مبروك عليك الخساره دنيا وآخره

مسروق , ناقه , ضايعه

مبروك عليك الخساره دنيا وآخره

الى كل من يحفض الهمل ايا كانت حجته نقول له مبروك عليك الخساره دنيا وآخره والله لآ يبارك لك بلغت او ما بلغت
انت ما تعرف مدى معانات اللي يدور لحلاله واي بهيمه تحفض يموت ذكرها بلغت في منتدى بلغت جيرانك ناديت بالجهاز كلها حجج واهيه.
اتقوا الله واتركوا حلال الناس كما امركم نبيكم عليه الصلات والسلام

الموضوع الأصلي: مبروك عليك الخساره دنيا وآخره || الكاتب: محمد ساعد || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

lfv,; ugd; hgoshvi ]kdh ,Novi

جزاك الله خير

كلام عين العقل وانشاءالله كثير من الناس فيهم خير ويردون الحلال لصحابه

جزاك الله خير
ليتك تفيدنا ان كان كلامك عن علم وعندك دليل من الكتاب والسنة انه مايجوز احفظ الذهيبة مع حلالي
انا عندي ذهيبة دخلت مع حلالي وخليتها اتحرى يجي من ينشد عنها واعلنت ونشدت الي حولي بالمنطقة وماجا لها نشاد
اذا كان مايجوز احطها بشبكي عطنا الدليل

الاخ ناصر هذا حديث عن الرسول صلى الله عليه وسلم عن ضوال الابل

* موقف الصحابة من ضوال الإبل، فقد جاء في الحديث الصحيح عن زيد بن خالد أنه سأل النبي (صلى الله عليه وسلم) عن ضوال الإبل فقال النبي (صلى الله عليه وسلم): «ما لك ولها، دعها فإن معها غذاءها وسقاءها، ترد الماء وتأكل الشجر حتى يجدها ربها»

ولاكن نصيحه اسال احد المشايخ يفتي لك فيها افضل

والله يا الربع اشوف ان ظمة الهامل في وقتنا الحالي والتنويه عنها ان شاالله انه احرا للاجر
اول شي ان القاع مافيه لا شجر ولا حتى عود يابس والما اذا ما اسقيتها من وايتك من وين تشرب
وثاني امر ان الهامل خطر على المسلمين وخطوطهم وكم عايله وكم مسلم راح ظحيه الهمل في اليل

يامحمد ابن ساعد كلن على نيته ان كانه طامعن بها فجعل ربي لايوفقه وان كانه يتحرى راعيها ويبلغ عنها فجزاه الله خير

فيه فرق ياخوان بين الي طامع بها والى حافضها وينشد عن صاحبها الهامل اذا ما اسقيتها ماتت لا وبعد تنجبر انك تعلفها وبعض الاوقات تعالجها عن الجرب خوف العدوا لين يجي صاحبها
اما الي يلفتها بمكان او يدسها لغرض اخذ مبلغ مالي ولا يذكرها لحد اوطامع فيها فهذا شي ثاني لانه يتعب راعيها بالدوره ويعرضه للخطر وربما للموت في النفود والحر فمالله موفقه وهذا حاصل كم واحد يسال عن حلاله لشهور واذا عطي عليها فلوس تطلع بايام قليله وقريب بعد

طيب واذا جاتك ناقه في قاع خلا ولاحولك حد من العربان والا الابار وميته من الضما والجوع ويش بتسوي بتطردها وانت خابر مافي القاع شي من العشب ولابخابر ماء قريب.
اكيد بتطعمها وبتسقيها اجر في ذا البهيمه،وبالنسبه اللي طامع كلن ونيته واللي له نيه يطمعها هذي سرقه وبيسرق غيرها بعد في وضح النهار .
الصحيح ينوه عليها في كل مكان والوسائل الحديثه موجوده سهلة الانتشار ويخليها عنده يطمعها مثل حلاله ولايبيع ولايحل له شي منها ابد

انا اشوف ان الرجل اذا ضمها ونوه بها هذا علم طيب وشوي اللي بيسويه

واللي بيسقيها وبيخليها على فالها جزاه الله خير

اما بالنسبه للي يدور مطمع من ورى الضايعه فلاحول ولاقوة الا بالله

يا اخوان جزاكم الله خير نيتكم طيبه كفيتو وفيتو
بس انتم تكلمون عن راعي ابل اهله وجماعته اهل ابل وعايش بينهم ويعرف الديره واهلها ويعرف طبيعتهم انسالت راعي الحلال قال رح اسال الراعي وانسالت الراعي قال انت وشتبي بالراعي والراعي يقول انتظر راعي الحلال الى العصر وسئله واحد يقولك دور في الحلال و واحد يقول لا تقرب من الحلال وكل واحد يبيك تكلم بلهجته و يبيك تعرف كل الوسوم حتى السوداني ييبيك تعرف كوس ليها تبات في الخلا والديره جنبك وتمشي في الوعر والطريق جنبك نظرات الشك والريبه والاحكام المسبقه تقطع مئات الكيلو مترات مره تغريزه ومره حادث ومره عطل الناقه فاطر ما تسوى ثلاثه الاف و ضغط وسكر وقولون و يقولون و سبحان الله دايم تلقى اللقحه بعد ما تلد ويموت ولدها اذا ضمها واحد اجودي واذا ما ضمها الاجودي تلقا ولدها معها
يا اخوان الناقه تاكل الشجر و اكرمكم الله تاكل البعر و لا تموت من الجوع والضما وللعلماء اقوال فيها كثيره اقل شي خلها تهمل شهر او شهرين واذا تبي الاجر اسقها واطعمها وابعدها عن حلالك لكن تحطها وسط الحلال وتقول اذا جاكم واحد يذكر الفروق السبعه الله لآ يبارك لك
اغلب اهل الابل صدق يقول لي اذا عدى على ضياعها ثلاثه اربعه اشهر تشوفها ما تعرفها وهذا صحيح في اغلب الابل

يالربع الي تحفظ ضالة الاغنام ولكن الابل لاتحفظ ولا تعترظها.

واحد وجد له حوار تاركته امه في الخلا وحمله في سيارته وكلف صبيه بالحلب له من الابل وارضاعه

لين كبر ونشد الشيخ يكف اتصرف فيه قاله مالك حق ان ترفعه من مكانه الي وجدته فيه ولا يحل لك ذلك فكيف

بنا ان نعترض بعير كبير ونشبكه ؟

المسأله ماهي على النيه هذا شرع ضالة الابل شرعا لا تؤخذ ولا تشبك لاي سبب تبي الاجر اسقها واعلفها وخلها تروح
كل القضايا بالمحاكم على الهمل بين طرفين تصير ضد اللي حفظوها او عالجوها او اعلفوها طال الوقت او قصر
بالنسبه للي منها خطر تشكل لجنه من امير المنطقه او المحافظ وتشبك اذا كان عليها وسم يعلن عنها فتره ويحضر صاحبها واذا ماعليها وسم يعلن عنها فتره تقررها اللجنه وان لم يحضر لها احد تباع بالمزاد بحضور اعضاء اللجنه وشيخ الدلالين والمبلغ يقيد بوصل عن طريق البنك باسم وزارة الماليه
هذا الامر المتبع في امارات المناطق والمحافظات