حاجه تفشل في المزاينات / استحوا يا شيبان

يا فهد العضياااني اعرررض وانا خووك مافيها شي انت من وسامة العموود اهل عمهوووووج واهل البل منول وذ الحين

سعد والله منهم ربعه

والله يالربع مانلومهم لو يلعبون ويعرضون

ياخوي حنا والله لاباريناهم على سياراتنا وحنا مانعرف راع البل مايدري الرجال إلا وهو يهوس وشايش بدون شعور
خصوصاً لاشافها تداحم على رحولها والعيال قدامها يدوب يردعونهاااااااااااااااااااااااااا

ومن تقدير راع البل لربعه وجمهوره اللي مبسوطين ومتنومسين بفعله لابد يشاركهم تقديرا لهم ويشوش لاشاف هالعالم كلها متجمعه علشانه

لكن يمكن لو تكون العرضه واللعب مرتب وبدون عشوائيه يمكن يكون احسن ..

وسلامتك يافهد ..

الناس تفرح في الاعراس
وتفرح عند ابلها
وعرضة الشيبان مافيها شي
فرحين متنومسين
الشايب انسان مثل الشاب من حقه يعبر عن فرحه
وكل شاب مصيره المشيب
لماذا نستخف بالشيبان ونصفهم بتلك الصفات !؟
مادام فرحهم لايتعارض مع الاداب والسلوم فمن حقهم يفرحون
البعض تعب وشقى عند ابله فمن حقه ان يفرح .
لاتسيؤن الظن ! ولاتدحلكم الغيره والحسد , تخيل انك فائز وتأكد انك بتفرح لابلك وربعك
الله يديم الشيبان فهم المحافظون على التراث وهم الاباء الذين انجبوا هذا الجيل .

أنا لست مع أو ضد في هالموضوع ولكن أقول أن الشي اذا زاد عن حده انقلب ضده

كلن ادلى بدلوه بالموضوع

اللي اختلفوا معي واللي اتفقوا معي

كانت جميع الردود فيها الاحترام

اهني المنتدى في هؤلاء الاعضاء

الرااااقين في ردودهم

والله يحفظكم ولايحرمنا منكم

وتقبلوا أجمل تحياتي

المشاركة الأصلية كتبت بواسطة مشاري الفهاد

القصاااايد المثيرة للنعرااات القبليه

+

المسيره

+

الهيلمه

+

الهيااااط

= خيط ميط

هل هاذي جميعهااااا أما يغني عنها حضور صاحب الإبل وإبله ويزاين ويتوكل على الله...........

ثلاثة أربااااع المزااااينين في أم رقيبه ليسوا بأهل إبل ولا يدرون وين البل ملقيه........

اللهم أنها ضاااااقت القرووش عليهم وقالوا خلنا نحطهااا في الإبل ويمدحوننا الشعاااااااار وحنا هل البل من قديم وحنا وحنا وتعرفوون عااااااد الشعااااااار والمرتزقه...........

لكن فرصتكم ياااشعاااااااار قولوا واسترزقوا من هالأمواااااال اللي ماهيب برااااايحه مع صاااااحبها في قبره سوا العمل الصاااااااالح...........

يالله عطاً برضاااك ياحي ياقيوووووووم ولا تؤااخذنا بمااااااااا فعل السفهااااااااء منا.............

عزالله صادق يا مشاري

يافهد العضياني حطيت عينك على شيبان البدو وماشفت اكبرها واسمنها تدق الطبول فوق راسه ويلاعب بشته وسيفه بمهرجان او غيره ! ترى الدعوه بسيطه

ةلاتعطي الموضوع اكبر من حجمه ولاتشوف بعين وتغمض عين وكلها افراح عسى الله يديم الافراح على المسلمين في كل محل ولاهنت على الطرح الراقي

عجبتني سالفت النخوه و الشهامه

ياخي كل شخص يعبر عن فرحته بطريقته

انت وكيل ابناء ادم عشان يجوز لك ولا ما يجوز لك

انا ضد هالشئ....

لكن اتوقع بعض القبايل معرووف عندها هالاهازيييج والرقص
من قديم الزمان...


واذا السالفه فيها شك وريبه
فـ القنوات الفضائيه اللي عرضت هالشئ يلحقها ملااااامه

أنا ضد المطامر والهبال والهياط اللي ماله داعي.... رأيي واحترم بشدة الآراء المخالفة

انا اتفق معاك وكلامك سليم

لاشلت يمينك اخوي فهد على هالموضوع وجعله الله في ميزان حسناتك يوم تلقاه

مع فائق الاحترام للي يزاينون ولا لهم اقارب يزاينون ولايزعلون مني لكنها وجهة نظر من يوم دخلت علينا هالمزاينات مع باب والبركة طالعتن مع الباب الي قباله ام رقيبة قبل المزاين اول نقطة مطر تنزل عليها وهالحين تروع واسلوا وبكل تجرد اية ابن قبيلة سوت قبيلته مزاين وش صار موقع المزاين وأسالوا الضعوف الي مهلكتهم الديون وذابحهم الجوع وابن عمه ولا أخوه يزايط مع المزايطيه وقف عليه ولا نشد عن حاله عزااااااه والي حوله يمكن 80% ما يقربون له وتعرفون وش يبون به وحتى بعض الاقارب عقارب ولا أقول هلك الناس والخير في أمة محمد الى قيام الساعة يأخوان ابراءو لله من هالاعمال الي ماأرد بها وجه الله الا الي ربي راحمه وأعلموا انكم بين يدي الله موقوفون وعن أعمالكم محاسبون وختاما أدري أن بعض الأخون بيزعل مني لكن الكتابة أمانة أسأل المولى بمنه وكرمه ان يبرئ ذمتي ووالدي وأخواني وجميع المسلمين اللهم لاتؤاخذنا بما فعل السفهاء منا آمين آمين آمين

اللهم ان لنا أخوان الهتنا دنيانا والتعلق بها عن إعانتهم ووالوقوف معهم وانك لتعلم ضعفنا وقلة حيلتنا وهواننا على الناس اللهم ياحي ياقيوم ياذا الجلال والاكرام لاتعذبنا ولا تسخط علينا بتقصيرنا معهم ودلنا برحمة وتوفيقك على الخير وأجعلنا مفاتيح للخير مغاليق للشر آمين يارب العالمين

والله انك اصبت كبد الحقيقه والله يوم اشوف بعض الشيبان يقامزون بطريقة هستيرية تنقصهم ماتزيدهم لاحول ولاقوة الا بالله ...

السلام عليكم ورحمة الله وبركاته
يعطيك العافيه ....
كلامك صحيح ((لكن كلن بصره وكيفه ))
قبل لا انتهت الحرب كانوا يرزفون ويلعبون اقصد طبعا كسب الابل اللي ماتوا عندها الشيبان عشان صفر العراقيب
واما بالنسبه لراعي الابل عادي لان هذا ناموس واحتفال وتحركه المشاعر وربعه يلعبون معه وشاش معهم وين المشكله لاهوب حرام
ترا الكل يعلب بالعصا (والسيف) ! يعني الكل سواسيه
وبعدين ذي الابل سحر البدوي مايصبر من دونها
حي اللي يلعب عند ابله وجابتله الطايله والعز والناموس ولابعض الشيبان يالله حسن الخاتمه بس

اذا هذي حاجه تفشل!!!!!!!!!!!!!!
اذا ما هو المقياس الذي يحدد اذا كان هذا يفشل او ما يفشل اخشى ان ياتي يوم نلبس عبايه ونسكر باب البيت و لانخرج للشارع الا بتصريح من الاخوه المنتقدين
ثانيا لماذا تحين الفرص لتجاوز على القبائل وكأن لقب قبيله تصريح مفتوح للتهم والنقد والسب والقذف لا حول ولا قوة الا بالله
حنا مسلمين يجب علينا الامر بالمعروف والنهي عن المنكر
اما المباح فليس من العدل ان نجعله مدخل لمن يريد الاصطياد في الماء العكر ويمارس هوايته
والحقيقه ان من يثيرون النعره القبليه هم اناس دخلاء على القبيله وتأكدوا من كلامي بانفسكم