جيب شاص للبيع ابو شنب موديل 99
 

بسم الله الرحمن الرحيم

السلام عليكم ورحمة الله وبركاته


اخواني الاعزاء عندي جيب شاص ابوشنب

موديل 99 اللون ابيض ماشي 270,000 الف

شرط الفحص توني شاريه من معارض الرياض

من مدة 6 شهور والموترطاقله كفرات بالون وهو حايشه صدمه مع الرفرف

الامامي الايمن وهو كان تحت راعي ابل شايب

ويحلف انه فاكه على يده وانا شريته وحصلت فيه مشكله

وهي بالمساعدي الامامي الاذرعه

وبدلته وكاله والسبب رجفيه اذا وصل السرعه من 80 الى 100

وقالوليا ان المشكله من كفرات البالون و لازم وزن الاذرعه عند ميزان متخصص

وانا المنطقه اللي فيها لايوجد فيها ميزان اذرعه وهي منطقة الصمان

والمكينه على الشرط والقير على الشرط

والاستماره جديده ومفحوص وجاهز يعني دق سلف بعد وزن الاذرعه

والموتر حايشه سمكره مثل ماذكرت

والسوم ماانسام ونسمع منكم السوم الطيب واللي عنده سياره ويبي بدل مافيه مانع

او ابل شعل او غرفه سحب فأنا ماعندي مشكله اللي يبي كاش واللي يبي مقايضه مثل ماذكرت

والسوم عن طريق المنتدى او رقم الجوال / 0556111511

والله يوفق الجميع لما يحب ويرضى ولا عندي الا الصوره هاذي للجيب

http://www.r6r6r.net/up/upfiles/Lz766412.jpg

الله يربح البايع والشاري

والله ماقصرت يالجدعي وفرت للشراي كل الطرق السهله فالبيع والمشترى

تقبل مرور اخوك ابوخالد

تسلم يبو خالد واشكرك على مرورك الكريم
واشكرك على مرورك

مشكور يافلاح وعسى الله يطول عمرك

ماشاء الله تبارك الله
الله يرزقك البيعه اللي تسرك

مشكور على المرور يانواف
والله يوفقك

اثق في كلامك طالما المكينه على الشرط واسوم كاش ب(25000) خمسه وعشرون الف والله يكتب الخيرلنا جميعاُ والجيب

يا ابو عبدالله وفرها عساك تلقى موديل احدث منه بهالقيمه

وجزاك الله خير على هالسومه الطيبه ولا انت حولي

بعيد بعد السما عن الارض ومشكور على كل حال

عساك على القوه لاتزعل ولايتنكد خاطرك هي سومه واعتبر انك ماسمعتها ورزقك جايك ماترده سومتي اكرر اعتذاري

الله يرزقك البيعه الي تسرك

معذور يبو عبدالله ولا تزعل علينا انت من ربعن عزيزين
والسومه مافيها شي انا اقول عسا الله يرزقك بموديل احدث بها لقيمه
وابشرك ان ماني محدود على بيعه وتلراك معذور معذور واسمحلي اذا حسيتك بشي
وتقبل احترامي وتقديري

واكرر شكري على من تقدمو بمرور الموضوع ولكم تحياتي واحترامي

اخوي عبد الله تبدلها بسياره فورد موديل 98 اذا لك رغبه
رد علي ترا صامل والله يكتب الي فيه الخير

السلام عليكم ورحمة الله وبركاته
 

[img]السلام عليكم ورحمة الله وبركاته[/img]