|
الناقه ماتاكل وبس تثاوب وش الحل السلام عليكم ورحمة الله وبركاته يالربع عندي ناقه لقحه ماتاكل الا شوي وضامر باطنها واول ماتاكل متحمسه تبي الاكل بس من اللقمه الثانيه على طول تسكر فمها وتنزل راسها تقول كنها بتطرش وماتطرش ثم تاخذ شوي وتنزل راسها للارض وتصد عن العلف وبس تثاوب واجد يمكن كل 5 دقايق مره عطيتها ابرة نحاز ولانفع وعطيتها مضاد حيوي وخافض حراره وماجاب نتيجه مجموع الابر 7 ابر ولافيه فايده وعطيتها بودرة حله ولانفع والله ياجماعه اني احترت معها مدري وش السواه مع العلم ان دمنها اكرمكم الله ناشف ودقاق وشكيت انها شوكه لكن دمنها ماهو مدبب ولاتجضع وشكيت بالهيام لكن مافيها نفوخ يالربع تكفون افزعو والله من اطيب البل عندي وش السواااااه والله لايوريكم مكروه |
رد: الناقه ماتاكل وبس تثاوب وش الحل يالي اعرفه انه المطيه ياللي "يكفيك الشر والبلا" تتثاوب كثير على وصف ناقتك صايبتها عين .. او محسوده انته اقراء عليها .. وثاني شي اسقها الماي مقراي عليها وسبحها به .. وتاكد من انه الناقه ما فيها الخشم .. او عرق السقام او اللغوب ... وسو فحص دم .. لو شفت المناعه زايده معناتها الناقه مريضه بشي من هالامراض والله اعلى واعلم |
رد: الناقه ماتاكل وبس تثاوب وش الحل الي في ناقتك هدب فتش فمها بتحصل فيه زوايد لحميه قطعها وان شاء الله ما تشوف شر |
رد: الناقه ماتاكل وبس تثاوب وش الحل الناقه فيها عين يا نادر اخذ لها مويه مقري فيها وعزايم وخلها تشرب منها ورشها ثلاث ايام وبتقوم بالعافية ان شاءالله |
رد: الناقه ماتاكل وبس تثاوب وش الحل عين + هدب والله أعلم |
رد: الناقه ماتاكل وبس تثاوب وش الحل اجلالادمي الي يتثاوب واجد معيون حسبناالله ونعم الوكيل |
رد: الناقه ماتاكل وبس تثاوب وش الحل الاخ نادر المشكلة في راس الناقة اتوقع والله العالم انة جرثومة في المخ ولا ترتاح الناقة حتى تنزل راسها فانصحك بأعطائها كبريت وشبة تحط شوي في الخشم والفم وتكويها في الراس عرقاه ع القلة حدثت عندي واصعدت وبعدها نفقت وبحثت عن هذا المرض وافادوني بهذا المرضبعد التحية |
رد: الناقه ماتاكل وبس تثاوب وش الحل هلا بكم جميع والله يستر علينا وعليكم والله يكفينا شر من به شر الهدب يقولون ناقته ماتجتر وهي تجتر وتصدقون لو اقولكم شي اول اذا دخلت المراح اول ماينطحني هي والحين من تشوفني تهج عني الله يعطيكم العافيه وماقصرتوا يالنشاما ومشكووووووووووووووووورين |
رد: الناقه ماتاكل وبس تثاوب وش الحل اقتباس:
اخوي حمد جرثومة المخ اكيد لها اعراض ياليت لو تذكرها لنا لتعم الفائده وايضا اعرف اذا كان فيها جرثومه من عدمه والله لايهينك ويكثر خيرك |
رد: الناقه ماتاكل وبس تثاوب وش الحل مرحبا يانادر ويعل حلالك بألف خير بنشدك كم باقي على والادها وأكلها في الشعير وغيره شلونه وان شاء الله ان علاجها سهل لي عوده للموضوع |
رد: الناقه ماتاكل وبس تثاوب وش الحل أخوي نادر فتش في فم الناقة لايكون حمام هو الي مايخلي الناقة تأكل والهدب أيضاً تكد من هى الأشياء الي قالتلك قبل تبدأ في أي علاج حتى تاكد من الحمام والهدب |
رد: الناقه ماتاكل وبس تثاوب وش الحل الاخ نادر بعد التحية اعراضها المرض ممشاها اخر الابل وريح فمها عادي واذا عطيتها علف تأكل لقمتين ثلاث بسرعة وبعد ايام تصعد (بدون علاج )اكثر الوقت راسها تحت وتشم اي شي ولا تاكلة ,وتنقر عيونها بعد ايام وتشوفها تجتر وهي ماتجتر اقرب من الناقة وتشوف تحك سنونها بلثتها(تضرس) وبعدها توهنت هذي الاعراض اللي جاءت عندي ونفقت والله يستر ع حلالك وحلال جميع المسلمين |
رد: الناقه ماتاكل وبس تثاوب وش الحل اقتباس:
هلا وغلا بمحمد الناقه طال عمرك لها 6شهور لاقح وباقي 6 شهور والشعير تاكل منه شوي وتصد عنه والله لايهينك ومشكور على مرورك |
رد: الناقه ماتاكل وبس تثاوب وش الحل اقتباس:
فتشتها ومافيها الا العافيه والله يستر ومشكور على مرورك |
رد: الناقه ماتاكل وبس تثاوب وش الحل اقتباس:
بارك الله فيك كل الاعراض اللي قلت موجوده لكن ياحمد الاعراض هذي اي ناقه مريضه بتجيه الاعراض هذي وتنقر بعيونها مافهمتها لكن الى الحين ما اصعدت ولاتوهنت والله يستر وش العلاج الله لايهينك ومشكور الف شكر |
| الساعة الآن 25 : 08 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir حماية ارشفة اشهار مؤسسة دعم فنى
جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة المنتدى |