اهده ولا اهد غيره

اهده ولا اهد غيره

اخوانى اعضاء هذا المنتدى الرائع الشهر عليكم مبارك

اليوم حبيت اعرض لكم بكره صغيره 4شهور بنت الفحل >طرقان< والذى سبق وان عرض للبيع فى المنتدى قبل سنتين وهذا اول زمان ينتج .
ايش رايكم فى انتاجه .واهده الزمان هذا ولا اهد غيره من الفحول مع العلم ان انتاجه على اربع نياق فقط وفيه بكره نسخه من اختها عطونا رايكم بكل صراحه واذكروا الله يذكركم وتقبلوا خلص شكرى وارقا التحايا

الموضوع الأصلي: اهده ولا اهد غيره || الكاتب: سعد العريفي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

hi]i ,gh hi] ydvi

ماشاء الله تبارك

هذا انتاجه طيب وبأذن الله بتزين بناته والفحول الثانيه ماندري عنها ولا نقدر نقولك هدها ولا لا

بس اذا طيبه وعموقها طيبه تنوق وانا اخوك ولا انت خسران وفحلك عندك هده في باقي البل

العلم عند الله بس اشواف انك تهد غيره الوقت هذا انتاج والزين بين وانا اخواك والتوفيق بيد الله

اخوى عبدالمحسن المقاطى مرحبا ومسهلا وشرفنى مرورك العطر ونورتنا برايك يالطيب وبنات البعير كل ما يعدى شهر تجيك بزين جديد والبعير مجهول اصله لكنه طيب وعندى بعير جده بعير ابن غتار الألوف اصله غييثى وما ضربته بس ضرب ناقه لرفيقى موسطه وجابت بكره طيبه فاخره ودى هالزمان اعطيه الفرصه كامله وراح انزل صورته وصورة بنته فى اقرب فرصه ولك منى جزيل الشكر

الله يوفقك ويرزقك من واسع فضله

هذا وقت مزاينات ونوادر تنتجها الفحول الطيبه الي عموقها وساسها قوي

ان حصلت بعير طيب ومنتج لاتفوته وبعيرك بعير بدوي ويجيب لك البل المقاني البدويه وفوق البداوه بعد

ولكن ان حصلك اتنوق لاتفوته

ربي يوفقك ويرزقك

انا من ناحيتي دام هذا اول انتاجه هده لان البعير مايحكم عليه اول انتاجه واديم اول انتاجه ارداء انتاج له وانا اقول لو اني محلك هديته والعلم عند الله وهذا رايي وانت بكيفك

ااخوى سطام العتيبى
اخوى محيميد فلاح

مرحبا والله ومسهلا شرفنى مروركم العطر ونورتونا بوجوكم وبرايك وشوركم وصحيح ما خاب من استشار والله يوفقكم ويرحم والديكم عن النار ولكم منى جزيل الشكر.

اخوووي سعد اذا انت تعبت على الفحل كمل معه بحاله واحده دورنياق ازين من الى عندك والباقي على الله

اخوى سعد الحائلى

مرحبا والله ومسهلا وشرفنى مرورك العطر ورايك والله انه طيب والله يجزاك خير ورحم والديك عن النار ولك منى خالص الشكر

والله ان كان هاذا اول انتاجه وكل يوم في زود عطه فرصه
وهده ذا السنه وان شاء الله تشوف اللي يسرك بئذن الله

اخوى رجا آلحمود

مرحبا والله ومسهلا وشرفنى مرورك العطر ولك منى جزيل الشكر على ابداء الراى والله يجعل شيبانك فى الجنه

بسم الله الرحمن الرحيم


ماشاء الله عليه

أنا من رأيي دامك حبيت أنتاجه وتشوف أنه زين هده وتوكل على الله

وبإذن الله أن الله يبارك فيه وفي أنتاجه

ا خوى سعد بن عبد الرحمن مرحبا ومسهلا وكل عام وانت بخير وشرفنى مرورك العطر ولك منى جزيل الشكر

الاخ سعد مدام عندك فحل ثاني وانتج عند رفيقك بكره طيبه

اقسم البل بين الفحول والله يرزقك ويوفقك

مسيك بالخير ياولد العم
انا من وجهت نظري البسيطة انك تقسم البل بين الفحلين مثل ما قال اخونا غازي
وانت بالاخير منت خسران لان انتاجها كله طيب
بعدين احكم بين انتاج الفحلين وش الافضل
وانا مني الدعاء لك بهالليله المباركة ان الله يبارك لك بالحلال والمال والعيال انت وجميع اعضاء المنتدى وجميع المسلمين
وتقبل مروري
وكل عام والجميع بالف خير وصحة وسلامه