|
مرض غريب نداء للنشاما السلام عليكم يالربع جاري عنده ذول مهجنه ومعشر له اكثر من شهر الناقه نشيطه بس فيها مشكله برجلها اليسرى حيث انها اذا بركت مافيها مشكله لكن اذا ثارت من مبركها رجلها اليسرى كنه معقوله متعلقه بالهوا واذا وقفت على رجلها اليمنى انطلقت اليسرى وتمشي وتلعب مع البل وش هالمرض اللي بها؟ هل فيه علاج لها؟ واهم شي ما يأثر على لقاحها؟ الله لايهينيكم والله يجزاكم خير |
رد: مرض غريب نداء للنشاما مرحبا اخوي ان شالله ان الناقه هذي علاجها سهل عند الله ولاكن الانسان سبب اخوي الكريم انا اشور عليك تروح لدكتور وتاخذ منا ابرت مفاصل وتعطيها والشفا عند الله |
رد: مرض غريب نداء للنشاما السلام عليكم ورحمة الله وبركاته كلام اخونا ابو عجيب صحيح تاخذ من الدكتور ابرة مفاصل وإذا ما نفعت تدور لك صاحب خبرة في الكي وهذا النوع من المرض يصيب البل ويسمونه البدو صب او صبه لها كويه يعرفها صاحب الخبرة وبإذن الله تبرأ منها إذا الله سخر لك الي يعرف مكان الكي والله يوفقك والإخوان الموجودين فيهم بركة ويمكن اخبر مني ويفيدونك والله يوفقك يا خوي نادر ويشافي ناقتك . |
رد: مرض غريب نداء للنشاما اقتباس:
ما قصروا الاخوان أبره مضاد التهاب مفاصل لمده 4 ايام واذا كانت المفاصل منتفخة اغسلها مويه دافيه وملح مرتين باليوم لمده 3 ايام وماعليها خلاف |
رد: مرض غريب نداء للنشاما الله يجزاكم بالخير وماقصرتو لكن هل الابره تأثر على عشار الناقه لها شهر ونص تقريبا معشر والله يبيض وجيهكم |
| الساعة الآن 21 : 06 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |