من يتجمل معنا ويدلنا

من يتجمل معنا ويدلنا

السلام عليكم ورحمه الله .
والله ماكتبت الموضوع الا بعد عده سنوات من المعاناه من التدوير والروحه والجيه .
ادورلي على فحل خصم اضرب لي ناقه والاناقتين وعجزت ماخليت محل وكلهم يامزحومين والا يردك .
والعام القريب مسكت سرا وحطيت ناقه من شهر 1 ولاضربت الاشهر3 ولالقحت وهي المره .
المنطقه الي انا فيها كلها ملاوين مافيها مجاهيم طيبه ولي خبرلي رجال اجودي ولايرد يسوي في خير .
شاكر ومقدر ..

الموضوع الأصلي: من يتجمل معنا ويدلنا || الكاتب: صالح ناصر || المصدر: منتديات مزاين

www.mzayan.com

كلمات البحث

النداوي, نداوي, شعر, شعر شعبي, شعبيات, قصائد, نبطي, نبطية, مزاين الإبل, ديوان, دواوين, شعراء, جمل, جمال, بعارين, ناقة ,مجهم, مغتر ,مجاهيم ,مغاتير, وضح, شعل, حمر, صفر, هجن, جيش ,اصايل, نوق, نياق, صحراء, البر, المقناص, القنص, ربابة, شاعرات, شعار, قصيد, القصيد, قرآن, قران, دردشة, سوالف, مدح, مديح, حماسة, حماسه, صقر, صقور, فروسية, فرسان, سلوم, عادات, قبيلة, قبائل, هيل, قهوة, قهوه, تراث, عرضة, عرضه, العرضه, العرضة, سامري, هجيني, مسحوب, نجد, نجدية, محاورة, محاوره, نقد, أدب, ادب, الأدب, موال موالات, سمر, بحور الشعر, نظم, أمثال, امثال, حكم, الأصايل, الخيل, فرس, موروث

المصدر: منتـديـات مــزايـن

---

lk dj[lg lukh ,d]gkh

مرحبا يابو ناصر تبي خصم ولا عنده زحمه هذي صعبه لكن الركاب الطيبه واجد في الشرقيه بس اخذ اجازة وحمل الشبوك وتحزم واعصب الغتره وسلم على الجماعه وتوكل على الله ترى قرين الابل شقي والبكار الغوالي ماتجي الا عقب عناء وشقاء واي استفسار جوال 0566468886

ياصالح
حدد موقعك
عشان يدلونك الاخوان على الزمول اللي في منطقتـك ...

يابو ناصر والله إني ودي أخدمك وأخدم كل سنافي..وراعي البعير اللي بيرد عنه ماعلى حشو يجي من ورى بعيره طماعه,وأبشر بالسعد خل الهايل يكبر ونهده في البل وجب يابو ناصر بدل الوحده عشر,وإن شاء الله تلقى مايسر خاطرك..
عموماً أنا والله ماعمري حملت لإحد لآجل الضراب..ولكن أسمع إن الآجواد واجد ولايمنعون عن البعير..ومنهم على سبيل المثال في قبيلة بني هاجر..سحمي أبن زومان..وآل زريق..وناصر ابن سعيد أل مرسان حسب مانسمع من الرواه..وإنصهم ولاهم بمقصرين..لكن يقول راعي المثل القوس قبل الدوس..والآجواد غيرهم من القبايل الآخرى كل فيه حقه من العلوم اللي تنومس مانصاهم..وحياك ربي يابوناصر..

مرحبا اخوي صالح والله لايخيب تعبك
كأنك تبي تضرب نياقك فاانا حاضر ارسلها وانا أتولى أمورها ولاتعود الا معاشير باذن الله
وفحلنا عروقه ثريه ونرجي الله فيه البركه ولانبي غير الدعاء لمالك الفحل
محلي شمال منطقة الرياض بستين كيلو ان عزمت ارسلي رساله

كفو يالتميمي علومك غانمة ردك ينومس ولو مالي شغل بالموضوع

عزالله ان راسي شاش منكم ياريجيل كفوووو وش فايدت الخوه بدوووون فزعاااات

بيض الله وجيهكم عزالله ان علومكم غانمه

كفو يالتميمي بيّض الله وجهك وجزاك خير الجزاء

كفو يبو صالح واعلومك وافيه يالوافي ولا هي غريبه عليك الطيب انت تعطي فيه دروس

وانشهد انه فحل كفو وينعنى له والله يرزقكم ومن تنوق بالانتاج الفاخر

الله يبيض وجيهكم جميعا ،، ولا هي غريبة عليك يا تميمي
( الطيب من هله ما يستغرب )
الله لا يقطع للجواد تالي ،، ولكم التحية والتقدير

الاخ محمد ابو عدوه والاخ مشعل الشويش والاخ راشد الكدادي والاخ محمد التميمي .
علمكم طيب وبيض الله وجهكم .

الله يبيض وجيهكم جميعاً علومكم غانمه ولا هي غريبة عليكم

كــــفــــو يا بو صالح وياليت كل الفحول المنتجة عندك بيض الله وجهك