بناء على طلب مبارك ومحمد تفاصيل رحلتي لاوربا

بناء على طلب مبارك ومحمد تفاصيل رحلتي لاوربا

1/ فتحت النت وشفت موقع موبايل دي وموقع اوتولاين وترك وغيره
يوجد فيها تفاصيل عن السيارت المعروضه وصورها وموديلها والسعر... وارقام تلفوناتهم تلقا عربي قليل واكثرهم يتكلم انقليزي....

2/ بعدين خزنت كم سياره في المفضله ووطلعت تاشيره شنقن
وخزنت رقم 3 سوداني ولبناني وسوري
وكلهم مايقدرون يروحون معي الا اللبناني عنده سياره بيوديني اي مدينه باوربا
3 / حجزت وخذيت اجازه 3 ايام من الاثنين الى الاربعاء وكملتها الخميس والجمعه رجعت علشان الدوام لان اجازتهم السبت والاحد
4/ مشيت الاحد 10 مساء وصلت دبي وجلسنا ساعتين ثم الى مطار فرانكفورت الالماني 7 الصباح استقبلني اللبناني ابويونس وكان فيه كويتي جاء قبلي ورقد في فندق في المطار ينتظروني نطلع سوا لان المسافه من فرايبرق 300كم
5/ طلعنا لكم معرض بالمانيا مالقيت السياره الي ابيها
اليوم الثاني قلت للبناني لازم نطلع فرنسا فيه سياره شفتها في النت جيناهم ماعجبتني طلعنا لفينا المعارض ماشي يصلح وخوينا الكويتي طلع مع لبناني ثاني
سرحنا من ذي غد الى هولندا كم معرض مالقيت الي في الخاطر
طلعنا اليوم الي عقبه لبلجيكا استاجرنا فندق وصلينا الفجر وفتحت النت واستخرت الله سبحانه بين سيارتين عارضها في النت بسعر وكاسرناه وصف لنا مكانه وحطيناه على قارمن ومشاءالله الى نفس المعرض للباب
وشفت السياره وشريناها
ارجومن الاخوان عدم كتابه اي تعليق لان الموضوع له بقيه اكمله لكم باكر انشاءالله تصبحون على خير

الموضوع الأصلي: بناء على طلب مبارك ومحمد تفاصيل رحلتي لاوربا || الكاتب: احمد الشهراني || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

fkhx ugn 'gf lfhv; ,lpl] jthwdg vpgjd gh,vfh

رحت بشتري فلفو420 مع براد ستاندر لان قطعه متوفر ورخيص النضيف ينزل اليوم ويسحبونه التجارمن بكره خاصه السعوديين حتى في اوربا ههههههه ماشاءالله
فقررت اني احط الفلوس كلها بمرسيدس وماكفت اشتري براد ودفعت الفلوس كاش وخذيت الاستماره وقلت ودنا نشحنها علشان اخذ البوليصه معي اثره يبي لها وقت وانا رحلتلى بكره قال صاحب المعرض انا بكتب لك في العقد ان علينا نوصلهابسواق لمكتب الشحن ...الميناء سعر الشحن 3200 دولار لجده 12000
والخيره في ما اختاره الله
الملاحظات / 1 / نزلت المطار وماسجلت المفروض تسجل الفلوس معي 32000 لو فتشوني خذو منها 19% ظريبه عاد وانت سعودي تحقيق ...
2 / شريحت جوالي زين شحن فصلت الخدمه وانا كلمتهم قبل اسافر قالو اوكي ازهل تام وتاخرت في مطارفرانكفورت ساعه ابي حد يعطيني جواله اكلم اللبناني رفضو كلهم منهم واحد سوري او لبناني لين عينت كبينه يالله عرفت ادق الرقم وشريت من هناك شريحه ونزلت مطار الرياض وهي باقي تشتغل حلوااااا وسلوااااا
حاولت من بنك دتش الالماني انه يفتح حساب رفضو حتى الكويتي لانك زائر لهم فرع في برج الفيصليه الدور يمكن 26 الي يبي يستفسر يمرهم ازين
3/ الي يبي يسافر يشتري لازم تاخذ بوليصه الشحن او فاتوره الشحن معك هي والاستماره لان فيه قصص كثيره من سرق ونصب حدث ولاحرج ولاترسل فلوسك لان فيه ناس حاولو ارسلهم ههههههههه مايدرون ان مغير معزا تضحك على ذيب قحم هههههههههههه فتريض يومين خذ سيارتك من المعرض واشحنها وخذ اوراقك وتوكل على الله خاصه وانت ماتكلم اقل شي انقليزي المشكله من المترجم الي معك او السمسري خاصه اذا كان شامي او مغربي تونسي مصري وانت ماتعرفه قبل لان فيه كمثال سوري راح له واحد من هل جده معه 400000 اشترا سيارتين ويوم جا بيشحنها قام يتلوا به لين ضيع وقته وقال رحلتك بكره خلها انا بشحنها لك وشحنها رجع لهم السعودي ماخلا مكان بعد 3 شهور قالو سياراتك خذاها خويك وداها للشحن راح للشحن حصل اوراقها ع سوريا وراح حقه والنظام لايحمي المغفل
4/ اللبناني جيته بشهاده واحد رمثي يزكيه ورحت على كلامه واشهد انه طيب لكن في عجله وهبلت في الرجال هههههههههه ماصدق اني اشتري سياره ويفتك منى لاني غربته عن هله 4 ايام يقول اول واحد يسوي في كذا بس اني دسمت شاربه فلازم تشترط قبل تروح بكل شي
الي يتكلم شوي انقليزي ويعرف لقارمن ينزل المطار ويستاجر سياره ويحط الاحداثيات وشيخ نفسه
5/ نصيحه الي بيشتري ياخذ سارات ايطاليه مثل الي شريت تجيك فل ابشن سووووبر ولاتاخذ من دول اوربا الشرقيه والمعارض تزود بالاسعار تقريبا الى 3000 بس انت سم بالسعر الي يخارجك
6 / الفرق في الشحن لان بلجيكا ارخص يمكن ب 2000 يورو عن الباقيه وسعر الجمرك 12% من سعر السياره وهم يقدرونه تقريبا
12000
7/ هذا رقم اللبناني ابو يونس 004917620719934 يتكلم عده لغات وسواق معه مرسيدس ديزل ويكاسر المعرض في السعر ودليله
وهذا رقم ابوحسين ولد عمه 00491717384030
وهذا ارقام محولين العمله في الرياض الصرافين 0567517814 الكثيري
باكرمان 014144909
عقيل 012864202
عقيلي 012871288
وهذا اقربهم واطلقهم حول معارض النسيم النذير 012316888
هذا الي اتذكره واي خدمه انا حاظر الي يبي يسال عن شي نسيته يتفضل
ابحاول انزلكم صور اذا نزلت
وتصبحون ع خير

الحمدالله على السلامه اخوي احمد
كفيت ووفيت
بس ما علمتنا اسعار الشاحنات وموديلاتها
والسمسري كم له تقريباً
وكم كلفتك السفره تقريباً من تذاكر وسكن ومواصلات
لان هذه كلها تدخل في قيمة الشاحنه الى وصولها

الحمد لله على السلامه - والقصه فيها نوع من الطرافه والغرابه

يامرحبا بابوهاشم والحويقل ,,,, والله يسلمكم من كل شر
انا يالربع ماسافرت الا ابي اريح اخوي والسياره له شخصيا وكل مارحنا لمعارض السلي ولا جده ولا الدمام وشفت له سياره ومدحتها ههههه قال ابدا مابيها لازم تكون له كواسح كامله وتانكيين وثلاجه وممشاه قليل وبفرشاته وجنوط نيكل مكيف استبنه زنون مافيه صدا ولا دقوش ولا رشه......
بالنسبه للسمسار اللبناني ياخذ 150 يورو تقريبا 750 ريال في اليوم وتعبي له السياره ديزل قيمه اللتر ب 1.5 يورو يعني 7 ريال
والاكل خلك نضام خواجه بس ماينفع معنا لازم نحاسب
وبالنسبه للفنادق الغرفه من 45 يورو الى 70 هذي اللي سكنا فيها وفيه ازود
جلست خمسه ايام ويوم السبت كلمني اخوي قال غبار واجازه
حولي 160000وانا في الرياض منها قصيت التذاكر 3500 تقريبا رايح جاي شريت له قولو ماشاءالله اكترس 1846 موديل 2007 ب 29000 تقريبا 147000 +24000 =171000 سعرها في معارض السلي 200000 تزيد ماتنقص وهو مايدري ولاسالني وش شريت يقول اهم شي ترجع سالم ويم جيت عطيته العلم ماصدق قال احسن من الفلفو اقديت وريته الصور قلت هذي المواصفات الي تدورها وحده وحده
الي يبي يروح لازم يسعر اول وينشد بعدين المعارض عندنا تجار يشترون بالجمله ولا يجيبون الزين يشترون برخص اي سياره ومكسبهم من 40000 وطالع
باقي معي بالريال تقريبا 10000 صرفت 7500 والباقي منها 2500 رجعت وهي بجيبي ذيبان هههههه
بخمسه ايام طلع سعرها وبسفريتها 160000 +24000 =184000
وهذا رقم ابوطلال سوداني في هولندا 0031619041167
وهذا رقم احمد سوداني في هامبرق00491738223419
وهذا رقم المخلص الجمركي في جده ابو علي 0560888751
والسمسار اكيد ماظلمهم ياخذون عموله من صاحب المعرض لانه يرطن معه وانت ماتدري وش يقول فانت اذا عزمت اشتر بالسعر الي يعجبك ولا عليك من مدحهم السياره الي يبي الرخيص في بلجيكا والزين في ايطاليا والي بيتاجر يشتري جمله لان سفرت ع حساب وحده بتروح في مشوارها وتذاكرها الي عينته منها تمشيه
لان فيه ناس يقولون عطنا قيمه السياره وناخذ عليك 7000 ونجيبها ويقولن فيها بعد غش واذا جات السياره حصلته غير اما مصدي ولا فيه بلا طيب وش يضمن حقي عندك والناس عجزت في المحاكم رح بنفسك وريح راسك بس اسبوعين اظن تكفي ومناسبه لان ابويونس يقول رح وارجع بعدين نحصل طلبك قلت ابشر واقول في خاطري ماهوب على كيفك ابشتري هاليومين اوريك دربك وطرق على خشمك هههههههههههه
اسماء المواقع كثيره بس يقول تغانا من اعرس عقب ماشرينا

هذا رقم واحد ترجمه بالبنق للعربي واختار الماركه والموديل والمواصفات .... http://www.mobile.de

وكذلك هذا كويس http://autoline-arabic.com/autopl.php
اتمنى لكم التوفيق مادامكم بخير حنا بخير واي خدمه حاظرين وبالمناسبه عندي ال بي 88 1935 شغال بعقد باقي سنتين في سعودي ردي مكس 3 ردود في اليوم يصفي لك 19000 والسواق راتبه 4000 ولوعندك هندي ع كفالتك يصفي 22000 للبيع بعقده دوروا لي زبون صــــــــــامل فقط
سيم خارج الشغل ب 170000 من شريطي والله يكتب الي فيه خير

تعبت من القراءه يااحمد
بس ممتعه الرحله
السوال العايدي المرسدس البوز النظيف كم يسوى؟؟
ياليت توافينا بالاسعار التقريبيه

ارحب
بالنسبه للبوز راح زمانه يدخل الكويت عندهم اخر 20 موديل يعني من 93 وطالع
لسعوديه من اخر 10 موديلات فقط يعني من 2003 وفوق

مساك الله بالخير يااحمـد ..
وسلامة الاسفـار ..
وجعلك عايد وفايد .
سؤال موجه لك وللاخوان جميع:

السقس الفلفو موديل 83 فقسه ودبل من مبيوعات الدفاع لونه اصفر نظيف جداً كم يسوى ؟

طيب اخوي احمد/العايدي 2003 كم يصل الى السعوديه وياليتك تعطي نسب تقريبيه لاكثر سيارات الحلال - وبصراحه ازريت اقارن ارقامك اللي بالتقرير [عموله - سمسره - سكن - تخليص جمرك -ههههههههه]
موفق ان شاء الله

يرطن معه ههههههههههه شايفهم حمام
حمد الله على السلامه يخوي

الحمدلله على السلامه
لاهنت ياالذيب على تفاصيل الرحله

الله يسلمك من النار يامشعل
سعر الفلفو سكس مدري والله بس الي يمدحونه من يوم وصل موديل 90 وفوق

والعايدي اسمه اكترس 2003 تعينه جاهز بطاقه جمركيه في المعارض من 120000 وفوق حسب نظافته ولونه ادخل الروابط الي فوق تعين الاسعار والصور وكل شي وتلفون صاحبه زد عليها تقريبا 24000 جمرك وشحن وتعرف قيمته وترا بينقص لك لو دقيت عليه
وان بغيت موتر للحلال رح للكويت نق اطلق راس ارخص من السعوديه ب 50000وخل راعيه يكتب لك مبايعه وخله يبقى باسمه
الله يسلمك ياعارف الاجانب استغلال هذي فرصته ونا جاي لحده هههههه البصير اعمى ولوكان .... اكمل نسيت

الله يسلمك يافيصل ولاتهون

الحين الراس في بقيق طالعين عليه من جده بلا لوحات يوم الجمعه ولاحد قال وين رايحين الي له شف حد 220000 هههههههه الا يدل على قيمته انا ماشريته غالي الا قصد ابغا ارفع ظغط مهايطي بارامكو جارهم ولا كان اخوي يقول لاتجيني بالراس الا والبراد معه علشان
جمركه 5% قلت ابشر بسعدك ههههههههه

موضوعطيب وكاتبه اطيب
بيض الله وجهك

وصدف اني بروح بلجيكا هالاسبوعين والموضوع طيب بالنسبه لي وشاكر لك جدا

استفسار

علوم a 6x6 6x8 8x8
موديلات التسعينات
اقيامها ونضافتها باي دوله
وعلومها

وشاكر لك

ووجهك
اختيار موفق رح للرابط الي فوق واختار بلجيكا ونوع الاكسل الي هو المحاور 2و4و6 و8
والماركه وتجيك الاسعار وكل شي
اما الموديلات انت ماقريت الموظوع كامل
السعوديه مايدخل الا اخر عشر موديلات بالشهر مثلا حنا بشهر 6 ميلادي واظرب حساب فتره الشحن يمكن تزيد عن شهرين فخذلك من موديل 2003
والتجار هناك يشترون من اوربا الشرقيه لتوانيا تشيك وبلونيا وووو لانها ارخص
ترجع بالسلامه

انا بالكويت طال عمرك وشاكرلك يالامير
يدخل عندنا الموديلات اللي علمتك