موصله النجوم بالمدح
وأخرتها هج وأكتشف بعدين من عمال جيرانه
انه هو اللي يسرق حلاله

تحياتي للجميع

لاحول ولا قوه الابالله الله يعوضك خيرا منها في الدنيا والاخره

جزاكم الله خير

اليوم بلغت الزراعه وبيطلعون بكرا ياخذون عينات من البرسيم والابل النافقه

المشاركة الأصلية كتبت بواسطة فهد العديم

الله يجزاكم الجنه

شرفني مروركم
ونصايحكم

تم تقديم بلاغ للشرطه وطلعو معي مصور وصور البعارين النافقه
وافادني انهم سوف يرسلون عينه من البرسيم للفحص يوم السبت بداية الدوام الرسمي

جزاك الله خير

البرسيم بلك العادي

وانا من شري بمنطقة القصيم علي طريق حائل القديم
والبرسيم شريته من موزع عندنا بالديره يشتري من المزارع اللي حولنا
مع العلم ان المنطقه بها الكثير من مزارع البرسيم

ومن سنين وانا اخذ برسيم من بعض المشاريع المحيطه والحمد لله
لكن هالمره اخذت 150 حبه يكفون ايام العيد

والبعارين بديت تطيح وهي ما كملت العلف يعني دقايق
وحطيت للغنم عندي منه لكن الغنم ما جاها شي الحمد لله بس ذبحها الظماء ما فارقت الما

شاكر للجميع مرورهم وتفاعلهم
والله لا يوريكم مكروه

اسمح لي بتداخل بموضوعك للمره الثانيه ابغى منك توضيح والسبب ما لونته بالاحمر من ردك المقتبس

هل ابلك متعوده تحط لها برسيم قبل او قاطعه عنها ؟

وكم لبنه حطيت للابل وكم عدد الابل ؟

وهل كملت علفها او ماتت والحياض مليانه ؟

وهل السالمه من الابل لاحضت عليها طراش او ذراق ؟

اشوف اني كثرت الاسئله ولكن نبي نستفيد حتى لا نرى الماساه تتكرر لا حد من الاعضاء

نفوق 18 رأسا من اﻹ‌بل بعد وجبة برسيم

اﻹ‌بل النافقة في بلدة شري شمال بريدة

بريدة: الوطن 2011-11-13 12:50 AM
نفقت 18 رأساً من اﻹ‌بل في بلدة شري "120 كيلومترا شمال مدينة بريدة"، بعد أن تناولت كمية من أعﻼ‌ف البرسيم التي يظن صاحبها أنها معالجة بمبيدات حشرية، كان قد اشتراها من صاحب إحدى المزارع، التي لم تلتزم بمدة التحريم المقررة لنظافة اﻷ‌عﻼ‌ف من المبيدات.
وذكر صاحب اﻹ‌بل فهد العديم أن إبله بدت عليها عﻼ‌مات التسمم أثناء تناولها للبرسيم، الذي قام بشرائه قبل يوم من النفوق، مضيفاً أنها أول مرة يقوم بعلفها من البرسيم الجديد.
وأضاف العديم أنه أحضر طبيبا بيطريا لمعاينة اﻹ‌بل، فأفاده بضرورة أن يقوم بمطاردة اﻹ‌بل حتى تركض من مرابطها، لكي تنزل ما في بطونها، حيث تحسنت صحتها بعد ذلك واستقر وضعها.
وتابع "عند ذهابي لمركز الشرطة لﻺ‌بﻼ‌غ عن حاﻻ‌ت النفوق أفادوني بأنه ﻻ‌بد من اتهام موزع البرسيم، وانتظرت ليوم العيد، على أمل أن أبلغ مركز اﻹ‌مارة، ولكن اكتشفت أنه ﻻ‌ يوجد مناوب بالمركز في العيد، وكذلك في فرع الزراعة، وبعد ذلك اتهمت موزع البرسيم عبر بﻼ‌غ رسمي، ﻷ‌نه ربما كان يحتوي على مبيدات أو أسمدة".
من جهته، أوضح مدير فرع الزراعة بالبطين صالح الخميس أن صاحب اﻹ‌بل تقدم للفرع ببﻼ‌غ عن نفوق إبله، وسينتقل طبيب بيطري للموقع ﻷ‌خذ عينة من البرسيم، لتحليلها ومعرفة مدى تسممه، والكشف على كامل اﻹ‌بل، ومعرفة عدد النافق منها، ومن ثم إعداد تقرير بذلك يرفع للجهات المختصة.

المشاركة الأصلية كتبت بواسطة خالد الفالح

اسمح لي بتداخل بموضوعك للمره الثانيه ابغى منك توضيح والسبب ما لونته بالاحمر من ردك المقتبس

هل ابلك متعوده تحط لها برسيم قبل او قاطعه عنها ؟

وكم لبنه حطيت للابل وكم عدد الابل ؟

وهل كملت علفها او ماتت والحياض مليانه ؟

وهل السالمه من الابل لاحضت عليها طراش او ذراق ؟

اشوف اني كثرت الاسئله ولكن نبي نستفيد حتى لا نرى الماساه تتكرر لا حد من الاعضاء

حياك الله اخوي خالد
يشرفني مرورك
البل دايم اعطيها برسيم وما وقفته ابد
وعددها 75
متعود اعطيها 18 بلكه لكن اذا الكميه جديده اعطيها نص
يوم النفوق عطيتها 8 حبات لان الكميه جديده
وطاح بعظها وهي تعلف ما كملت الثمان حبات
وكانت تطرش دم وتهز روسها قبل النفوق ما كملت عشر دقايق
ووقفت البرسيم عنها خمس ايام وشريت كميه جديده من مزرعه ثانيه
وعطيتها بلكه وحده ورجعت الحاله ونفق ثنتين وفتحت بطونهن لقيت البرسيم الاول على لونه ببطونها
لانها ما خرجت وانتم بكرامه
للحين اللي نفق 18
واليوم طلعو الزارعه واخذو عينات وننتظر النتيجه

المشاركة الأصلية كتبت بواسطة خالد العايذي

هلا بك يافهد
والله يخلف عليك ويجيرك في مصيبتك
ودي قبل كل شيء تأخذ عينة وتحللها في المختبركانه يمديك وتقطع الشك باليقين
ويصير عندك حجة على اللي باعك العلف إن كانه من العلف
ثم جعلك تسلم الراعي اللي معك هل هو مأمون الجانب وواثق فيه ولا بينكم إشكالات وهذا ترى ماهو بتشكيك في راعيك
لكن فيه رعيان ذبحوا معازيبهم على شان أشياء نعدها في عرفنا بسيطة
وأذكر كان عند رفيق لي عامل موصله النجوم بالمدح
وأخرتها هج وأكتشف بعدين من عمال جيرانه
انه هو اللي يسرق حلاله

تحياتي للجميع

الله يسلمك وجزاك الله خير
الراعي عندي من سنين
وما اظن له يد بالموضوع
لولا الله ثم لولاه كان راحت كلها
خدم المعالف على الباقي من البرسيم واتصل علي

الله يعوض عليك بخير منها ويغنيك بفضله
وماضاع حق وراه مطالب وانا اخوك

الله يعوضك اخير منها

الله يعوض عليك بخير منها ويغنيك بفضله

اقسم بالله اني اشوف الصور وخنقتني العبره

لاحوله ولا قوة الا بالله

الله يخلف عليك ويعوضك بأحسن منها والحلال يفدي اهله

مدام راسك سالم كل شي يتعوض وعليك بالشكوى لا تخلي حقك وشتك عليهم بأقرب مركز

حسبي الله ونعم الوكيل الله يعوضك خير

اللهم اجره في مصيبته وابدله خيرا منها
انالله وانا اليه راجعون
اخي تاكد من السبب ولا تحكم على المزارع بدون دليل حتى لاتتكرر الخسارة مرة اخري
التسمم اكيد وابحث عن المصدر اخونا خالد الفالح ماقصر وكلامه منطقي
والمال يفدا صاحبه دافع شر عنك ان شاء الله