خايف على الحواره يالربع ,,, ابي حل

خايف على الحواره يالربع ,,, ابي حل

السلام عليكم ,

اخواني عندي بكره شقحا مزيونه ووراها مستقبل , والانظار عليها ,, ولااعلم ماذا حصل لها

اللحواره مالها شهر ونص وكانت طيبه ,
وطال عمركم الان ,لها حول الاسبوع , بس مرخيه رقبتها بشكل الوسط ماهو مره ولاهو على طبيعتها واحس انها تشتكي من راسها

والبكره ماتداني الناس اللي يقربون لها وتنحاااش يالله نردها ,, وتلقاها فحمانه ولها زبد وكانها تغرغر وفي حلقها شى ناشب يومها ترغي طبعا لحظه طرحتها
والبكره ترضع امها ولاعندها خلاف وهي بهذه الحاله

وواحد من العمال يقول انها عضتها ناقه مع راسها ,, وطرحت البكره وفتشت في راسها ورقبتها ماشفت مكان للعض ولا شى

وقلت يمكن الطير اللي يصيب الابل هل هو يصيب الحيران حديئه الولاده واذا كان الطير هل الصفات اللي ذكرتها لكم تطابق مرض الطير اللي يصير في الابل

مع ان سبق صارت معنا في ابل كبار وماتاخذ يومين ثلاثه الا وتموت والطير اللي اعرفه انها ترفع راسها


افيدوووني

الموضوع الأصلي: خايف على الحواره يالربع ,,, ابي حل || الكاتب: متعب العمار || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

ohdt ugn hgp,hvi dhgvfu <<< hfd pg

[عبدالعزيز بن متعب]

يا خوفي ابا المناحر

اذا البلا في راسها يمكن ناشب في حلقها عود من القشع او البرسيم .. او انها داخل اذنها قراد او بلا ..
ويمكن البلا في صدرها او بطنها .. تاكد اول انها تشكي من راسها .. والله يشفيها ان شاءلله

العين حق

اذا البكره مزيونه على كلامك خذ لها عزايم وماء مقري فيه واسقها منه ورشها

والله يشفيها ويرزقك منها ..

البكرة مروعة من ادمي
الطير نقص فيتامينات
العين حق
اذا زبده بزود ممكن مقروصه
نصيحتي لك عطها ثوم في لقام او في خبز

الله يشفيها هل الحواره ظامر اذاهي ظامر ترى في حلقها كيس

ياعبدالعزيز ابا المناحر وشو

واخواني ماقصرتو ,, والله مدري الله يعين لكن حتى لو ناشب في حلقها شى ليه تجفل من الناس وشوي وتكسر اذا شاف ادمي قرب منها

ومن ناحيه ضامر فهي ضامر ,, وكان اول فيها ذراق وراح وبعدها صابها البلا هذا

اذا البكر ه يزبد فمها اكيد المشكله بالعه شي فتش فمه وتحت لسانها واضربها بيدك علي محل الذكاه ضربه قو يه اذا حسيت انها بتطرش اكرمك الله اكيد المشكله بحلقها وانتبه لايكون باذانيها شي



اذا طير عطها كوربرال 25 وريد وا25 بفمها والله يطعمك منها

السلام عليكم يامتعب اسف على الاطاله برك الحواره ونزل راسها للارض وجيبلك علاق الثياب وفكه ودخله بحلقها الين ياصل تقريبا الى منحرها وشف هل يدقر اوتحس بشي في حلقها مجرب وشكرا

يامتعب احرص من الحرارة

وسبحها وعطها خافض حرارة

والله يباركلك فيها

اخوي متعب اعط الحواره مضاد حيوي تراماسين واعطها ابره فيتامين B1 500
وفتش حلقها لايكون فيه كيس او قماش

العين حق

هذي الحاله قد حصلت معي
العلاج
اعزم الرياجيل الي اعجبتهم وخل عاملك بعد العزيمه يغسل الفناجيل الي تقهوو منها
وياخذ الغسيل حق الفناجيل ويشرب البكرة منه ويرش على راسها

بما ان البكرة تنحاش منكم ولاتداني حد يقربها فالاحتمال الكبر ان وحده من الابل معورتها في راسها وليس بالضرورة يكون فيه اثر واضح للضربة

وهذا قد يسبب لها التهاب في الراس

انصح باعطاها مضاد حيوي مناسب مثل البنسلين ومضاد التهاب وخافض للالم مثل Dexaphynalarthrite