تفضلوا على عرضنا للعشاير المغاتير ,,وابشروا بالسموحه,,

تفضلوا على عرضنا للعشاير المغاتير ,,وابشروا بالسموحه,,

السلام عليكم
مسى الخير لجميع الاعضاء والزوار

عرضي لكم //

ثلاث نياق عشاير ناقتين عفر وناقه شقحاء
اضرب البعير الشقحاء وعفرا وعشرت ولله الحمد اما الناقه الثالثه فعضها البعير على عرقوبها وعافته
وحالياً الناقة ميسر ولكن البعير فادر فهي ضريبه طيبه ،،

النياق مقاني طيبه ومنتجه وبنت احدى النياق عليها 15 الف بمراحها وعينك دليلك

السن// ناقة ام ثالث متاكد منها والثنتين عن الشكه والذمه بقول ام رابع احتياطاً،،
الطبع // طبعها كااايف لو تمزع ديسها بالموس ما احتركت،،
الصحه والعذاريب // النياق سليمه شرط شرط وذمه ماعدا الشقحاء كان بها حضاه خفيفه لا تكاد تذكر وعالجتها منذ فتره طويله جداً وبرت منها ولله الحمد،،
البعير // النياق معاشير على بعير هويدي بن شويه (( ابل معروفه وغنية عن التعريف ))
ملاحظات // & البيع للنياق فقط من دون نماها .
& بعد الامطار والسيول والخير يالله لك الحمد والشكر ،، البل تمرغت بالطين داخل المزرعه ومغير حالها ووبرتها ولا غسلناها الى الان.

السوم // سيمت باسوام متعدده ومعاريض ومتفرقة وبعضها سيم اسوام عاليه وطيبه
ولكن راح اذكر السوم الحاضر وعليها جمله امس العصر بمراحها من شايفها وحايفها
من عين 7000 للناقة ،، والسوم الحاضر نقلد عليه ونقول زاد الله من زاد ،،

للعلم // البيع باذن الله سمح واقول ربي ارزقني وارزق مني
لكن /////// ارجوكم رجاء خاص انه مايسوم ولا يتصل الا الصامل
واللي بشترط الشوف اتمنى ما يحط سومته الا بعد الشوف عشان مايرفع السلعه على الاخوان الصاملين..
واللي بيشرفنا بالزيارة وتشريف المحل فعين فراش وعين لحاف ،،
وعسى الله يكتب لنا وللجميع اللي فيه الخير والبركة
الموقع // بالمزرعه غرب الرياض قبل المزاحمية..

















ابو عبدالعزيز
0542222507

اتوقع اني سردت جميع التفاصيل المطلوبه

الموضوع الأصلي: تفضلوا على عرضنا للعشاير المغاتير ,,وابشروا بالسموحه,, || الكاتب: خالد بن عبدالعزيز || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

jtqg,h ugn uvqkh gguahdv hglyhjdv <<,hfav,h fhgsl,pi<<

ماقصرت يابو عبدالعزيز وفيت وكفيت والله يبارك لك ولنا وجميع المسلمين
تحياتي

السلام عليكم
مسى الخير للجميع
للعلم ///
تم عزل الناقة اللي ما اضربها البعير
(( طبعاً الناقة هي اللي بالصورة الخامسة الاخيره ))
والبيع على الناقتين المعاشير فقط ،،
لذلك نبدئ المزاد من جديد
واللي له شف يسوم ولا يبخس الحلال

وعسى الله يكتب الخير للجميع