ماهو اسم علاج الشويكه
 

ارحب بالجميع ياخوان اسمع ان فيه علاج لشويكه الجرح من يعرف اسمه وطريقة علاجه وجرعاته
اخاف اروح للبيطري يعطيني اي علاج ويقول هذا لشويكه نرجو من يعرف العلاج الفعال يعطيني الأسم وطرقة الجرعات وشكرا وهو مجرب

رد: ماهو اسم علاج الشويكه
 

معقوله مافيه احد يعرفة الياهلحين ننتضر والعود احمد

رد: ماهو اسم علاج الشويكه
 

كيف عرفت اول ان الي في ناقتك مرض الشوكه

رد: ماهو اسم علاج الشويكه
 

لو وصفت لنا حالة الناقه كنا افدناك اكثر
بالنسبه لي ماعرف الشويكه

رد: ماهو اسم علاج الشويكه
 

انا أعرف الشوكه مدري هي الي تقصد
وعلامتها دمن الناقه يابس وعلاجها الكوي

رد: ماهو اسم علاج الشويكه
 

صادها ساجر

العلاج
الطب الشعبي // ملعقتين كركم مع فنجان خل التفاح مع علبة زبادي مع لقم مع طعام المهم تاكلها ويمنع عنها اي طعام يحتوي على دهون او زيوت
ويستمر حتى يتبين الفرق
الطب الحديث // ابرة ornipural او شراب heparenol

اذا كانت الاصابه بعد هجيج او مثله تكوب الاستجابه للكي اسرع

رد: ماهو اسم علاج الشويكه
 

السلام عليكم
اذا كنت تقصد الجرح علاماته
دق الناقه
الله يكرمك الدمن يطلع منها له راس مثل الشوكه
اذا بركت الناقه تميل الجنب اللي فيه المرض
وافضل علاج الكوي
والله يشفيها

رد: ماهو اسم علاج الشويكه
 

اشكر جميع الأخوان على الردود الطيبه
اناقه لها حوالي ثلاث شهور صار فهيها ضمر وبعد حول 15 يوم ترفع راسها فوق وتنزله للأرض وبعد 15 يوم رافعة راسها فوق كانها غاصه بشي وبعدها بايام صار معها رعده زي الطير واطيتها كمبلكس وفصدة خشمها واصعطتها الدم وثاني يوم حسيت الناقه تحسنت وكويتها عن السوار وكويتها عن السطح وبعدين تحسن حالها واعطيها تمر وخبز وشوي اشوي لين تحسنت الحين الناقه ترعى بس تبعد عن العلف قبل الأبل ورعيعا الحين ماعليه بس اشعرتها امكوشه ودمنها فيه نشاف اشوي وسألت طبيب قال الشوكه تقلب على جنوبها وهاذي ماشوفها بالناقه ماتتقلب بس لبركت بعض الأحيان وهي باركه ترجع اثفانها ورى واشوف الناقه كل اسبوع احسن من الي قبله وش الراي اخليها على وضعها او اطقها ابرة الشوكه الجرح . ودمتم

رد: ماهو اسم علاج الشويكه
 

مرحبا يابراهيم ابرة الشوه ماتضر انشاالله
لاكن انت اذا شريتها اسئل الدكتور هل لها اثار جانبيه ولا لا
والله يشفي ناقتك