ياللي تعرف معانقان؟
 

السلام عليكم جميعا"
مساء الخيرات والمسرات
حبيت أسأل عن فحل مجهم ويا ليت اللي عنده خبر يفيدنا جزاه الله خير
الفحل هو ولد معانقان اللي شراه بن سويد المنصوري وهو مشري من محمد بن علي أبالنفوس المري
ياليت اللي يعرف عنه شيء أو شاف له انتاج يفيدنا..........وسلامتكم

معانقان بعير منتج من بعارين ابن سويد وأظن إلى الآن ولد عند ابن سويد
وأنا كان عندي بعير على معانقان وبعير شكله زين لكن بناته طيبات وانتاجه أزين منه وعليه قعود يسام ب 100 ألف
والبعير اللي عند أباالنفوس إن كانه البعير اللي أنا شفت بعير طيب وزين عندهم وسمعتهم يمدحون أنتاجه

مساء الخير جميعا"
120 قارىء والرد واحد فقط
إلى هذه الدرجه مجهول معانقان
أفيدونا جزاكم الله خير

هلابك ومرحبابك اخوي

واخوي خالد الحمرا ماقصر

وعن معنقان بعير بن سويد المنصوري الفحل منتج وانتاجه طيب

وعند بن سويد انتاج له طيب

واعطا بن سويد ولد معنقان بن يدوع المنصوري من كم سنه وهده واكثر ابله عليه وعليه قعدان طيبه عند بن يدوع

ومات معنقان ولد معنقان قده هرش عند بن يدوع العام الماضي

لا هان أخوي خالد ماقصر بيض الله وجهه
ولاهنت أخوي راشد وماقصرت وبيض الله وجهك
ونقول عسى الله يطرح البركه
وعلى قول المثل ( هد فحل واندب حضك )
تقبلوا تحياتي وشكري
وأي اضافه لامانع من كتابتها
دمتم سالمين

حياك الله اخوي محمد
بالنسبه للفحل معانقان اللي عند ابن سويد شاريه من عند عبدالله بن جابر الحنزاب وبعير منتج من الدرجه الاولى
ومعانقان محمد ابالنفوس عليه وباعه ابالنفوس هرش قاضي بــــ120 الف قبل 6 سنوات وعطى ابو صلعا قعود عليه
وانتج انتاج فاخر عند ابوصلعا وباع عليه العام قعود على ابن هندي سعره فوق المليونين
سلالة معانقان سلاله طيبه ومنتجه وتمتاز بزين الوجيه
وعسى اكون قد افدتك

شكرا للاخ محمد الفاضل على التوضيح

واعتقد ان سلاله معانقان من ابل ال عذبه اذا ماني بغلطان

الشكر للجميع على التوضيح وبيض الله وجيه هل الطيب والحضور

تحياتي لمن أنار صفحاتي

مرحبا اخي حمد الغواص
يالنسبة لسلالة بني معانقان فهي كالاتي
معانقان الحنزاب هو اساس بني معانقان وهو ولد المعانق ناقة عبداللة بن جابر الحنزاب وهو نفسة اللي شراة ابن سويد من الحنزاب
اما بالنسبة لأب معانقان فهو بعير ابن طهيف ( بعير ابن طهيف بأبو وكانو يسمون البعير ابو خرقة وذلك لرهاوة اسبالة )
وبعير ابن طهيف على عشيو المناع الصخابرة
وعشيو المناع الصخابرة على حريش العرق
وسلامتكم وارجو اني قد وفقت في الافادة

الاخ محمد كفيت ووفيت وبيض الله وجهك

معانقان ابن سويد اشتراه ابن شريم باعه على الامير فهد بن سلطان مليوين ريال
اشترا حمد البعويد المهنا المري ولد معانقان الهرش من سلطان بن جابر الفاضل من انتاجه
بكره الحبيبه اشتراها الرواعيه مليون
قعود عند ابن مهنا فاز اول في قعدان في مزاين العذبه

كل كلامك صحيح ولكن بالنسبة لمعانقان الهرش بعير الحنزاب فقعد عند ابن سويد ليييين مات
اما بالنسبة لمعانقان اللي عند اين شريم فهو من عيال معانقان الهرش
وبالنسبة لبعير ابو عويد فهو شارية من سطان بن جابر وهو من ابل الحنزاب
وبالنسبة للقعود اللي خذا الاول في المزاين فهو ولد ولد بعير ابو عويد =يعني بعير ابو عويد جدة وهو موجود الان عند ابوعويد واول انتاجة حيران وسنة ثني