ياجماعه نبي من واقع التجربه عشان نفيد ونستفيد

ياجماعه نبي من واقع التجربه عشان نفيد ونستفيد

ياجماعة الخير نبي احد يفيدنا من واقع تجربه هل السم (( الجره )) لوصبيته في حوض ماء الابل مقدار فنجال هل يضرها ويضر القاح نبي الافاده ونبي العالم تستفيد من التجارب هل انفعت ولا ضرت وهل اجابياته اكثر او سلبياتها اكثر

الموضوع الأصلي: ياجماعه نبي من واقع التجربه عشان نفيد ونستفيد || الكاتب: ذياب بن غانم || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

dh[lhui kfd lk ,hru hgj[vfi uahk ktd] ,ksjtd]

لا ما يضررر ابد وذا ينظف بطونها من الدود وغيره

بس ما تكثره

انا ما أنصح بذلك وخاصه في هذا الوقت وادوية ادود كثيره بجميع انواعها

من ناحية الفايدة مافيه شك انه مفيد للبل عن جميع الامراض ولافيه اي مضره للّقاح ولاغيرها

ولكن هي فيها خطورة ومغامرة لانه قد يقتل لذلك الناس اللي جربوه يخففونه جدا بحيث يتغير لون الماء فقط

الشي الاخر تاكد من صلاحية السم وقوته وتقدر تجربه في ناقة وحدة

ماعندي علم واول مره اسمع بان الجره اذا شربتها الابل ما يضرها

ولكن العلم الوكاد عند من جرب هالطريقه و نستفيد من باقي الاخوان وتجاربهم

الله يبيض وجيهكم علي التفاعل وين الاعضاء نبي تجاربكم ونصايحكم

فيه احد من الناس رش ابله في جره الكلام هذا قبل 6سنوات وكان الوقت حر والتركيز اقوى منى الموجود ومات له اكثر من نصف حلاله فما بالك بشربها واعيد واكرر لالالالالا تجرب واليوم انشاءالله راح اكون مع طبيب بيطري استفسر منه

شكرا يابن عدوان على تفاعلك

جربته على بعض اللي ياكل الوبر من قعدان وبكار حقايق ولقوات وجذعات وابشركم مامنه مضره وانه تركوا اكل الوبر . هذا من حيث تجربه

والجره حجم 60 . اصب في حوض البانوي مقدار بيالتين . لكن كان الوقت ابرد من كذا .

الجارة سم قاتل
ونعم هناك من يصب في حوض الابل منها جرعات مخففه

لكن في رايي انك اذا منت محدود عليها فيه اكثر من طريقه تغنيك عنها وانا انصحك بتجنبها لخطورتها

السم سم ما يحتاج استشاره يالله البل تسلم منه وهو رش كيف تسقونها منه الي حلاله غالي عليه لا يحطه حتى لوه يفيد ما تدرون واحد من رعيانكم والا عيالكم يشربه لا قدر الله ويموت الحاجه الثانيه اسعار علاجات الدود ما هي غاليه ارخص من سم الجره واضمن للحلال ونتايجه اكيده منها الي تحطه مع لقوم ومنها الي تغره بها والي ابره تحت الجلد
لاترخصون عماركم وحلالكم ثم تندمون

والله سمعنا ناس يحطونه ويقولون مامنه مضره

ولكن انا شخصيا ما جربته في حلالي ..... لكن اللي استخدموه يكون خفيف جدا يعني مقدار فنجال مليان والحوض مليان ( بانيو)

وايضا يقول حال الابل عليه طيب .

وانا اشوف من وجهة نظري انها ما تصلح .

له اضرار على الكبد لان الكبد عباره عن مرشح والاضرار قد تكون مستقبلية

ياجماعه الجاره كلا عارف انها سم قاتل وبعض الناس جربها وشاف مفعولها انا اقول صحيح لكن لابد من مضاعفات اخرى لو بعد حين واكد صابت مع بعض اهل البل مرة ولكن انا اقول انها ماده سامه قاتله جدا ولا انصح احد انه يستعملها لانها صنعت للرش الخارجي فقط وليس لشراب ودمتم

السلام عليكم ورحمة الله

اخوي ذياب الجره كويسه للابل وهي تنظف بطونها من الدود والبكتيريا والطفيليات بشكل منظم , وترها ماتضر القاح ولكنها تضر الناقة الي فيها جروح في جسمها من داخل

وحتمال يذبحها , واذا حطيته مع الماء لاتكثره لان كثرته يضر البل وخل لونه زي لون الحليب بس انه خفيف حيل , اليجابيات ذكرتها لك والسلبيات بعد معها