طلب مشوره في قعود ونبي حل لطبعه

عندي قعود نفس الحاله مفرود حق ويوم دخل لقي تغير وغدى مافي ابرك منه من يوم خطمناه وقيدناه وصرنا نقارد له
انت عليك بالقيد والخطام وقارد له ولاتضربه ابد

الله العالم ما يتغير

والله العالم اللي بيغير طبع العض عنده انك تحط فيه بلام

امحق مابه القعود اذا تعلم العض من صغرة لانه بيلعب في العرب والبل وبيغدي اكول

والله اعلم

أبو غنام

أنصحه بثنتين

الأوله الصريمه والحبل القصير

ثانياً عليه بالتراز الحار الاحمر بس بشرط
أذا دخل الشبك راعيه أو العامل وشافه يبغاه يعطيه ملي يده ولا يخليه يلفضه
وأذا شافه هادي يخليه لايعطيه

أتمنى لكم الفائده

نصيحتي لك

هجر القعود وفكه مع البل عشان يزين خاطره واذا رجع اعزله واذا عاند لاتضربه, خذه بالمهاود لين يرجع , وكل الفحول تعاند ليا جيت تبعده عن البل

اما اذا شفته عطاك نحره وناوي شر خل معك عصا واضربه لين يرجع من نفسه , اما غير كذا لاتضربه

رفع الموضوع حسب طلب صاحبه

مرحبا يا بو غنام
والله واعلم من غير مشكلة القعود حصلت مشكله ثانيه وهي اختلاف اراء الشباب فالله يعييييينك
الله اعلم ان القعود ما يسوي هذه الحركه الا بمجرد المداعبه وبوجود الثقه انك لن تأذيه
فأنا رأيي ان القعود لا يدخل عليه الا العامل وانت فقط وتكون منتبه ومع هجوم القعود عليك تضربه بضربة من حديد
على الرقبه والحاقها بالضربة الاخرى
ويكون العامل معه رسمي جداااا ينزل علف ويطلع برى الشبك مع الانتباه من غدر القعود وحتى لا تكون عاده
ومعنى رسمي هو ان لا يستلطفه ابدااا ولا يقارد له
الملاحظه : من الافضل جعل القعود يخاف العامل
شكرا

لعل الاخوااان افادوك يابوغنااام

مير انا اقول لك سوى اللي تسويه الا انكك

تخطم الفحل ولا تعسفه انتبــه

ومايخرب القعدان الا المقارد خله معه رسمي على قولت ابوشهااب

وشيبننا الله يرحمهم خابر لمن جاهم القعود طردوه يقولون المقارد يخربه

بعكس البكار

الخطام ماغيره والقيد وتسحبه وتيره مقيد حتا يركد ويطابع

نصيحه القعود لاتقرده ولاتضربه الى اذا بغا يعض ولا يتهبد
اضربه على طول بلحضت الخطا اللي ارتكبه
واذا ضربته لازم ترغيه وخلك حازم معه دايم