|
حاجه تفشل في المزاينات / استحوا يا شيبان السلام عليكم ورحمة الله وبركاته تعجبني عروض الابل على القنوات الفضائيه وخصوصا اذا كان التصوير واضح والعرض مميز والابل نخبه لكن في نهاية العرض يكون هناك شي مخزي ومعيب شي ماتعودنا عليه ولا تعودت عليه العرب في كل الازمنه تجمع الابل في نهاية العرض ويجي صاحب المنقيه الرجل الوقور صاحب الجاه والمال يكسو وجهه الشيب عمره تجاوز الستين وياخذ خيزرانه في يده ويبدا في الهزهزه مع شوية مراهقين مشغلين شيلة ورافعين الصوت للآخر ووووين وقار الشيبه ووووين الحيا بعد كل هالعمر ووووين المرؤه ووووين هيبة راع البل راعي الفزعه والنخوه ياحيف عالرجال وياعيب الشوم على هيك رجال وبيني وبينكم لو رقصهم زين كان يمقن يمشي الحال ويمقن لا لكن الواحد منهم منحني ضهره من الكبر واذا رقص صار كأنه معاق اللهم لك الحمد والشكر |
رد: حاجه تفشل في المزاينات / استحوا يا شيبان أتفق معك أخوي فهد والله الهياط هذا صار مرض ويعكس صورة ماهي بطيبه عن أهل الإبل عند الناس اللي ماهم من أهل البل يقولون شوفوا التخلف وبعض الكلام اللي ماودك تسمعه وأهل البل هم أهل الشهامه والحكمه والصبر ولازم يعكسوا الشيء هذا في مقابلاتهم |
رد: حاجه تفشل في المزاينات / استحوا يا شيبان مشبب بيض الله وجهك على هالرد ونا اشوف واجد دخلوا الموضوع وساكتين كأن الوضع عاجبهم لازم نسوي حمله على الفيس بوك ضد هذا الهياط اللي شوه سمعة اهل البل عاد المشكله ان الرقص صار من كبار القوم اللي اخذوا جائزة النخبه لاعوام مضت |
رد: حاجه تفشل في المزاينات / استحوا يا شيبان %كلا م صحيح % |
رد: حاجه تفشل في المزاينات / استحوا يا شيبان يمقن مبسوطين وشايشين ويمقن مقلدين لغيرهم |
رد: حاجه تفشل في المزاينات / استحوا يا شيبان والله مافيهاا شـي يافـهد الشاايب تلقاه شااش مع ربعه وقام يعرض معهم |
رد: حاجه تفشل في المزاينات / استحوا يا شيبان دع الخلق للخالق ماوقفت على هذي !!!!!!! |
رد: حاجه تفشل في المزاينات / استحوا يا شيبان اذا كان هذا اهازيجهم وعاداتهم في الفرح اشوف انها عادي جدا اذا كان هذا موروثهم وسلم عندهم |
رد: حاجه تفشل في المزاينات / استحوا يا شيبان بصراحه هالمزاينات جديده علي مجتمع اهل الابل ماننكر ان لها ايجابيات كثيره ولاكن ما تخلى من بعض السلبيات ونرجوا ان يحرص الجميع علي الاستفاده من ايجابياتها وتجنب السلبيات والله يجزا خير من اهتم بموروث الاجداد ورد للابل قيمتها ولو انها مبالغ في اسعار بعضها الشي بعد ما كانت اطيب خلفه مع انتاجها ما تتعدى الخمسه الاف والله ياخوي فهد انك قلت شي في صدور ناس كثيرين واعتبرها شجاعه منك قولتها رسميا بالمنتدى |
رد: حاجه تفشل في المزاينات / استحوا يا شيبان القصاااايد المثيرة للنعرااات القبليه + المسيره + الهيلمه + الهيااااط = خيط ميط هل هاذي جميعهااااا أما يغني عنها حضور صاحب الإبل وإبله ويزاين ويتوكل على الله........... ثلاثة أربااااع المزااااينين في أم رقيبه ليسوا بأهل إبل ولا يدرون وين البل ملقيه........ اللهم أنها ضاااااقت القرووش عليهم وقالوا خلنا نحطهااا في الإبل ويمدحوننا الشعاااااااار وحنا هل البل من قديم وحنا وحنا وتعرفوون عااااااد الشعااااااار والمرتزقه........... لكن فرصتكم ياااشعاااااااار قولوا واسترزقوا من هالأمواااااال اللي ماهيب برااااايحه مع صاااااحبها في قبره سوا العمل الصاااااااالح........... يالله عطاً برضاااك ياحي ياقيوووووووم ولا تؤااخذنا بمااااااااا فعل السفهااااااااء منا............. |
رد: حاجه تفشل في المزاينات / استحوا يا شيبان اقتباس:
|
رد: حاجه تفشل في المزاينات / استحوا يا شيبان مايشوش مع البل الا راعيها والتجار اغلبهم اخذوها سمعه وهياط واحد من اللي اخذوا النخبه قبل كم سنه وهو من التجار المعروفين والله ياهو يرقص قدام ابله رقص دسكو متعوووودهـ |
رد: حاجه تفشل في المزاينات / استحوا يا شيبان مافيه شوشه مدورت عيشه ومهايطيه تسترزق عند اهل الابل |
رد: حاجه تفشل في المزاينات / استحوا يا شيبان صدقت يافهد والله شي يفشل ولاياشفت اللي يسوي هالحركات سقط اعتباره عندك والمهايط الزايد دليل الشعور بالنقص ودليل على ضعف الشخصيه !!!!!!!!!!!! .... ياحلو ام ارقيبه اول مابدت لاشيلات ولاخرابيط... واليوم هااللي تشوفون لكن الله يستر من تاليتها |
رد: حاجه تفشل في المزاينات / استحوا يا شيبان اقتباس:
:n200625::n200625::n200625: |
| الساعة الآن 27 : 08 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |