الفزعــه يالربع
 

السلآم عليكم ورحمة الله وبركآته..

يالربع عندي بكره (حواره) عمرها 8 اشهر,, جيتها اليوم لقيت رآسها منتفخ بالحيل وخصوصا جنبها الأيمن من الخشم الى الاذن ويشتد الانتفاخ والورم تحت عينها اليمنى. علفتها اليوم وتاكل تمام وتشرب وما عليها خلاف , بس الورم هذا مخوفني. والله انها بكره محسوووووبه بالحيل ومتأمل فيها خير,,
وش هالمرض والأهم وش دواه؟
هل هي مقروصه؟ أو هل هي متمكره؟لأان فيها من اول (لكاف) تحت حنكها.

ودمتم بخير..

وعليكم السلام ورحمة الله وبركاته

طيب كان عطيت البكره بنسلين وأعرضها على بيطري

وأن شاءالله النسلين وحده بعد الله سبحانه ينفع

والله يبارك لك في حلالك بس مثل ما قلت لك عطها بنسلين 4سم مدة 3 ايام ويروح النفاخ

ولك تحياتي

هذي البارده ولا منها خطر ان شاء الله

وللمزيد من المعلومات زيارة الرابط/

http://www.mzayan.com/vb/showthread.php?t=2059

يعطيكم العافيه وبيض الله وجيهكم ..
كفيتوا ووفيتوا..
شآكر مروركم وطرحكم.

هذا البارده والله اعلم
http://www.mzayan.com/vb/showthread.php?t=7813

انا معا اخوي البارده

السلآم عليكم ورحمةالله وبركآته..
ابشـــــركم البكره امست الليله بخير وصحه ورآح الورم الي فيهآ,,
ما اقول غير الحمدلله والشكر له, وطمنكوا الله الله يسعدكـــم..
مشكورين يالربع..
اما من ناحية تطبب ما سويت فيها شي, بس مسحت خشمعا ب(صبره وحلتيته) عن الخوف من المكر..
وربي وحده الي شافها..
مشكورين يالاخوان وبيض الله هالوجيه..

الحمدلله على السلامة

الحمدلله على سلامتا وما تشوف شر بذن الله وتستاهل اخوي كل خير

الحمد لله والشكر