إلى كل من يملك المعلومة عن فحولة الشيخ عليان الطهيمي تفضل مشكورا

إلى كل من يملك المعلومة عن فحولة الشيخ عليان الطهيمي تفضل مشكورا

السلام عليكم ورحمة الله وبركاته

أخواني ندخل في الموضوع باختصار
الموضوع وما فيه أن عندي ناقه طيبة وودي اوديها لفحل الشيخ عليان الطهيمي الله يطول في عمرة في حائل ، وأجريت اتصال مع احد ملاك الأبل المهتمين من غير أهل حايل والذي غالبا مايملك المعلومة ويفيدك ، وسئلته قلت له ان عندي ناقه طيبه وابي اوديها لفحل الشيخ عليان الطهيمي ( كحيلان ) ( مع العلم أخواني أني ابعد عن حائل مايقارب 600 كيلو ).
وقال لي : أنه سمع من واحد يعرفه ان الفحل خاص وليس لعامة الناس يعني لاتعب نفسك ( كحيلان ) مايعطونه يعني يرفضون أن الفحل يضرب الناقه بس تمشي مشوار على الفاضي وقلت يارجال الشيخ / عليان رجال معروف ومن قبيلة طيبة وعريقة وما يرد احد من طيبته الله يجزاه خير وهذا اللي أعرفه واسمع به قال : والله وسبعة انعام رجال كفو ولحية غانمة لاكن اذا جيت عندهم تبي الضراب لناقتك يعطونك فحل غير الفحل كحيلان فحوله ثانية وهذا كحيلان خاص له وبقية الفحول للعامة من الناس ، حتى اصبحت في حيرة من أمري هل احمل الناقة واشد بها ولا اقطع المشوار واخرتها ما اطلع بنتيجة هل فعلا كلام الرجال صحيح او جاية العلم غلط ؟ لأن عندي ولا زال تصور طيب جدا جدا عن الشيخ عليان وتفاجئت بالكلام هذا ، والفحولة الثانية ما ادري عن انتاجها حتى اني ماسمعت عنها شي ؟ واخرتها قلت مالي الا رجال المنتدى عز الله انهم يجيبون العلم الصحيح وشرايكم أبي العلم اللي يجمد على الشارب ؟ أبي واحد يدق صدرة ويقول خذ العلم الوكاد ؟ أعطوني تكفوون المعلومة الكافية والله يجزاكم خير ويرحم والديكم الأحياء والأموات وآسف على الأطالة مع كل الشكر .

الموضوع الأصلي: إلى كل من يملك المعلومة عن فحولة الشيخ عليان الطهيمي تفضل مشكورا || الكاتب: منصور فالح الضويحي || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

Ygn ;g lk dlg; hglug,lm uk tp,gm hgado ugdhk hg'idld jtqg la;,vh

السلام عليكم ورحمة الله وبركاته

شوف وانا اخوك الطهيمي سمعته طيبه من قبيلتن اطيب وافحوله كثيره اخوان فحله كحيلان

وعنده التاج فوق انتاجة فوق الطيب على كلام اللي شافوا انتاجه

واذا رحت للطهيمي منت خسران سواءا ضربت على كحيلان ولا على اخوانه عنده فحل غير كحيلان يسام بعشرة ملايين

ونصيحتي لك روح لحايل على موترك الخاص وواجه الطهيمي بنفسه وشوف الفحول وشوف انتاجها علشان تقنع واذا قنعت اتصل على راعي الدنه وحمل ناقتك

واسف على الاطاله

تقبل مروري

وانا مع كلام اخوي اخوي عبدالعزيز

شف الفحول وانتاجها وان شاء الله ابو فواز ماهو مقصر

خذ العلم مني ...


وانا اخوك نياقي موجوده في حايل عندهمـ

وكلام اخونا عبد العزيز العصيمي هو الصحيح توكل علي الله ثم خذ برايهـ

وان احتجت لأي استفسار او اي خدمة اقدمها لك ارسل لي رساله علي الخاص اعطيك رقم جوال العامل حقنا اللي موجود هناك ..

انت الرابح

سواء هديت كحيلان او غيره

ولا اعتقد ان شخص في مقام عليان يمنع احد.

ياربع انا جيته قبل كم سنه الفحل الخاص بالبل هذاء المسكت ولد كحيلان والفحول اللي يضربها للعامه هو اخوان المسكت يعني اعيال الكحيلان وعنده الفحل التاج انا شايف انتاتجه انتاجه حلو والرجال حاط لبله فحل واحد اللي هو المسكت والاقصر مع الناس وسمعت طيبه

أشكر الجميع على الردرود والمشاركة وابراهيم الحربي ماهي غريبة عليكم الفزعة والطيب ولك خالص تحياتي ولا يهونون البقية

الله يجزاكم خير احتاج للمزيد من المعلومات عن الفحوله

انا نسيت ان عنده البارز والد البارز وانتاجه فاخر

الطهيمي رجال كفووو ويستاهل ابوفواز ولا كن البعير كحيلان خااااص لابله وانا مالومه وصل عدد السراء500 ناقه ويضرب على طفحان اخو كحيلان لاكن اقل من كحيلان في الزين
والبارز والمسكت يضرب منهن على الناس الخاصين اللي ياصلونه شخصياااا والفحول كلها طيبه وساسهن طيب
وطفحان امه ترتيبهاااا العاشر في الزين عند الطهيمي ومشاركه في المزاين هذه السنه واعتمد كلامي

ماقصرو الخوان

ياخوك رح لطهيمي وماعليك باحد
الطهيمي مسبل الفحل حقه الكنق الي يسام بام رقيبه 40 مليون توكل على الله بس
خلك من الهرج الطهيمي مسبل فحوله للجميع

عليان الطهيمي مسبل كل الفحوله وعلى سبيل المثال ... انتاج البارز حسب معلوماتي (من الحيران ) مسيوم بمليون ومائه الف ريال
وكل الفحول طــــــــيبــه ( الله يرزقك من واسع فضله )

ابوفواز مايرد احد بس رضى الناس غايه لا تدرك
الله يباركله في حلاله وماله
للمعلوميه ... أن هناك سراء للأبل

تحياتي لك

السلام عليكم ااقول كل الكلام اللي قبل صح واذاتبي العلم دور لك واحد يعرف الطهيمي شخصيا على العموم اذا تبي ادلك على مزرعته مستعد

يااخ منصور ابعطيك العلم الوكاد لأن الناس هاليومين كل واحد يجيب علم . انا ومجموعه من خوياي مسكنا سرى عند الطهيمي على الفحل المشهور (التاج) والفحل المشهور (عجلان) وقبل ناس من الجماعه مسكو سرى على الفحل المشهور (كحيلان الهرش) اللي مات قبل كم سنه . وفيه ناس ماسكين سرى على البارز. وغيره من الفحول من عيال كحيلان . وماعمر الطهيمي رد أحد ابد .. لكن تدري وش المشكله قدامك اولاالزحمه ثم الزحمه ثم الزحمه . قبل العام شفت واحد جاي بمنتصف الموسم ومالحق السرى (فدرت الفحول) ومسك سرى للسنه الجايه . وأحيانا يعاف الفحل الناقه وبعدك بالسرى ناس ومايجيك السرى الثاني الا بعد شهرين او ثلاثه او اكثر . وان كان ماعشرت الناقه نفس الحكايه . ثانيا ناقتك هي تستاهل او لا تر فيه ناس واجد مسكو سرى وانا شفت نياقهم مقاني عايديه وواحد من خوياي نياقه نفس الحكايه وتعبو وحالتهم حاله (وطلع الانتاج وسط) يعني ان كان ناقتك ماهي بمزيونه انصحك لاتعب حالك ثالثا السودانيه حسبي الله عليهم صارو ينافسون السعودي حتى عند الفحول المنتجه يجون من الرياض والقصيم والشرقيه وكل مكان ويعطون بعض اللي يعرفونه من السعوديين دراهم ويقولون له حط السرى باسمك وراعي الحلال مايدري يحسبها للسعوديين . واخيرا اخوي منصور لاتقول ابي الفحل كحيلان او البارز او المسكت يعني لاتحدد اسم انت شف ايهم افضل انتاج من الفحول وضرب منه ولاتغتر بالشكل ابد ابد . وعلى العموم ان كان ضربت من اي فحول الطهيمي ان شاءالله انك ماانت خسران لكن اهم شيء ناقتك تستاهل . الله يوفقك . للمعلوميه مزرعة الطهيمي اسمها السنبله على طريق حايل القصيم قبل ماتجي حايل ب40 او 50 كيلو تجيك لوحه يمين تربه بقعاء رح معها وبعدها ب40 كيلو تقريبا يجيك طريق للمزارع يمين امسكه وبعد حوالي 30 كيلو تجيك المزرعه بالتوفيق