ناقة لها 9 شهور لقحة لكن بطنها ماظهر

ناقة لها 9 شهور لقحة لكن بطنها ماظهر

السلام عليكم

عندي سؤال لاهل الخبره شريت لي ناقة قبل سنة وبعد شهر الناقة طاحت قدام البعير وضربها وعشرت وبعد شهر بركت مره ثانيه تحت البعير وأضربها وكان ذالك قبل 9شهور المهم بعد الضراب الاخير الناقة كل ماأردها على البعير تشاول والبعير يشمها ويجنب عنها لكن بطن الناقة ماظهر وكل من شافها قال الناقة ماهي لقحة وشافها واحد قال هذي معشش

لانستغني عن خبراتكم وهل يوجد طريقة غير البعير لتأكد من وضع الناقة

نسيت أقول إن ديسها ظاهر شوي

الموضوع الأصلي: ناقة لها 9 شهور لقحة لكن بطنها ماظهر || الكاتب: محمد الحمراني || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

khrm gih 9 ai,v grpm g;k f'kih lh/iv

طبيعي يا اخوي انه بعض الابل فيها نفس وصفك .. لو ادرش لك صوره بكره شريتها ضعيف .. ومكسوره .. ومرحتها ولقحت .. وياللي يشوفها الحين يقول ماهي بمدني ...

يا دوبك ضرعها باين .. والحمد لله على عطيته .. ولا تستعيل ما دام كملت عندك 9 شهور .. اصبر عسى الله يكرمك منها

وما دام البعير عافها ابشر ... واعيد وازيد عليك .. فيه بعض الابل يلقح ولا يبين عليها اللقاح .. وهذي الظاهره طلعت عندنا مرتين .. وحده في قليصه .. والثانيه في هالبكره ..

أخوي أذا كان أول لقاح لها فهذا طبيعي لان الناقة مع كثرت اللقاح والولاد يبين عليها
أما أذا كان أول لقاحها وعمره زين فهو مايبين الا مع كثرة الانتاج.

وحبيت أسألك.. البعير اذاجاء الناقة توقف له وتشاول وتوزر وترفع راسها فوق( علامات اللقاح) يعني لقحة
ولا اذاجاها البعير تشاول له وترغي .. فهي مهيب لقحه وهي معشش

الناقه اخلجت من قبل يعني مات ولدها العام

الناقه معشش
التسع اشهر باين لقاحها

اخوي تبي تتاكد ميه باالميه
جبلك دكتور وخله يجسها مثل جس الخيل وبيعطيك الجواب النهائي
انها لقحه او لا ان كانها لقحه زين وان كانها مهيب لقحه دورلك على دكتور خبير خله يدخل عليها وينضفها وضربها قبل لا ينتهي وقت الضراب

المشاركة الأصلية كتبت بواسطة محمد الغنامي

الناقه اخلجت من قبل يعني مات ولدها العام

نعم الرجال الي شريت الناقة منه يقول الناقة ولدت ومات ولدها

9 شهور وما بين عليها مستحيل يا خوي نحن بدو وهل بوش وهل انتاج نعرف المدني من الحايل ناقتك يا طويل العمر حايل وفيها التهاب
نفس الحاله مره علي من فتره عندي ناقه وافكر انها مدني وعلى قرب ولاده وكل ما يروحها البعير اتشول ويروح عنها وبعدين جبت الدكتور ودخل عليها من دبرها وقال الناقه حايل ودخل ايده مره ثانيه من سبها وقال الناقه فيها التهاب والالتهاب مسوي وريم داخل الرحم ممكا يوضح للناقه انها عشرا ولاكن هو العكس التهاب واوصاخ نضف عنها وعطاها 2 ابر التهاب وحطلها 9 حبات التهاب داخل سبتها وقالي عقب اسبوعين نوخ الناقه والحمد لله نوخت الناقه وجابت عندي بكره
انصحك انك تخلي الدكتور يدخل عليهل ويقطع عنها

اولا الجماعه ماقصروا كلن بذل مجهوده والحاله هذا عندي حاليا مضربها البعير العام في شهر 9 والبعير يكرفها ويصد منها ولا شفتها قلت الناقه هذا لقحه . الهم يوم جاء وقت لقياها مابين علا الناقه شى واصبر عليها شهر لان بعض البل ماينزل ديدها الا بعد الولاد الهم ادخلنا عليها ولقيت وحدتن من القراين منتفخه وملتهبه يعني لاقحن في وحدتن من القراين جبت لها دكتور وطلع نفس الكلام اللي قلته ونظفها وعطاها مضاد حيوي وبعد عشر ايام خل البعير يضربها والله يوفق الجميع .

عندنا ناقتين مضربينها العام اخر شهر 2
واللحين الي يشوفها يقول هذي حيل وحنا مأملين بالله وبنصبر اما ولدت ولا السوق قريب

ناقتك لقحه ويصير ببعض البل ما يبين عليها والاهم من ذا كله ان ديدها نزل تابع الديد ترا الديد مؤشر قوي للقاح واذا تبي تتاكد اكثر خذ عينه من دمها ووده للجامعه وهو بيسون الفحص اللازم ويعطونك النتايج...اما على حسب كلامك ناقتك ان شالله لقحه...منك الصبر ومنها الوفااا....

نفس الحاله صارت عندي
وكنت متردد في امرها


وقال لي واحد حطها في شبك لحالها واكرمها
لكن ماالله قسم اصعدت الناقه

والعوض من الله

يمكن ناقتك عبور ..

هذا عندي صاير ..

وعلى فكره انا ناقتي ما طلع بطنها لين الحين .. بس ضرعها نزل ... وبطنها كنها حايل ..

شوف ناقتك .. ونصيحتي لك .. خذ عينه من دمها مثل ما قالوا لك الاخوان .. ووصلها للمختبر .. واكشف عليها

ناقتي ثانيه ثلاث شهور تشول مشاول لقاح ..حتى انه البعير يعيفها من ايي قربها ..

وشليت دمها لاني اشوفها تهادر وتعض العشار .. ولا انصدم انه الحبيبه حايل .. والحين متحلف لها انه الثلاث شهور انطلعه من عيونها ..