ياعيد ...... ياعيد

ياعيد ...... ياعيد

ياعيد لاتبخل عليه برأيـــــــــك ......يوم ن رايك مع هل العرف مبروك


سمعت عنك بطيب واليوم جايك ...... ابيك تفزع لي بعلمك وانا اخوك



السلام عليكم ورحمة الله وبركاته

الاخوه الاعضاء عامه والاخ عيد المنصوري خاصه ... من غير قصورٍ في الجميع

عند خلفة انتفخ اول ماشرهت عليها في شي ترعى وتعلف مافيها شي غير انتفاخ الديس ...ولاصار علينا برد لاحظت انها ماتعلف مع البل تجي ورى المواتر تنخش عن البرد وتبرك بركة اللي تمغص

ولا عطيتها لاكثير ولا قليل غير غسلت ديسها مرتين وكنه خف وخليتها ماعاد عارضتها قبل ثلاث ايأم يقولون لي العمال انها عطفت على ولدها وعقب بركت وتمغصت شوي وقامت وهي تحن وتهج شوي وتقف سوتها ثلاث مرات مدري اربع وعلفت هاك الليل ماكن فيها شي

ومريت البيطري وقال لي هذا الوريم وعطاني ابره مدري وش اسمها كرتونها ابيض وان كان ماني ناسي اسمها فولمكس او حول هالاسم قال طقها خمسين سم اليوم وخمسين بعده بيوم يوم ورى يوم
وطقيتها ومشيت للديره وكلمت العمال يقولون انها طيبه ترعى وتعلف

لكن اليوم كلمتهم يقولون لي لاحظوا عليها انها تمشي كنها مقيده وهي ترعى وتعلف زين وديسها منتفخ مثل أول


ولاعاد ادري واانا اخوك الناقه غاليةٍ علي بالحيل ...وش الرأي

الموضوع الأصلي: ياعيد ...... ياعيد || الكاتب: فهد بن خميس || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

dhud] >>>>>> dhud]

مرحباا يافهد وين مكان ضربك للأبره إذا كان قدام فهذا الي خلها كنها مقيده كمد مكان الأبره بماء دافي وملح وماتشوف شر بأذن الله

الابره ضاربها في الخويرم

والخفله كل يوم يطيح من لحمها

الله يشفيها شفا من عنده فهو المشافي والمعافي