لاهل الخبره الناقه ما تلقح صارلها اكثر من سنتين
 

السلام عليكم و رحمة الله و بركاته


عندي حايل كبيره قد لها اكثر من سنتين و لا لقحت جربنا معها كل طرق العلاج من تنظيف و تقطيع و ابر علاج الى تضيير على حوار ولا جا فيها لبن علما ان الناقه مردمه من الشحم وعزلناها نبيها تخف ولا كتب لها الله لقاح و كل ماحدينا البعير عليها ما يبيها.. و الناقه لا مشت تنقد عليها نشدت اهل الحلال و بعضهم شافها قالوا يمكن معها طير و علاجها صعب

وش الحل يا اخوان افيدونا جزاكم الله خير

رد: لاهل الخبره الناقه ما تلقح صارلها اكثر من سنتين
 

الطير مايبطي بها

لاكن فيه طريقه ان حبيت تستخدمها ولاهيب مكلفه عليك

ابرة مضاد حيوي لمدة 3 الی 4 ايام كل يوم 40 سم وبعدها تريح يومين وتفك فيها البعير


وشف لك بعير يستلحق المطيه ماهوب بعير صغير او قصير وان غيرت اللون افضل والی ضرب بعماني ذا الزمان ولاولدت بصر الله فيك وفيها خله يلهجها لين يطيح شحمها

رد: لاهل الخبره الناقه ما تلقح صارلها اكثر من سنتين
 

لاهنت يا سالم على النصيحه

بس المضاد وش نوعه ؟؟ وهل جربت علاج معين و نفع معك؟؟

رد: لاهل الخبره الناقه ما تلقح صارلها اكثر من سنتين
 

مضاد حيوي اي نوع وانت قل للصيدلي يعطيك افضل نوع فيها وانا والله ناسي المضاد وش اسمه اذكر سعره ب25

رد: لاهل الخبره الناقه ما تلقح صارلها اكثر من سنتين
 

احتمال تكون عقرررت

طلعلها بيطري يكشف علىها