منو يعرف علاج ابو دبه

منو يعرف علاج ابو دبه

مساء الخير اعظاء المنتدى
عندي ناقه في مرض ابو دبه ومن اعراضه ماتقدر تدرهم ويقل اكلها ولا تروي ولدها
الي عند حل يفيدنا

الموضوع الأصلي: منو يعرف علاج ابو دبه || الكاتب: شجاع الشهري || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

lk, duvt ugh[ hf, ]fi

هذا المرض غالباً ما يتعالج بالكي ،،

ماتشوف شر بإذن الله وأسئل الله لها الشفاء العاجل ،،

ننتظر الاخوان يفيدونك بطريقة الكي ،،

ابو دبه من الامراض الخطيرة والمعديه
وهو مراحل متقدمه من مرض الهيام
لايوجد علاج متفق عليه
الافضل عزل االمصاب فوراً والله يعوضك خير يارب

مسل النور والسرور

ابودبه ماله علاج بس يروح ويرجع حتى يذبح الناقه

اعزل الناقه اذا المرض ابودبه لي انه يعدي من دمنها تكرمون

يمكن ماهوب ابو دبه

انصحك انك تحلل الناقه وتشوف وش فيها لي ان انا قد صارلي كذا وقالت ابودبه وطلع ماهوب ابودبه وحللتها وطلع فيها فقر دم والتهاب في الكبد وعطني الدكتور بودرة وعلاجت وطابت والحمدلله

اتمنى اني افدتك

تقبل تحياتي

المشاركة الأصلية كتبت بواسطة فيصل الخييلي

مسل النور والسرور

ابودبه ماله علاج بس يروح ويرجع حتى يذبح الناقه

اعزل الناقه اذا المرض ابودبه لي انه يعدي من دمنها تكرمون

يمكن ماهوب ابو دبه

انصحك انك تحلل الناقه وتشوف وش فيها لي ان انا قد صارلي كذا وقالت ابودبه وطلع ماهوب ابودبه وحللتها وطلع فيها فقر دم والتهاب في الكبد وعطني الدكتور بودرة وعلاجت وطابت والحمدلله

اتمنى اني افدتك

تقبل تحياتي

أتبع إرشادات أخوي فيصل لعل وعسى أن الي في ناقتك ماتكون أبودبه ،،

وياليت توافيناا بالنتائج ،،

مشكورين على الرد

اخوي لو ناقتك فيها ابو دبه .. رد لي خبر .. وبخبرك بعلاجها .. لاني حاليا اتابع حاله ناقه عندي فيها ابو دبه .. ولله الحمد والمنه بدت في الشفاء بنسبه 89% ... باقي وريم بسيط حول الزور .. وفي الضرع نوعا ما ..



المهم .. خلك معاي على تواصل .. وبعون الله .. افيدك .. ودعواتك ليه ............

اخوي مبارك بن محمد

ياليت تعلمنا بعراض ناقتك

وبالعلاج اللي استخدمته

متعب ال محمد ..

ابشر طال عمرك ..

الاعراض ياللي طلعت في الناقه .. وريم في الصدر وحول الزور .. وريم حول الضرع وفي الظرع نفسه .. ولدها يكون هزيل .. لانه امه ما تدر له كفايتها من الحليب ..

وعلى حسب كلام دكتور ممتاز عندنا وعلى حسب شرح لحاله الناقه ياللي ويايه ..

هذا دود ياكل الكبد وياثر فيها .. ممكا يخلي الماء يتسرب في ارجاء الجسم تحت الجلد .. فتشوف الوريم ..

.............. طريقه العلاج .............

- عزل الناقه في الماكل والمشرب ..
- ابره جرب " اصليه " 20 مل للي متولده .. وياللي مدني 15- 10 مل حسب تحمل الناقه.
- مكمل غذائي للكبد .. فيتامينات للكبد .. غذاء صحي ..
- تنظيف الناقه من القراد والحلم.
- تنظيف الشبك من الدمن " وانتوا بكرامه " ..والتنظيف باستمرار ..
- ابره الجرب تظربها كل 14 يوم على ست جلسات تقريبا .....
- تظربها بعد ما يخف الوريم بابره هيام حاره (اصليه) . " شرط يكون في الشتاء" ولو انتوا في الصيف " ابره هيام بارده ".
- بعد ما يروح كل الوريم خلال هالفتره تعطي الناقه اكياس ديرازون كل يوم كيس " الرجاء الحيطه لانه بودره الديرازون خطيره على المداني وتسبب الصعود".
- بعد كذا كل اربع ايام تعطيها بيضتين الا ثلاث بيضات على الريق.


جربته هالعلاج على 2 من الابل .. والحمد لله تعافت والحين وسط امهاتها .. وطلع عندي من كمن يوم في ناقه شاريها وعزلتها وحاليا بديت اعالج فيها بنفس الطريقه .. والحمد لله درت الابل وصار سنام عيالها كبير ..

ودعواتكم لنا بالتوفيق والرحمه وحسن الخاتمه

ملاحظه : الرجاء عدم ضرب ابره الهيام مع ابره الجرب في الوقت نفسه او في نفس الاسبوع لانه له اثار جانبيه سيئه جدا .....

يجماعه منكم نستفيد هل بودبه بدايته الهيام تجمع الما الي في بطن الناقه قدام الديد وهل اذ عطيتها ابرت الهيام وشفت يرجع ام لا

معلومه جاتني اليوم ولا اعرف مدى صحتها :

بدوي من ال مره جرب يستخدم النفط الخام في طلاء ناقته المصابه بابو دبه ويقال انها طابت والعهده على الراوي

من وين جاب النفط الخام !؟؟

الله اعلم .. بس ياللي سمعته انه فيه واحد استخدم الثعابين ونفع معاه .. بس ما جربت .. وبحكم تجربتي تكلمت .. والله اعلى واعلم .. وان شاء الله نفيد المسلمين من تجربتنا

المشاركة الأصلية كتبت بواسطة مبارك بن محمد

متعب ال محمد ..

ابشر طال عمرك ..

الاعراض ياللي طلعت في الناقه .. وريم في الصدر وحول الزور .. وريم حول الضرع وفي الظرع نفسه .. ولدها يكون هزيل .. لانه امه ما تدر له كفايتها من الحليب ..

وعلى حسب كلام دكتور ممتاز عندنا وعلى حسب شرح لحاله الناقه ياللي ويايه ..

هذا دود ياكل الكبد وياثر فيها .. ممكا يخلي الماء يتسرب في ارجاء الجسم تحت الجلد .. فتشوف الوريم ..

.............. طريقه العلاج .............

- عزل الناقه في الماكل والمشرب ..
- ابره جرب " اصليه " 20 مل للي متولده .. وياللي مدني 15- 10 مل حسب تحمل الناقه.
- مكمل غذائي للكبد .. فيتامينات للكبد .. غذاء صحي ..
- تنظيف الناقه من القراد والحلم.
- تنظيف الشبك من الدمن " وانتوا بكرامه " ..والتنظيف باستمرار ..
- ابره الجرب تظربها كل 14 يوم على ست جلسات تقريبا .....
- تظربها بعد ما يخف الوريم بابره هيام حاره (اصليه) . " شرط يكون في الشتاء" ولو انتوا في الصيف " ابره هيام بارده ".
- بعد ما يروح كل الوريم خلال هالفتره تعطي الناقه اكياس ديرازون كل يوم كيس " الرجاء الحيطه لانه بودره الديرازون خطيره على المداني وتسبب الصعود".
- بعد كذا كل اربع ايام تعطيها بيضتين الا ثلاث بيضات على الريق.


جربته هالعلاج على 2 من الابل .. والحمد لله تعافت والحين وسط امهاتها .. وطلع عندي من كمن يوم في ناقه شاريها وعزلتها وحاليا بديت اعالج فيها بنفس الطريقه .. والحمد لله درت الابل وصار سنام عيالها كبير ..

ودعواتكم لنا بالتوفيق والرحمه وحسن الخاتمه

ملاحظه : الرجاء عدم ضرب ابره الهيام مع ابره الجرب في الوقت نفسه او في نفس الاسبوع لانه له اثار جانبيه سيئه جدا .....

جزاك الله خير على هالمعلومه الطيبة والله لايضيع تعبك ويعوضك خير
مثل هذي التجارب يستفيد منها الاخرين

	الي نسمعه من اكثر اصحاب البل الي مر عليهم مرض ابو دبه يقولون ماله علاج وقليل من النياق المصابه بابو دبه تسلم منه بامر الله مير تالي الوقت انا ياواحد اسمع بعلاج له كل ماجاء طاري مرض ابو دبه هو انك تمسك لك داب وتقطع راسه وتفتح فم المطيه وتدخل يدك لين تسقط الداب داخل حلقها بتدا من ذنب الداب وتحرص انك ماتخلي الدم ينطف داخل فم المطيه طبعن ياخوان الي اذكرو هالعلاج ناس واجد يقولون افلان من الناس جربه وسلمت مطيته مير هم مامنهم اللي قال انا سويته يعني يسندها على غيره وشكرن

نسال الله العفايه والسلامه لنا ولحللنا كلنا ..

بس مثل هالمرض على حسب تجربتي .. وحده من الابل جلست عليها ما يقارب 5 شهور علاج ... ونجح معاها .. وحاليا بعت ولدها وهيه حايل عندي في الشبك .. واللهم صلي على محمد ما فيها الا العافيه ..

فيه ناقه ثانيه شريتها مدني وجاها ابو دبه عندي .. وخصوصا طلعت اعراضها في اخر شهور الحمل .. بديت اعطيها جرعات مخففه من ابره الجرب .. مع العلاج .. وهذي الناقه جلست معاي ما يقارب 8 شهور وانا اعالج فيها ... يجي ويروح .. اخر شي كلمت البيطري .. وجزاه الله خير عنا .. قالي افحص دمنها وخذ عينه من دمها .. وطلع الفحص سليم .. قالي العيب مش في المرض نفسه لانه المطيه تعافت ولله الحمد والمنه .. العيب من الكبد .. الكبت تالفه .. ويبيلك علاج لها وبديت اعطيها مكملات للكبد والحين بخير وعافيه والحمد لله